Nombres 8:12 - UNIMBƆTI NYƆƆBUNDI GBƆŊKU

¹² Leefii yab ń dū bi-ŋalii kí páań inajaayee yiliŋ pu ní á dū unaja ubɔ kí ŋá ikpiti pɔ̄tam saraau kí tīī-mi, ní kí dū un kíǹee kí ŋá saraawɔkaa. Míǹ boonee ní Aarɔn ń ŋá dikoobil din u máaǹ kí ŋée Leefii yab pu ní bí ká bi-kpitii pɔ̄tam.

Nombres 8:12 Iomraidhean Croise

Exode 29:10

«Á cáań dinajapɔmbilee dikpafindi tantiu nyɔkɔpu, ní Aarɔn nì u-jipɔmbi ń dū bi-ŋalii kí páań di-yil pu.

Lévitique 1:4

Ú dū u-ŋal kí páań kuwaŋkuluuee yil pu ní ti-Dindaan ń nín fōō u-saraau ní kí dū u-kpitii kí pɔ̄-u.

Lévitique 14:22

Ú cáań ananjil ali àá abeenanjil ali kí nóó nì tin u ŋūǹ kí kée. Bí dū diba kí ŋá ikpiti pɔ̄tam saraau ní kí dū din kíǹee kí ŋá saraawɔkaa.

Lévitique 16:11

«Niinee ní Aarɔn ń yòon̄ dinabil din u làá dūú ŋá u-kpitii pɔ̄tam saraauee, ní kí ŋá dikoobil nín bālifì puee kí fíntí u-kpitii nì u-dicaŋku yai. Ú làntì dinabilee kí ŋá úǹ u-ba kpitii pɔ̄tam saraau.

Lévitique 16:21

Niinee ní Aarɔn ń dū u-ŋalii liitil kí páań uŋɔjee yil pu ní kí bìitī Isirayeel yab tuŋkpitiŋ nì bi-yìntitam nì bi-kpitii pu kí dūú túń uŋɔjee pu, ní kí lēē unil ubɔ ń péetí-u kí tɔ̄ kupɔɔun.

Lévitique 16:6

«Aarɔn ń dū dinabil din u làá dūú ŋá úǹ u-ba kpitii pɔ̄tam saraauee kí ŋá saraa ní kí ŋá dikoobil nín bālifì puee kí fíntí u-kpitii nì u-dicaŋku yai.

Lévitique 4:15

ní bitindaŋkpilib ń dū bi-ŋalii kí páań dinabilee yil pu ní bi-kansikin ubɔ ń làntì-dì ti-Dindaan nimbiin niin.

Lévitique 4:20

Kii usaraaŋakpil nín ŋá úǹ u-ba kpitii pɔ̄tam saraau nabil puee, míǹ mbaantiim ní u máaǹ kí ŋá dinabil dinee mun. Ní usaraaŋakpil ń ŋá Isirayeel yab pu dikoobil din u máaǹ kí ŋée ní bí ká bi-kpitii pɔ̄tam.

Lévitique 4:35

Ú lēē upisalee kpam kɔkɔ kii bi nín lèekī mpèé saraau pibil kpam puee, ní usaraaŋal ń cáá wà ŋŋmi nsaraafan pu nì saraabi bin kɔkɔ sá bí dùú wà ŋŋmi kí tīī ti-Dindaanee. Usaraaŋal ń ŋá udaan pu dikoobil din u máaǹ kí ŋée ní ú ká u-kpitii pɔ̄tam.»

Lévitique 4:4

Ú cáań dinabilee circir kɔŋkooŋŋu punyɔkɔki nyɔkɔpu ti-Dindaan nimbiin, kí dū u-ŋal kí páań dinabilee yil pu ní kí làntì-dì ti-Dindaan nimbiin niin.

Lévitique 5:7

«Ubɔ ŋaan yaa kaa nyìm̀ ú dā upii àá uŋoobuee, u ŋūǹ kí cáań nnanjilimu muli àá abeenanjil ali kí ŋāŋkì u-bɔkpil. Ú dū diba kí ŋá ikpiti pɔ̄tam saraau ní kí dū din kíǹee kí ŋá saraawɔkaa.

Lévitique 8:14

U dóòyee ní ki dātìń dinabil din bi làá dūú ŋá ikpiti pɔ̄tam saraauee ki cáań, ní Aarɔn nì u-jipɔmbi dū bi-ŋalii ki páaǹ di-yil pu.

Lévitique 8:15

Ní Mooyiisi lāntì-dì ní ki dū u-ŋambiki ki sēē fatiku ki dūu jōō nsaraafan yiŋyi pu ki māntìi tú ki ŋá-ŋu circir. U nìn dū fatiku un kíǹee ki kpáatìi pɔ̀l̄ nsaraafanee taapu. Míǹ ní u ŋá ní ki dū nsaraafan ki sú Unimbɔti, bí nīn ŋáań ikpiti pɔ̄tam saraau ŋu-pu.

Lévitique 8:18

Niinee ní Mooyiisi tí dātì upìja un bi làá dūú ŋá saraawɔkaayee ki cáań ní Aarɔn nì u-jipɔmbi dū bi-ŋalii ki páaǹ u-yil pu.

Lévitique 8:34

Kii ti nín ŋá pu díǹ nee, ti-Dindaan u-ba di síiǹ mara yii tí ŋá míǹ ní ní ká ni-kpitii pɔ̄tam.

Lévitique 9:7

Niinee ní Mooyiisi bí Aarɔn yii: «Sútí kí pìl̄ nsaraafan kí ŋá a-kpitii pɔ̄tam saraau nì a-saraawɔkaau, kí pítí a-kpitii nì samaa kpitii. Míǹ boonee á ŋá saraabi bin ní samaa cáańee kí pítí bi-kpitii, kii ti-Dindaan nín síiǹ mara puee.»

Nombres 6:14

Ú nīn ŋúbiń saraa wanti nee kí cáań man ni-Dindaan. Ú dū dipibil din cáá dibindi diba di-laaba kaa wɔ̀b̄ee kí ŋá saraawɔkaa, kí dū upisal un cáá dibindi diba u-laaba kaa wɔ̀b̄ee kí ŋá ikpiti pɔ̄tam saraau, ní kí dū upìja un laaba kaa wɔ̀b̄ee kí ŋá mpèé saraau.

Nombres 6:16

Ní usaraaŋal ń fōō tiwanee kí cáań ti-Dindaan nimbiin kí dūú ŋá ikpiti pɔ̄tam saraau nì saraawɔkaa.

Nombres 8:13

Míǹ boonee ní á yàntī Leefii yab ń yūĺ Aarɔn nì u-jipɔmbi nimbiin, ní á dū-bi kí sú-mi.

Nombres 8:8

Boonee ní bí cáań unaja nì ŋyim min bi búuń ŋkpaminee, ní sii a-ba ń yòon̄ unajaliliiti un sá bí dūú ŋá ikpiti pɔ̄tam saraauee.

Hébreux 9:22

Kii mara nín lī puee, fatiku ní bi ŋman nìn pée cáa yàantí tiwan kɔkɔ pu ní tí kpántí circir. An puee fatiku yaa kaa nyáńee, unil kaa kāntí u-kpitii pɔ̄tam.