Nombres 6:3 - UNIMBƆTI NYƆƆBUNDI GBƆŊKU

³ udaan ń taa nyɔ̀ ndamam nì idafi in kɔkɔ pée pɔ̄ɔ̄yee, kí taa nyɔ̀ ndaam min nyàm̀ bi lēē-mi ndamam poonee, nì ndaam min poon bi tɔ́ dinyaalee, nì fiinyi subiliŋ ŋin bi ŋmáaḿee nyim. Ú taa ŋmɔ́ fiinyi subiliŋ asoon àá akulim.

Nombres 6:3 Iomraidhean Croise

Lévitique 10:9

«Sii nì a-jipɔmbi, ni yaa kóò circir kɔŋkooŋŋu poonee, ní taa nyɔ̀ ndamam àá ndaam min pɔ̄ɔ̄yee miba, án nín làá ŋá pu ní taa kpúee. Án nīn sá dibɔkpaal ki tīī ni nì ni-biyaamu kí nīn cá jaanjaan.

Amos 2:11

M lēē ni-jipɔmbi biba bí nīn sá m-bɔnaatiliibi, ki lēē ni-naacimpɔmbi biba bí dū bi-ba kí sú-mi. An kaa sá mimmaaa, Isirayeel yab?» Ti-Dindaan di sòon̄ míǹ.

Amos 2:12

Ama ni nyūntì bin dū bi-ba ki sú-mee ndaam, ki pīiǹ m-bɔnaatiliibi nsan yii bí taa ti nàatī m-bɔti.

Nombres 6:4

Ŋyunti ŋun kɔkɔ ní u pōoǹ ki dū u-ba ki sú-mee, ú taa ŋmɔ́ tin kɔkɔ sá fiinyi subu wantee. Ú taa ŋmɔ́ fiinyi subil poon biliŋ, kí taa ŋmɔ́ di-pɔkɔku gba.

Luuki 1:15

U làá dāá nīn sá unikpaan ti-Dindaan nimbiin. Waa dāa nyù ndaam nì tinyɔkaal tin kɔkɔ pée gbéèyee. U làá dāá gbí Unimbɔti Fam doooo u-na poon ní.

Luuki 21:34

«Ní nīn nyímaan nì ni-ba kí taa yàntī njinjim nì ndanyoon nì duulinya landɔkɔi ń jī mpaan ni-pɔbiliŋ poon. An yaa sá fám, Unimbɔti bɔsooŋyi wiiŋŋu gbanti làá dāá túuǹ-ni.

Ephésiens 5:18

Ní taa nín̄ nyù idafi ki gbéè, kun puee an di bíiĺ unil, ama ní nīn gbéèmaan Unimbɔti Fam.

1 Thessaloniciens 5:22

kí nīn nyíǹ ni-ba nì tikpitil kɔkɔ nì ti-bulifi.

1 Timothée 5:23

Á taa ti nín̄ nyù nnyim ŋmaniŋma. Nín̄ nyù ndamam fiii ipɔŋween nì a-wunti nín nyàŋfī múlmulee pu.

Hébreux 9:10

An sá marab bin bi yóoǹ bi sá tijin nì tinyɔkaal nì tiwun difíntilee bɔti ní. An marabee kɔkɔ sá tiwun pu marab ní kí tin sāā ŋyunti ŋun Unimbɔti làá dāá cáań tipɔnee.

Juges 13:14

Ú taa pée dáká tin kamaa ní bi yaa dū fiinyi subil ki ŋée. Ú taa nyɔ̀ ndamam àá ndaam min pɔ̄ɔ̄yee. Ú taa jī tijin tin kamaa kaa bí circiree, ní kí ŋá tin kɔkɔ ní m tùkū-u yii ú ŋée.»

Juges 13:4

Kí yòon̄ díǹ kí nīn cée, á taa ti nyɔ̀ ndamam àá ndaam min kamaa pɔ̄ɔ̄yee, kí taa jī tijin tin kamaa kaa bí circiree,