Nombres 4:6 - UNIMBƆTI NYƆƆBUNDI GBƆŊKU

⁶ Bí dū ŋgban ŋun dàfèe kí bìin̄, ní kí dū sata un máǹ gàaayee kí páań an pu. Míǹ boonee ní bí dū tikúti kpandɔi kí bɔ̄ Dipoondi dakaau kpiŋŋi bɔmbiliŋ poon.

Nombres 4:6 Iomraidhean Croise

Exode 25:10

«Ní dāá dū akasiya dɔŋu kí kpáá dakaa. U-púuŋŋu ń nīn cáá meeta ubɔ nì santimeetab mmuŋku nì biŋmoo, u-waaŋŋu ń nīn cáá santimeetab biŋmoo kpá imuŋku inaa ní u-fɔkɔŋŋu ń nīn cáá santimeetab biŋmoo kpá imuŋku inaa.

Exode 35:19

nì tiwampeeŋkaal tin bi làá nīn pèentí ki tūǹ atuun circir kɔŋkooŋŋunee nì usaraaŋakpil Aarɔn wampeeŋkaati nì u-jipɔmbi yati tin bi làá nīn pèentí ki tūǹ disaraatundee.>»

Exode 39:1

Bi nìn dū gulfab bin máǹ gùŋgumee nì bin máǹ cínciŋee nì bin máǹ wèeeeyee ki ŋáĺ circir wampeeŋkaati bí nīn cáa tūǹ circir kɔŋkooŋŋun ditundi. Bi nìn ŋáĺ Aarɔn circir wampeeŋkaati kii ti-Dindaan nín nìn tīī Mooyiisi mara puee.

Exode 39:41

- nì tiwampeeŋkaal tin bi làá nīn pèentí ki tūǹ atuun circir kɔŋkooŋŋunee nì usaraaŋakpil Aarɔn wampeeŋkaati nì u-jipɔmbi yati tin bi làá nīn pèentí ki tūǹ disaraatundee.

Nombres 4:14

Bí dū tin kɔkɔ bi cáa tūǹ nsaraafan pu tundee kí páań an pu, an dàkà yii kisambiki kin poon ŋkpam min bi wùn̄ee fantam kàal̀ee, nì kijiii kin cáá anyinee, nì kun bi cáa mɔ́fí ŋŋmee, nì disambil din poon bi ŋáań fatiku ki yàantée. Bí dū ŋgban ŋun dàfèe kí páań an pu, ní ki dū tikúti kpandɔi kí bɔ̄ nsaraafan kpìmbiliŋin.

Nombres 4:25

bí nīn tūntí circir kɔŋkooŋŋu ŋaabui nì ŋu-poon diiku ŋaabui nì igban in dàfì bi cáa bìintí an puee nì ŋŋaabu ŋun lìkī circir kɔŋkooŋŋu punyɔkɔkee,

Deutéronome 31:9

Niinee Mooyiisi ŋmàn̄ Unimbɔti marab ki dūu tīī Leefii yab bisaraaŋaliibi bin tūntí ti-Dindaan poondi dakaauee nì Isirayeel yab tindaŋkpilib kɔkɔ.