Nombres 4:5 - UNIMBƆTI NYƆƆBUNDI GBƆŊKU

⁵ Ni yaa làá yīkì ni-naapaal puee, Aarɔn nì u-jipɔmbi ń sàkatī ŋŋaabu ŋun pītì poon diiŋŋee kí gíiǹ-ŋu kí bìin̄ dipoondi taŋkpapilinti dakaau pu.

Nombres 4:5 Iomraidhean Croise

1 Chroniques 15:15

Niinee Leefii yab dū idɔ ki bɔ́ Unimbɔti dakaau buŋyin ki yōoǹ ki būkuǹ ki nóó nì ti-Dindaan nín nìn tùkū Mooyiisi bí ŋá puee.

1 Chroniques 23:26

Mimmee an kaa ti cáá yii Leefii yab làá gíti túń circir kɔŋkooŋŋu nì tiwan tin kɔkɔ bi cáa tūǹ ŋu-poon ditundee.»

2 Chroniques 3:14

Bi nìn dū ŋŋaabu ŋun dàfèe nì ŋŋaaman gùŋgum nì ŋŋaaman cínciŋ nì ŋŋaaman wèeee ki lùn̄ ŋŋaasakaŋkaa. Bi nìn lùn̄ keerubimbi ki nákáǹ ŋu-pu.

Exode 36:35

Bi nìn dū gulfab bin máǹ gùŋgumee nì bi máǹ wèeee nì bi máǹ cínciŋee nì gulfab bin bí fálfal ki dàfèe ki lùn̄ ŋŋaasakaŋkaa, ki lùn̄ keerubimbi ki nákáǹ ŋŋaabuee pu.

Exode 40:3

Á dū dakaa un poon Dipoondi marab kēe kí yóoń ŋŋaapìtikaa boon án nīn lìkī bí taa nín̄ wāĺ.

Exode 40:5

Á dū sindaariya saraafaŋŋu ŋun pu bi tùutī talaalubee kí yóoń dakaa un poon Dipoondi marab kēe nyɔkɔpu, ní kí dū ŋŋaasakaŋkaa kí sàkan̄ circir kɔŋkooŋŋu punyɔkɔki pu.

Esaïe 25:7

Dijool gbanti puee, u làá cúú kpɔsata un anibul kɔkɔ lōōyee kí lēē, ŋŋaabu ŋun bīī atimbun kɔkɔ puee.

Lévitique 16:2

U nìn bí-u yii: «Tùkù a-maan Aarɔn yii ú taa nín̄ kóò ŋyunti ŋun ní u yaa lèe circir páaa laŋki, ŋŋaapìtikaa boon, laakin dipoondi dakaau nì u-bìil sée. Mimmee ŋyunti ŋun ditagbandi din poon m bée yaa nyáń ki dāntì dipoondi dakaau bìil puee, waa kúù.

Nombres 10:14

Juuda naakooku janjakitil nì bi-falaŋkau di nìn péé ki yíkì ki līntì nsan. Bi-janjakpiliu di nìn sá Amiinadaab jipɔɔn Naakɔn.

Nombres 4:15

Aarɔn nì u-jipɔmbi yaa bɔ́ntì tin kɔkɔ sá circiree, ki bīiǹ ti-pu ki dóò bi làá yīkì dinaapaal puee, ní Keeyaati jipɔmbi ń dāá nín yòon̄-tì. Bí taa pée gbēē circir wanti gbanti. Bi yaa gbēē-tì bi làá kpú. Keeyaati jipɔmbi tundi di sá bí nīn tūntí circir wanti tin kɔkɔ bí dikpafindi tantiunee.

Nombres 4:4

Atuun ŋin Keeyaati jipɔmbi làá nīn tūǹ circir kɔŋkooŋŋunee di sá bí nīn kpèé tin kɔkɔ pée sá circir páaayee.

Nombres 7:9

Ama waa nìn tīī Keeyaati jipɔmbi tiba, kun puee bíǹ nìn kpèé circir wanti ní, ní an sá bí nīn bùkuntí-tì bi-gbigbipati pu.

Matthieu 27:51

Niinee, sata un bi nìn dūu pītì kunimbɔtidii poon ki gāntì laakin bi yíì circir páaa laŋkee nì laan kíǹee cúu cátì yilpu ki tin kátì taapu, ní kitiŋ cīŋkì, ní titaŋkpanaakɔti cúu búkutì.

Deutéronome 31:9

Niinee Mooyiisi ŋmàn̄ Unimbɔti marab ki dūu tīī Leefii yab bisaraaŋaliibi bin tūntí ti-Dindaan poondi dakaauee nì Isirayeel yab tindaŋkpilib kɔkɔ.

Hébreux 10:20

An sá nsampɔɔn ŋun tìì dimaŋfalee ní Yeesu pīitì-ti ki dī ŋŋaabu ŋun nìn pītì circir laŋki nì circir páaa laŋkee. Ŋŋaabuee di sá u-wunti.

Hébreux 9:3

Sataliliiti boonee, kudii kubɔ mun dee, niin ní bi yíì circir páaa laŋki.

1 Samuel 6:19

Ti-Dindaan nìn dáaĺ Beeti-Seemeesi yab tafal, kun puee bi nìn kpēē ti-Dindaan dakaau poon. Binib kutukub imuŋku ili nì saalaa poonee, u nìn kūū binib imuŋku ita nì saalaa. Niinee Beeti-Seemeesi yab kāl̀ dikpool, kun puee ti-Dindaan nìn dáaĺ bi-tafal tikpil.