Nombres 4:3 - UNIMBƆTI NYƆƆBUNDI GBƆŊKU

³ Ní kíĺ bin cáá abin mmuŋku nì saalaa kí cáá sāā imuŋku ili nì saalaayee, an dàkà yii bin ŋūǹ kí tɔ̄ ditundi circir kɔŋkooŋŋunee.

Nombres 4:3 Iomraidhean Croise

Genèse 41:46

Ŋyunti ŋun bi nìn nyántì Jooseefi sarkan ki cáá-u ki cūnnì Eejipiti bɔtiu Faaroo ceeyee, u nìn cáá abin mmuŋku nì saalaa ní. U nyáń Faaroo ceeyee ní ki yìin̄ ki māntì Eejipiti tiŋki kɔkɔ.

2 Samuel 5:4

Daafiidi nìn cáá abin mmuŋku nì saalaa ní ki jíń dibeel. U nìn kāl̀ dibeel abin imuŋku ili ní.

1 Chroniques 6:48

Bi gíti tɔ́ kasi ní ki lēē Rubeen nì Gaadi nì Sabulɔn naakɔti yab tinjaŋŋi poon ntimu saalaa nì muli ki tīī Meerarii naantiibi.

2 Chroniques 31:17

Bi nìn kàan̄ bisaraaŋaliibi ki nóó nì bi-maaliŋu ní, ní ki kàan̄ Leefii yab kí yòon̄ bin cáá abin mmuŋku kí nīn cée ki nóó nì bi-tundi nì bi-kitiŋi nín sá puee.

Esdras 3:8

Bi nín fātìi bāań Jeerusaleem laakin kunimbɔtidii nìn bée, dibinliliitiil ŋmaliliitiu poon ní Samiyeel jipɔɔn Sooroobabeel, nì Yoosadaaki jipɔɔn Joosuwa, nì bi-nabiyaamu mun kíǹee, an dàkà yii bisaraaŋaliibi nì Leefii yab nì bin kɔkɔ nìn nyánní kuyuŋu ki kūnnée, kíĺ ki bíi bɔ́ntí Leefii yab bin nìn cáá abin mmuŋku kí nīn cáa cée bí kpòotī kunimbɔtidii mātam tuuŋŋi.

Nombres 1:3

kí yòon̄ bininjab bin cáá abin mmuŋku kí nīn cáa cá, ki bàn̄ kí cù kujaau Isirayeel yab kansikinee. Sii nì Aarɔn, ní kàaǹ-bi kí nóó nì bi-janjakitiŋi nín bí pu a-ba a-bee.

Nombres 1:50

Á dū circir kɔŋkooŋŋu tundi nì ŋu-sambiliŋ nì tin kɔkɔ pée sá ŋu-wantee kí ŋúbíǹ-bi. Bíǹ di làá nīn tūntí circir kɔŋkooŋŋu nì ŋu-wanti kɔkɔ, ní kí nīn tūǹ ŋu-poon tuuŋŋi kɔkɔ. Bíǹ di làá gāā bi-tantib kí màntīí tū-ŋu.

Nombres 16:9

Ti-Dindaan Isirayeel Nimbɔtiu nín lēē-ni ni-nabiyaamu kansikin ní nīn sútí ki pìl̀-u, kí nīn tūǹ atuun ni-nabiyaamu yil pu circir kɔŋkooŋŋun ti-Dindaan nimbiinee, an kaa yá kí kɔ́-naaa?

Nombres 4:2

«Leefii yab kansikinee, ní kàaǹ Keeyaati yab kí nóó nì bi-dicaŋŋi nì bi nín pēē pēē mmaal puee.

Nombres 4:23

Á kíĺ bin cáá abin mmuŋku nì saalaa kí cáá sāā imuŋku ili nì saalaayee, an dàkà yii bin ŋūǹ kí tɔ̄ ditundi circir kɔŋkooŋŋunee.

Nombres 4:30

Á kíĺ bin cáá abin mmuŋku nì saalaa kí cáá sāā imuŋku ili nì saalaayee, an dàkà yii bin ŋūǹ kí tɔ̄ ditundi circir kɔŋkooŋŋunee.

Nombres 4:35

Bi nìn kàan̄ bin cáá abin mmuŋku nì saalaa kí cáá sāā imuŋku ili nì saalaayee, an dàkà yii bin ŋūǹ kí tɔ̄ ditundi circir kɔŋkooŋŋunee.

Nombres 4:4

Atuun ŋin Keeyaati jipɔmbi làá nīn tūǹ circir kɔŋkooŋŋunee di sá bí nīn kpèé tin kɔkɔ pée sá circir páaayee.

Nombres 4:47

kí yòon̄ bin cáá abin mmuŋku nì saalaa kí cáá sāā abin imuŋku ili nì saalaa, an dàkà yii bin ŋūǹ kí tɔ̄ ditundi circir kɔŋkooŋŋunee

Luuki 3:23

Yeesu nìn ŋá kii abin mmuŋku nì saalaa ní ki kíĺ u-tundi. Binib nìn nyí-u yii u sá Jooseefi jipɔɔn, ní Jooseefi baa sá Eelii.

1 Timothée 1:18

Sii m-biki Tiimootee, m dū tibɔti nee ki ŋá a-ŋaan. Kii tibɔti tin bi nìn fōō Unimbɔti cee a-pu dooooyee ki dūu nāatèe, á tɔ́kɔń tibɔtee pu kí já kujamɔntiiu.

1 Timothée 3:1

Tibɔti tin m làá sòoǹee sá ibaamɔn ní: di sá yii unil un là kí nīn kpòotī Kriisitoo nikitilee lēē ditummɔntiil.

1 Timothée 3:6

Udaan ń taa nín̄ sá un fōō Yeesu ki kíí mpɔmee. An yaa sá fám, u dù kí ŋá dilambil, ní kí kɔ́ Unimbɔti bɔtin kii Sitaan nín kɔ́ puee.