Nombres 3:9 - UNIMBƆTI NYƆƆBUNDI GBƆŊKU

⁹ Á dū Leefii yab kí tīī Aarɔn nì u-jipɔmbi bí dū bi-ba kɔkɔ kí sú Isirayeel yab kɔkɔ yil pu.

Nombres 3:9 Iomraidhean Croise

1 Chroniques 15:2

U dóòyee ní ki bí yii: «Leefii yab baba di cáá nsan kí túń Unimbɔti dakaau. Di sá yii bíǹ ní ti-Dindaan lēē yii bí nīn tūntí dakaa gbanti, kí nīn kpèé-u kí nīn cáa cá jaanjaan.»

1 Chroniques 6:33

Bi-nabiyaamu Leefii naakookun yab bin kíǹee di tūǹ atuun ŋin kɔkɔ sá bí tɔ̄ circir kɔŋkooŋŋun, Unimbɔti diikunee.

Esdras 2:43

Kunimbɔtidii poon tɔntɔnliibi nín nìn pēē pēē mmaal puee di sá Siiya nì Asufa nì Tabayooti nì

Esdras 6:18

Bi nìn kāaǹ bisaraaŋaliibi ki nóó nì bi-tuuŋŋi nín sá puee, ní ki yākatì Leefii yab akiti akiti ki nóó nì bi-tuuŋŋi nín sá puee bí nīn tūǹ Unimbɔti tundi Jeerusaleem, kii an nín ŋmàn̄ pu Mooyiisi marab gbɔŋkunee.

Esdras 8:20

Bitɔntɔnliibi bin Daafiidi nì u-kàliŋkpilib nìn lēē bí nīn tútúǹ Leefii yab atuun kunimbɔtidiinee kansikinee, bi nìn cáań binib alaataa ali nì mmuŋku. Bi nìn yíiń bi-kɔkɔ yiŋŋi ní ki lēē-bi.

Nombres 16:9

Ti-Dindaan Isirayeel Nimbɔtiu nín lēē-ni ni-nabiyaamu kansikin ní nīn sútí ki pìl̀-u, kí nīn tūǹ atuun ni-nabiyaamu yil pu circir kɔŋkooŋŋun ti-Dindaan nimbiinee, an kaa yá kí kɔ́-naaa?

Nombres 18:2

Á dū a-nabiyaamu Leefii yab bin sá a-baa naakookun yabee kí ŋàl̄ a-ba bí nīn bí a-taapu ki tútúǹ-si atuun, ní si nì a-jipɔmbi ń nīn kpèé circir kɔŋkooŋŋu poon tuuŋŋi.

Nombres 3:8

Bíǹ di làá nīn kpèé tin kɔkɔ bi cáa ŋáań saraabi tuuŋŋi an yú circir kɔŋkooŋŋu poonee, ní kí nīn tūǹ Isirayeel yab yil pu tuuŋŋi circir kɔŋkooŋŋun.

Nombres 8:14

Mimmee a gāntì Leefii yab Isirayeel yab kansikin dee, bí nīn kíǹ ki sá man yab.

Nombres 8:16

Di sá yii Isirayeel yab kansikinee, bíǹ ní bi dūu sú-mi kɔkɔ. Ní ḿ fōō-bi Isirayeel yab biseebiyaamu nninjabiyaamu kɔkɔ yil pu.

Nombres 8:18

M yōoǹ Leefii yab ní ki dūu kpántì Isirayeel yab biseebiyaamu nninjabiyaamu.

Nombres 8:19

M lēē-bi Isirayeel yab kansikin ki dū-bi ki tīī Aarɔn nì u-jipɔmbi. Bi làá nīn bí dikpafindi tantiu poon ki tūǹ ditundi ki tìì Isirayeel yab bin kíǹee, ní kí nīn ŋáań Isirayeel yab pu akoobil nín sá puee bí ká bi-kpitii pɔ̄tam. Mimmee Isirayeel yab kaa ti sútí kí pìl̄ circir kɔŋkooŋŋu ní kaa nín kpíì.»

Ephésiens 4:11

Úǹ di yākatì atuun ki tīī u-nib, biba ń nīn sá u-kpambaliŋ, biba ń nīn sá Unimbɔti bɔnaatiliibi, biba ń nīn yìiǹ ki sòoǹ Yeesu Bɔmɔntiiti, biba ń nīn sá u-nikitiŋ kpootiliibi ní biba mun ń nīn sá Unimbɔti bɔti dàkaliibi.

Ephésiens 4:8

Kii an nín ŋmàn̄ Unimbɔti gbɔŋku poon puee yii: «U nín jɔ́ḿ yilpuee, u kpáaǹ iyumbu ní ki pú binib apɔl.»