Nombres 3:6 - UNIMBƆTI NYƆƆBUNDI GBƆŊKU

⁶ «Yíiń Leefii naakookun yab kí dū-bi kí ŋàl̄ Aarɔn bí nīn bí u-cee ki tūǹ disaraaŋal tundi.

Nombres 3:6 Iomraidhean Croise

1 Chroniques 15:2

U dóòyee ní ki bí yii: «Leefii yab baba di cáá nsan kí túń Unimbɔti dakaau. Di sá yii bíǹ ní ti-Dindaan lēē yii bí nīn tūntí dakaa gbanti, kí nīn kpèé-u kí nīn cáa cá jaanjaan.»

1 Chroniques 23:28

Bi máaǹ kí nīn tɔ́ Aarɔn naantiibi marab ní ki nīn tūǹ ditundi ti-Dindaan diikun. Bíǹ di kpèé kunimbɔtidii ciŋŋi nì ku-dibiyaamu, ní ki ŋáań tiwan tin bi dūu sú Unimbɔtee circir, ní ki bí kunimbɔtidiin ki tūǹ ditundi.

1 Chroniques 23:32

Míǹ ní bi làá nīn tūǹ Unimbɔti Tantiu nì dikpafindi tantiu tuuŋŋi. Bi làá nīn tútúǹ bi-nabiyaamu Aarɔn naantiibi bi tūǹ ditundi kunimbɔtidii poon.

1 Chroniques 6:33

Bi-nabiyaamu Leefii naakookun yab bin kíǹee di tūǹ atuun ŋin kɔkɔ sá bí tɔ̄ circir kɔŋkooŋŋun, Unimbɔti diikunee.

2 Chroniques 29:11

Nimbee, m-jipɔmbi, ní taa dū tibɔti nee kí ŋá bugbambu. Di sá yii nimbi ní ti-Dindaan lēē ní nīn yú u-nimbiin ki tūǹ u-tundi ki tùutī talaalu ki tìì-u.»

Esdras 6:18

Bi nìn kāaǹ bisaraaŋaliibi ki nóó nì bi-tuuŋŋi nín sá puee, ní ki yākatì Leefii yab akiti akiti ki nóó nì bi-tuuŋŋi nín sá puee bí nīn tūǹ Unimbɔti tundi Jeerusaleem, kii an nín ŋmàn̄ pu Mooyiisi marab gbɔŋkunee.

Malachie 2:4

Niin ní ni dāa béetí yii m nìn kpáafì-ni, án nín làá ŋá pu dipoondi din m pōoǹ Leefii yabee ń nīn bí ki cée. Ti-Dindaan Mpɔŋkɔdaan di lī míǹ.

Nombres 18:21

«An yaa kíǹ Leefii yabee, difakal din m làá tīī-bee di sá Isirayeel yab nín tìì tisaalaatiil tin kɔkɔee. Án nīn sá bi-paati bi nín bí ki tūǹ ditundi din circir kɔŋkooŋŋunee pu.

Nombres 2:17

«Míǹ boonee Leefii naakookun yab ń yòon̄ dikpafindi tantiu ki páań bi-boon, kí nīn bí akiti ali ŋin līntèe nì akiti ali ŋin làá páanní boonee kansikin. Bi nín pée dɔ̄ akiti akiti dinaapaal pu puee, bi yaa yíkèe bí nīn nóó tɔb akiti akiti míǹ, unil kamaa ń nīn nóó u-kitil falaŋkau.

Nombres 2:33

Baa nìn kàan̄ Leefii naakookun yab ki kútì Isirayeel naakɔti tin kíǹee yab pu, kii ti-Dindaan nín nìn tīī Mooyiisi mara puee.

Nombres 3:5

Ti-Dindaan bí Mooyiisi yii:

Deutéronome 10:8

Ŋyunti gbanti ní ti-Dindaan lēē Leefii naakookun yab bí nīn tūntí ti-Dindaan poondi dakaau, kí nīn bí u-nimbiin ki tūǹ u-tundi ní kí nīn bìintí binib pu ti-Dindaan yindi pu. Ditundi din bi gbíntìi tūǹ ki dāa sāā díǹee dee.