Nombres 3:3 - UNIMBƆTI NYƆƆBUNDI GBƆŊKU

³ Aarɔn jipɔmbi bin pu bi nìn sītì ŋkpam ki dū-bi ki sú disaraaŋal tundi bi kíĺ ki bíi tūǹee yiŋŋi dee.

Nombres 3:3 Iomraidhean Croise

1 Chroniques 23:6

U nìn yākatì Leefii yab akiti akiti ki nóó nì bi nín pēē pēē mmaal pu Leefii jipɔmbi Geersɔn nì Keeyaati nì Meerarii dicaŋŋinee.

Exode 28:41

«Á dū asaraaŋabɔkuti gbanti kí pèen̄ a-maan Aarɔn nì u-jipɔmbi. Á sìtī bi-yiliŋ ŋkpam kí dū-bi kí sú-mi bí nīn bí m-tundin. Mimmee a dū-bi ki sú-mi bi kpántì m-saraaŋaliibi dee.

Exode 40:13

Boonee á dū circir wampeeŋkaati kí pèen̄ Aarɔn, ní kí dū ŋkpam kí sìtī u-yil pu kí dū-u kí sú-mi ú nīn tūǹ man tundi.

Exode 40:15

Á dū ŋkpam kí sìtī bi-yiliŋ pu kii a nín ŋá bi-baa puee, kí dū-bi kí sú-mi bí nīn sá bisaraaŋaliibi ki tūǹ man saraaŋatundi. Ŋkpam min a sītì bi-yiliŋ pu ki dū-bi ki sú-mee làá yàntī bí kpántí man saraaŋaliibi kí nīn pée cáa cá jaanjaan.»

Lévitique 8:12

U ŋá míǹ ki dóòyee ní ki bātì ŋkpamee ki sītì Aarɔn yil pu ki dū-u ki sú ti-Dindaan.

Lévitique 8:30

Niinee Mooyiisi yōoǹ ŋkpam nì fatiku un nìn bí nsaraafan puee ki dūu yāaǹ Aarɔn nì u-wampeeŋkaati pu nì u-jipɔmbi mun nì bi-wampeeŋkaati pu. Míǹ ní u ŋá ki dū Aarɔn nì u-jipɔmbi nì bi-wampeeŋkaati kɔkɔ ki sú ti-Dindaan.

Nombres 3:4

Nadaab nì Abiyuu nìn kpíì Siinaayi teekun, ti-Dindaan nimbiin, di sá bi nìn mɔ́fìń ŋŋmi laaba ki kɔ́ǹ circir kɔŋkooŋŋun. Nadaab nì Abiyuu kaa nìn màl̄ mbiyaamu. Eeleeyasaar nì Itamaar di nìn kíǹ ki bí bi-baa Aarɔn nimbiin ki tútúǹ-u disaraaŋal tundi.

Hébreux 7:28

Mooyiisi marab nín yóoǹ bin bí nīn sá bisaraaŋakpilibee nìn sá binib ní. Baa cáá mpɔn bi-ba, ama ní boonee ní Unimbɔti sòon̄ ki pūtì ki lēē u-Jipɔɔn ki kāaǹ ú nīn sá usaraaŋakpil un sá uniŋman umɔnti un pu ikpiti iba kpée, kí nīn pée cáa cá jaanjaan.