Nombres 16:3 - UNIMBƆTI NYƆƆBUNDI GBƆŊKU

³ Ní bi dɔ́miń ki kpáfì ki māntìi tú Mooyiisi nì Aarɔn, ní ki bí-bi yii: «Ni nín ŋáań puee gíti lákatì tikpil! Isirayeel yab kɔkɔ bí circir ní ti-Dindaan bí ti-kɔkɔ kansikin. Ba pu ní nimbi dàkafī yii ni jítiǹ ti-Dindaan nibul kɔkɔ ní?»

Nombres 16:3 Iomraidhean Croise

Esdras 9:2

Bíǹ bi-ba cáá niin tiŋkin binimpoobi, ní ki cáá ki tīī bi-jipɔmbi mun ní dinibul din bí circiree dūu ŋmālim̀ niin tiŋki nibin. Adican kpilib nì abɔtibil di péé péé ki kɔ́ tijɔkɔndi gbantin.»

Psaumes 106:16

Bi nìn ŋá Mooyiisi pu ipoompoon dinaapaal pu ki kpáaǹ Aarɔn un ní bi nìn dūu sú ti-Dindaanee.

Psaumes 68:17

Kin ba pu ní sii, dijool din cáá yilpu kúnti kunti wīikée ŋáań dijool din Unimbɔti lēē kí nīn kóò di-puee ipoompoon? Tiŋman, Unimbɔti làá nīn kóò niin ní talku.

Exode 19:6

Ama nimbee, ni làá nīn sá man beelin saraaŋaliibi, ní kí nīn sá ditimbundi din sá man yal ki tūǹ m-tundee.> Tibɔti tin a làá cáá nàatī Isirayeel yabee dee.»

Nombres 14:14

Ní bi tùkū binib bin di kóò kitiŋ nee puee, ní bi mun bi-ba gbìl̄ yii sii ti-Dindaan bí dinibul nee cee, ki nyāntí a-ba ki dàkà-bi, ki sá ditagbandi ki dàn̄ bi-pu ki còom̄ ki līī bi-nyɔkɔpu ŋwiimpu, ki sá-bi ŋŋmi tagbandi kunyeeu.

Nombres 16:11

An pu ní sii nì a-naacimbi bóob́ kí jáǹ ti-Dindaanaa! Di sá yii, ŋma di sá Aarɔn ní ni kpākantí-u?»

Nombres 16:7

Ní fu mɔ́fí ŋŋmi kí ŋá poon, kí dū talaalutuukaa kí páań ŋŋmi pu kí yóoń ti-Dindaan nimbiin. Niin ní ti làá fu béé un ti-Dindaan lēē ú nīn sá u-yɔuee. Nimbi Leefii yabee, m gīiǹ ni-bɔti!»

Nombres 23:21

Ti-Dindaan kaa ká ikpiti iba Jaakɔb nibul pu, waa ká mɔnaafiki Isirayeel yab pu. Úǹ ti-Dindaan di sá bi-Nimbɔtiu, ní ki bí bi-cee. Bíǹ di kpáafí abɔtibaal ki tìì-u.

Nombres 35:34

Ní taa láa kɔ́ǹ kitiŋ kin poon ni làá dāá nīn kóòyee tijɔkɔndi, kun puee m kóò ki-poon ní. Di sá yii man di sá ni-Dindaan, ní ki kóò Isirayeel yab kansikin.»

Nombres 5:3

Udaan yaa sá uninjeeee, unimpueeee, ní nyāntí-u ŋkpaanceeti, án nín làá ŋá pu ú taa kɔ́ǹ Isirayeel yab naapaal din poon m kóòyee tijɔkɔndee.»

Actes 7:39

«Ama ti-naanjab nìn yíì, kaa là kí pīlifiǹ-u. Bi-landɔkɔi gítì Eejipiti watil.

Actes 7:51

Eetiyeen nìkī ki lī yii: «Nimbi binib nee yiliŋ pɔ̄ɔ̄, ni-pɔbiliŋ dátiǹ Unimbɔti, naa là kí pīlifiǹ-u mun. Baabadal ni jáà nì Circir Fam, kii ni-naanjab nín nìn ŋáań puee.