Nombres 11:4 - UNIMBƆTI NYƆƆBUNDI GBƆŊKU

⁴ Nneel nìn cúú biniyaŋyambi bin nìn ŋmālim̀ Isirayeel yab kansikinee, ní Isirayeel yab bi-ba mun nìn kíĺ ki bíi sūǹ ki lì yii: «La ní ti làá nín ká tinan kí ŋmɔ́ dee?

Nombres 11:4 Iomraidhean Croise

Néhémie 13:3

Isirayeel yab nín gbìl̄ bi kàan̄ mara gbantee, ní bi nyántì binicambi kɔkɔ Isirayeel nibul kansikin.

Psaumes 106:14

Bi nìn ŋá nnimbitaataam kuteeun. Laakin ubɔ kaa nìn bée, bi nìn cɔ́ŋkì Unimbɔti.

Exode 12:38

Biniyaŋyambi tikpil mun nìn nóó-bi ki búntì ní bi nìn cáá tipicaŋkpun nì tiŋɔcaŋkpun nì tinacaŋkpun tikpil.

Exode 16:12

«M gbìl̄ Isirayeel yab gbukumii pu. An puee tùkù-bi yii: <Kujoou nee, ni làá ŋmɔ́ tinan kí báĺ, ní fool kutaafaauee, ní fu jī tijin kí díkí ní kí béé yii man di sá ni-Dindaan ni-Nimbɔtiu.>»

Exode 16:3

Bi nìn bí-bi yii: «Ba pu ní ti-Dindaan kaa yāntì ti kpíì ŋyunti ŋun ti nìn bí Eejipiti ki kā ki kɔ́ĺ anaŋkumboon ki jīǹ tijin ki díkèe. Ama ní ni yōoǹní samaa nee kɔkɔ ki cáań kuteeun ŋkùm ń kpɔ̀-bi!»

Jérémie 42:14

ní ki yaa lī yii: «Aayee! Ti làá cù Eejipiti tiŋkin ní. Niinee, taa làá ti ká kujaau, kaa làá ti gbìl̄ iyin in bi búǹ kí cù kujaauee pu, ní ŋkùm kaa làá ti nyā ti-pu. Niin ní ti là kí tin nín̄ bí.»

Nombres 11:18

Á tùkù dinibul nee yii: <Ŋámaan ni-ba circir kí cīití fool. Ni làá fu ŋmɔ́ tinan kun puee ti-Dindaan gbìl̄ ni-siim. Di sá u nyí nneel nín cúú-ni áli ni tin lī yii ni nín nìn bí Eejipiti tiŋkinee, an nìn ŋān̄ nì nee. An puee u làá fu tīī-ni tinan fool.

Nombres 14:1

Isirayeel yab kɔkɔ nìn gbáń ibiil ki súń míǹ kunyamɔŋu gbanti.

Nombres 14:22

bin kɔkɔ ká m-nyooti nì tidaandi tin m ŋá Eejipiti tiŋkin nì kuteeun, ama ní ki cɔ́ŋkì-mi ŋfunyɔm saalaa pu kaa pílifì m-nyɔkɔee,

Nombres 16:13

A yōoǹní-ti kitiŋ kin poon nnaabiim nì tisiil còol̀ee ki cáań-ti kí kpɔ̀ kuteeun doo, míǹ kaa yá ki kɔ́-si, ní a gíti là kí dàkà mpɔn kí nīn sá ti-bɔtiuaa!

Romains 13:14

Ní dūmaan ti-Dindaan Yeesu Kriisitoo bimbim kí pèen̄ kii tijanjawanee, kí taa fàtīí tɔ̄ ni-bimbikpitim kí ŋá mì nín là puee.

1 Corinthiens 10:6

Tin nìn ŋá-bi nee sá kudaaŋŋu ki tīī timbi tí taa nín̄ cáá ilandɔkɔkpiti kii bíǹ nín nìn cáá ilandɔkɔkpiti puee.

1 Corinthiens 15:33

Ní taa yàntī ubɔ ń kīil̀-ni: «Ni yaa nóó binib bin bimbim kaa ŋān̄ee, see ni mun ń dāá bīil̀.»

Deutéronome 9:22

Ni nìn tí yāntì ti-Dindaan gíí diŋuul Tabeera nì Maasa nì Kiibirooti-Taafa timmun mun.