Nombres 11:2 - UNIMBƆTI NYƆƆBUNDI GBƆŊKU

² Ní samaa kɔkɔ gbáń ibiil ki yíiń Mooyiisi ní Mooyiisi gbāam̀ ti-Dindaan ní ŋŋmee kpíì.

Nombres 11:2 Iomraidhean Croise

Psaumes 106:23

Unimbɔti nìn lēē yii u làá kúntí-bi, ama Mooyiisi, unil un u nìn lēēyee nìn yúl̀ u-nimbiin ki pīiǹ-u nsan ú taa kpɔ̀-bi u-ŋuul poon.

Exode 10:18

Mooyiisi nyáń Faaroo ceeyee ní ki mēē ti-Dindaan.

Exode 34:9

ní ki bí yii: «M yaa lafun ká diyimɔɔl a-cee, ti-Dindaan, m gbāam̀-si, á nīn bí ti-kansikin ti-saŋkindi poon. Dinibul nee sá din gáatèe ní, ama á dū ti-yìntitam nì ti-kpitii kí pɔ̄-ti, ní kí fōō-ti kí ŋá a-nibul.»

Esaïe 37:4

An yaa yíì ti-Dindaan a-Nimbɔtiu tin máaǹ ki gbìl̄ tibɔti tin Asuur bɔtiu janjakpiliu sòon̄ee. U-kpiliu túnní-u u dɔ́miń ki sīī Unimbɔti un bí dimaŋfalinee. An yaa yíì ti-Dindaan a-Nimbɔtiu tin gbìl̄ tibɔti tin u sòon̄ee, ki làá dáaĺ u-tafal. An puee mèè kí tīī u-nibul din kíǹee.>»

Jérémie 15:1

Ní ti-Dindaan bí-mi yii: «Báà gba Mooyiisi nì Samiyeel yaa gbāam̀-mi dinibul nee yab pu, maa làá pée sɔ̄ bi-saai. Jà-bi kí nyāntí bí búntí kí wàatī-mi.

Jérémie 37:3

Nì míǹ kɔkɔee, ubɔti Seedeesiyasi nìn tú Seeleemiya jipɔɔn Yukaal nì usaraaŋakpil Seefaniya, Maaseeyawuu jipɔɔn Yeereemii cee. Bi nìn bí-u yii: «Mèè ti-Dindaan ti-Nimbɔtiu ti-pu.»

Jérémie 42:2

Unimbɔti bɔnaatiliu Yeereemii. Bi nìn bí-u yii: «Ti gbàam̄-si, fōō tin ti là kí mèè-si nee: Gbàam̀ ti-Dindaan a-Nimbɔtiu timbi bin ŋmátì ki kíǹ nee pu. Di sá yii taa ti náaǹ kii sii a-ba nín wāĺ pu nee.

Nombres 12:11

Ní Aarɔn bí Mooyiisi yii: «M-kpiliu, m gbàam̄-si, taa pà-ti ti-kpitii in ti-gbaandi yāntì ti ŋá-see paati.

Nombres 12:13

Niinee Mooyiisi mēē ti-Dindaan nì dinimbinaamandi yii: «Unimbɔti, m gbàam̄-si, cáaǹ Miiriyam!»

Nombres 21:7

Ní samaa un kíǹee sáǹ ki cūtìi ká Mooyiisi ki bí-u yii: «Ti nín sòon̄ ki bíil̀ ti-Dindaan nì siiyee, ti ŋá ikpiti. Míǹ puee gbàam̀ ti-Dindaan ú kàkatī ikoobu nee kí wàatī-ti.» Ní Mooyiisi mēē samaa pu.

Actes 8:24

Ní Siimɔn kíí-bi yii: «Gbàam̀maan ti-Dindaan ni-ba kí tīī-mi, án nín làá ŋá pu tin kɔkɔwoooo ni sòon̄ nee tiba ń taa bàń-mee!»

Hébreux 7:26

Usaraaŋakpil un ti máaǹee dee. U bí circir, kaa ŋá ikpiti iba, ikpiti iba kaa bí u-pu. Unimbɔti cúú-u ki lēē bikpitib kansikin ki jɔ́m̀ yilpu fɔ́ŋŋŋ.

Jacques 5:16

An puee, nín̄ bìitī ni-kpitii pu ki tùkùmaan tɔb, kí nīn mèé ki tììmaan tɔb, kí ŋmā kí nīn kāntí dicáaǹdi. Di sá yii unil un yú deedee Unimbɔti nimbiinee yaa dū u-pɔbil kɔkɔ ki mēē-uee, an tūǹ atuŋkpaan ní.

1 Jean 5:16

Ubɔ yaa ká u-nabiki bíi ŋáań ikpiti in kaa cáǹ-u ŋkúminee, udaan ń mèè, Unimbɔti làá tīī u-nabiki gbanti dimaŋfal. Bin pu m sòoǹee di sá bin ŋáań ikpiti in kaa cáǹ-bi ŋkúminee, kun puee ikpiti iba cáǹ unil ŋkúmin. Kaa sá un ŋá ikpiti gbantee pu ní m bí yii ní mèè.