Nombres 1:3 - UNIMBƆTI NYƆƆBUNDI GBƆŊKU

³ kí yòon̄ bininjab bin cáá abin mmuŋku kí nīn cáa cá, ki bàn̄ kí cù kujaau Isirayeel yab kansikinee. Sii nì Aarɔn, ní kàaǹ-bi kí nóó nì bi-janjakitiŋi nín bí pu a-ba a-bee.

Nombres 1:3 Iomraidhean Croise

2 Samuel 24:9

Joowaab cáá binib bin bi kàan̄ee wíiŋŋu nyɔkɔm ki tīī ubɔti: Isirayeel yab bin nìn ŋmāntì kí cù kujaauee nìn nyáń kutukub alaataa anii, ní Juuda yab nyáń binib kutukub alaataa aŋmoo.

1 Chroniques 5:18

Rubeen nì Gaadi naakɔtin yab nì Manasee naakooku dijandi diba yab sá bibaatandambi kutukub imuŋku ili nì binaa nì binib alaataa aluli nì imuŋku ita. Bi nìn cíkitì ki ŋūǹ kí já kujaau, kí ŋúb́ digbampɔɔl nì kitàataajiki kí tɔ̄ butɔbu.

2 Chroniques 25:5

Amasiyaawuu nìn kóoǹ Juuda naakookun yab nì Beenjameen naakookun yab ki kpáfì ní ki lēē bin làá nīn sá bijanjaliibi kutuku kutuku kpilibee nì bin làá nīn sá dilaataal dilaataal kpilibee ki nóó nì bi-dicaŋŋi nín sá puee. Bi nín nìn kàan̄ bininjab bin cáá abin mmuŋku kí nīn cée, bi nìn ká binib kutukub alaataa ata. Binib gbanti kɔkɔ nìn bàn̄ kí cù kujaau, ní ki nìn ŋūǹ kí ŋúb́ ŋkpamu nì agbampɔɔ kí já.

Exode 12:17

«Kpɔnɔb bin baa ŋá ŋkpɔnɔnyɔkɔee jiŋaaliu sá ní nīn jīǹ ki téetí ŋwiin ŋun m nìn nyántì m-nibul Eejipiti tiŋkinee ní. Ní nīn jīǹ jiŋaal gbanti kí nīn pée cáa cá jaanjaan. Án nīn sá-ni dibɔkpaal din kaa kpántée.

Exode 30:14

Bininjab bin kɔkɔ bi yaa láa kàan̄ kí yòon̄ abin mmuŋku kí nīn cée ń dāá pà animbil gbanti kí tīī man ni-Dindaan.

Exode 38:26

An dàkà yii Isirayeel yab bininjab kutukub alaataa aluu nì bita nì bininjab alaataa aŋmoo nì imuŋku ili nì saalaa bin bi nìn kàan̄ kí yòon̄ abin mmuŋku kí nīn cáa cée, unil kamaa yil pu sá graambi biŋmoo dee.

Nombres 14:29

Kuteeun doo ní ni làá gbíntí kí kpú. Nimbi bin kɔkɔ bi nìn kàan̄ ni cáá abin mmuŋku kí nīn cée làá kpú ní, kun puee ni kɔ́kɔl̀-mi.

Nombres 26:2

«Ní kàaǹ Isirayeel yab kɔkɔ, kí nóó nì adican nib kí kíĺ bin cáá abin mmuŋku kí nín cáa cée, bin kɔkɔ ŋūǹ kí bàl̄ tijanjawanee.»

Nombres 3:15

«Á kàaǹ Leefii naakookun yab kí nóó nì bi-dicaŋŋi nì bi nín pēē pēē mmaal puee. Á kàaǹ kí yòon̄ mbininjabiyaamu mun cáá uŋmal ubɔ kí nīn cée.»

Nombres 32:11

<Binib bin nìn nyáń Eejipiti tiŋkin kuyuŋu ki nìn cáá abin mmuŋku kí nīn cée, bi kpá kí kɔ́ kitiŋ kin m pōoǹ kí tīī Abraam nì Isaaki nì Jaakɔbee, kun puee baa yúliǹ-mi deedee.

Nombres 33:1

Isirayeel yab nín nyáń Eejipiti tiŋkin, Mooyiisi nì Aarɔn kpòotī-bi bi nóó tɔb akiti akiti pu ki kàal̀ ki yíkí puee sɔ̀.

Nombres 4:3

Ní kíĺ bin cáá abin mmuŋku nì saalaa kí cáá sāā imuŋku ili nì saalaayee, an dàkà yii bin ŋūǹ kí tɔ̄ ditundi circir kɔŋkooŋŋunee.

Deutéronome 24:5

Uninja un cáá unimpucaanee kaa máaǹ kí cù kujaau. Baa máaǹ kí tīī-u ditundi diba mun ú tɔ̄. U cáá dibimmɔndi kí tɔ̄ u-ba kí kàl̄ mmɔŋki kí kɔ̀ntī unimpu un u cááyee nimbiliŋ.

Deutéronome 3:18

Niinee ní m kpáafì-bi yii: «Ti-Dindaan ni-Nimbɔtiu di tīī-ni kitiŋ nee kí nīn sá ni-yaka. Ni-kansikin bininjab bin sá bijanjaliibee kɔkɔ ń gbìn̄ bi-gbajab kí jītí kí lìntī ni-nabiyaamu Isirayeel yab nyɔkɔpu kí dùtī Jɔɔdan buŋŋu kí cù kujaau.