Matthieu 9:6 - UNIMBƆTI NYƆƆBUNDI GBƆŊKU

⁶ Ama ní béé yii, man Kinibiki cáá mpɔn kitiŋ pu kí dū unil kpitii kí pɔ̄-u.» Niinee ní u bí ufaliŋfaanee yii: «Yīkìm̄ kí yòon̄ a-lúŋŋu kí nīn kùǹ a-dumpu.»

Matthieu 9:6 Iomraidhean Croise

Esaïe 43:25

Ama an sá mama m-ba di dū a-kpitii ki pú-si, maa làá ti téetí a-yìntitam pu.

Michée 7:18

Ti-Dindaan, Unimbɔti ulɔu di gíti bí kii sisee? A lèekī a-nibul din kíǹ ki bí dimaŋfalinee yìntitam, ki pūǹ di-kpitii. Aa fòol̄ diŋuul kí nīn cá jaanjaan, ama an mɔ̄ǹ-si á nīn dàkà-ti a-ŋanti.

Matthieu 4:24

Siirii yab kɔkɔ nín gbìl̄ tin Yeesu ŋáańee ní bi cáań bin kɔkɔ būǹ igbaŋween nín pée bí pu iba ibee nì bin bí iyaliŋkin tikpilee, nì bin pu arasiniibi kēe nì bibimbidambi nì bifaliŋfaambi. Yeesu nìn cáaǹ bi-kɔkɔ.

Matthieu 8:20

Ní Yeesu kíí-u yii: «Jiiŋkpaaibi cáá bi-kɔŋkooŋyi ki dɔ̀, ní nnɔmbiyaamu mun cáá mu-diiŋŋi, ama man Kinibiki kaa cáá laakin m làá bíĺ m-yil kí ŋùŋfèe.»

Matthieu 9:2

Binib biba nìn túǹní ufaliŋfaan ubɔ nlún pu ki cáań ki bíl̀-u. Yeesu nín ká binib gbanti fōō ki kíí yii u ŋūǹ kí cáaǹ ubunlee ní u bí ufaliŋfaanee yii: «M-biki, pɔ́ɔǹ a-ba, m dū a-kpitii ki pú-si!»

Matthieu 9:5

Ba di pɔ̄ɔ̄ dilil ní: <A ká a-kpitii pɔ̄tam> di pɔ̄ɔ̄ dilil naaa, <Yīkì kí yūĺ kí nīn còom̄> di pɔ̄ɔ̄ ní?

Matthieu 9:7

Ní kijapaayee nyīī ki yíkì ki nín kùǹ.

Marc 2:10

Ama ní béé yii man Kinibiki cáá mpɔn kitiŋ pu kí dū unil kpitii kí pɔ̄-u.» Niinee ní u tùkū ufaliŋfaanee yii:

Marc 2:7

«Ba pu ní uninja nee lì míǹ? U ŋèeǹ nì Unimbɔti ní. Ubɔ kaa ŋūǹ kí dū ikpiti kí pɔ̄, asee Unimbɔti baba.»

Luuki 5:21

Niinee ní bimaradakaliibi nì Fariisabee kíǹ ki bíi dàkafī bi-pɔbiliŋin yii: «Uninja nee sá ŋma ní ki ŋèeǹ nì Unimbɔti míǹ? Ŋma di ŋūǹ kí dū ikpiti kí pɔ̄? See Unimbɔti baba.»

Jean 10:28

M tīī-i dimaŋfal din kaa cáá dikúntilee, i kpá kí kpú jaanjaan, báà ubɔ mun kaa tí ŋūǹ kí fōō-i m-ŋaan.

Jean 17:2

Kun puee sii di tīī-u mpɔn binib kɔkɔ pu, yii ú tīī bin kɔkɔwoooo a dūu ŋá u-ŋaanee dimaŋfal din kaa cáá dikúntilee.

Jean 5:27

ní ki tīī-u mpɔn ú nīn sá ubɔsoonli kun puee u sá Kinibiki.

Jean 5:8

Niinee ní Yeesu bí-u yii: «Yīkìí yūĺ kí yòon̄ a-kampeeku kí còom̀!»

Actes 5:31

Unimbɔti dū-u ki kāaǹ u-ŋaŋgiil pú, ú nīn sá Ubɔti nì Ufiil ki tīī Isirayeel yab bí ŋmā kí fá bi-kpitii, Unimbɔti ń dūú pɔ̄-bi.

Actes 9:34

Ní Peetroo bí-u yii: «Eenee, Yeesu Kriisitoo cáaǹ-si! Yīkìí kpáb́ a-lambaŋki.» Ní u yáatìi yúl̀ dicilpu niin.

2 Corinthiens 2:10

Ni yaa dū unil un kpitii ki pú-uee, ma mun làá dūú pɔ̄-u. Tiba yaa bí ki sá ḿ dūú pɔ̄ udaanee, nimbi puee, m dūu pú-u Kriisitoo nimbiin,

2 Corinthiens 5:20

An puee Kriisitoo nyɔkɔpu ní ti làá sòoǹee, a lì kii Unimbɔti u-ba di dī timbi pu ki yíì-nee. Ti dū Kriisitoo ki gbāam̀-ni, ní kíí kí yàntī ni nì Unimbɔti ń mɔ̄ɔkì.

Ephésiens 4:32

Ama nín̄ sámaan binimɔntiibi, kí nīn sūǹ tɔb saai, kí nīn pūǹ tɔb kpitii, kii Kriisitoo puee, Unimbɔti nín dū ni mun kpitii ki pú-ni puee.

Colossiens 3:13

Ní nīn ŋúb́maan tɔb. Ni-jutiibi yaa yīntiǹ-nee, ní nīn cáa pūǹ-bi. Kii ti-Dindaan nín dū ni-kpitii ki pú-ni puee, ni mun ń nīn cáa pūm̀maan tɔb míǹ mbaantiim.