Matthieu 9:2 - UNIMBƆTI NYƆƆBUNDI GBƆŊKU

² Binib biba nìn túǹní ufaliŋfaan ubɔ nlún pu ki cáań ki bíl̀-u. Yeesu nín ká binib gbanti fōō ki kíí yii u ŋūǹ kí cáaǹ ubunlee ní u bí ufaliŋfaanee yii: «M-biki, pɔ́ɔǹ a-ba, m dū a-kpitii ki pú-si!»

Matthieu 9:2 Iomraidhean Croise

Ecclésiaste 9:7

An puee jī a-jinti nì mmɔn, kí nyɔ̀ a-daam nì dipɔɔpindi, di sá yii a-tuuŋŋi fáatiǹ Unimbɔti dooooyee.

Esaïe 44:22

M yāntì a-yìntitam wáŋkì kii ditagbandee, ki yāntì a-kpitii wáŋkì kii ditaafaapɔ̀ńdee. Fàtīí gítiń m-cee, kun puee m dá-si ki líì ní.»

Matthieu 14:27

Kpalaayee ní Yeesu bí-bi yii: «Cúúmaan ni-pɔbiliŋ, an sá man! Taa fàŋkìmaan!»

Matthieu 4:24

Siirii yab kɔkɔ nín gbìl̄ tin Yeesu ŋáańee ní bi cáań bin kɔkɔ būǹ igbaŋween nín pée bí pu iba ibee nì bin bí iyaliŋkin tikpilee, nì bin pu arasiniibi kēe nì bibimbidambi nì bifaliŋfaambi. Yeesu nìn cáaǹ bi-kɔkɔ.

Matthieu 6:12

Dū ti-kpitii in ti yīntiǹ-see kí pɔ̄-ti, kii ti mun nín cáá bin yìntīǹ-tee kpitii ki pūǹ-bi puee.

Matthieu 8:10

Yeesu nín gbìl̄ an nyɔɔbuŋŋee, ní u bākatì ki bí bin nóó-uee yii: «Ibaamɔn ní m sòoǹ nì ni, maa láá pée ká Isirayeel yab kansikin ubɔ cáá fookii kii Uroomja nee.

Matthieu 8:16

Kujoou jóotèe ní bi cáań-u binib bin pu arasiniibi kēe tikpil, ní u sòon̄ ki jìn̄ arasiniibee. U nìn cáaǹ bibunliibi kɔkɔ.

Matthieu 9:22

Yeesu fātì ki ká-u ní ki bí yii: «M-bisal, pɔ́ɔǹ a-ba, a nín fōō ki kíí puee fīī-si.» Niin niin ní unimpuee pɔ́ɔkì.

Matthieu 9:5

Ba di pɔ̄ɔ̄ dilil ní: <A ká a-kpitii pɔ̄tam> di pɔ̄ɔ̄ dilil naaa, <Yīkì kí yūĺ kí nīn còom̄> di pɔ̄ɔ̄ ní?

Matthieu 9:6

Ama ní béé yii, man Kinibiki cáá mpɔn kitiŋ pu kí dū unil kpitii kí pɔ̄-u.» Niinee ní u bí ufaliŋfaanee yii: «Yīkìm̄ kí yòon̄ a-lúŋŋu kí nīn kùǹ a-dumpu.»

Marc 1:32

Kujoou, ŋwìiń jéetèe, bi cūnnì Yeesu cee bibunliibi nì binib bin pu arasiniibi kēe kɔkɔ,

Marc 10:49

Yeesu sāā ki síl̀, ní ki bí yii: «Yíiḿmaan-u!» Ní bi yíiń ujɔfuee ní ki bí-u yii: «Pɔ́ɔǹ a-ba kí yīkì, u yíì-si!»

Marc 5:34

Niinee ní Yeesu bí-u yii: «M-bisal, a nín fōō ki kíí puee fīī-si. Nín̄ cá nì ŋgbansɔŋfi, a-weeŋyi ń yàntī-si.»

Marc 6:50

kun puee bi-kɔkɔ nìn wál̀-u ní bi-pɔbiliŋ bíil̀. Kpalaayee, Yeesu sòon̄ nì bi yii: «Cúúmaan ni-pɔbiliŋ, an sá man! Taa fàŋkìmaan!»

Jean 16:33

M tùkū-ni tin bí nee án nín làá ŋá pu man puee, ní nīn cáá ŋgbansɔŋfee. Falaa dɔ̄ ki cí-ni duulinyan doo ní jī, ama ni-wunti ń taa yɔ̀tī! Di sá yii m jáń ki pɔ́ɔkiǹ duulinya.»

Jean 2:25

Waa nyàab̀ ubɔ ń tùkù-u kun bi sée, kun puee u nyí tin bí unil pɔbilinee.

Jean 21:5

Ní Yeesu bí-bi yii: «Binaacimpɔmbee, naa cúú ijɔmaaa?» Ní bi kíí-u yii: «Aayee, taa cúú.»

Actes 14:9

Dalba uninjee bíi pílifí Pɔɔl nyɔɔbundee, ní Pɔɔl dū u-nimbikpeeŋu ki báaǹ u-pu, ki béè yii u cáá fookii Unimbɔti pu ki ŋūǹ kí ká dicáaǹdee,

Actes 19:12

Di sá yii Pɔɔl ŋaabikaaa, u-wampeeŋkaati tiba ní bi yaa nìn cáań ki gbēē bibunliibee, iween nìn càntī-bi, ní arasiniibi mun nìn nyēē bi-pu.

Actes 23:11

An nyeekuee, ti-Dindaan dɔ́miń Pɔɔl cee, ní ki bí-u yii: «Pɔ́ɔǹ a-ba! Kii a nín sòon̄ m-pu Jeerusaleem doo puee, án máaǹ á cù Room mun kí tin sòoǹ m-pu niin mbaantiim míǹ.»

Romains 5:11

Tiba mun gíti sɔ̀: ti-Dindaan Yeesu Kriisitoo yāntì ti nì Unimbɔti kansikin ŋáŋkèe, ní ti bí ki fàal̀ Unimbɔti pu.

Jacques 2:18

Ubɔ ŋūǹ kí lì yii: «Sii cáá fookii, ama ní man tūǹ atummɔnti. Too, dàkà-mi a nín fōō ki kíí min min, kaa tūǹ atummɔntee, ní ma mun ń dàkà-si m-tummɔntiŋ a béé yii m fōō ki kíí.