Matthieu 8:8 - UNIMBƆTI NYƆƆBUNDI GBƆŊKU

⁸ Ní usoojakpilee bí-u yii: «Ukpil, maa máaǹ á kɔ́ m-dumpu. Pée lì dinyɔɔbundi dibaba m-tɔntɔnliu làá pɔ̄ɔkì.

Matthieu 8:8 Iomraidhean Croise

Genèse 32:10

Míǹ boonee ní Jaakɔb mēē Unimbɔti yii: «M-naanja Abraam Nimbɔtiu, m-baa Isaaki Nimbɔtiu, m-Dindaan, sii di bí-mi yii: <Yīkì kí nīn gítí a-tiŋkin laakin bi màl̄-see, m làá ŋá-si tiŋan.>

Psaumes 10:17

Ti-Dindaan, a pílifí unandaan wimmeem ní ki tìì-u kunyannyaau. A kpòontí a-tafal

Psaumes 107:20

U nìn dū u-nyɔɔbundi ki cáaǹ-bi ní ki fīī-bi ki nyántì ŋkúm ŋaan.

Psaumes 33:9

Úǹ di sòon̄ ní an ŋá u nín lī puee, úǹ di tīī mara ní tiwan kɔkɔ nyáń.

Nombres 20:8

«Yòon̄ ŋkpandɔ si nì a-maan Aarɔn, kí kpāfì Isirayeel yab, kí sòoǹ nì ditaŋkpal nee bi-nimbiin dí tīī-ni nnyim. Ditaŋkpal nee ni ní a làá nyāntí nnyim Isirayeel yab nì bi-waŋkuti ń nyɔ̀.»

Matthieu 3:11

Man cáá nnyim ní ki fùul̀-ni ki dàkà yii ni bíi kpántí ni-bimbim, ama un làá dāan̄ man boonee làá dāá fàl̀-ni nì Unimbɔti Fam nì ŋŋmi ní. Úǹ cáá mpɔn ki jítiǹ man, maa sàafì kí nīn sá u-yumbuu kí yòon̄ u-naatakaŋ gba.

Matthieu 3:14

Ní Yoowaneesi yíì, ki bí-u yii: «Man di bàà máaǹ kí dāan̄ sii cee sii ń fàl̀ man, ní sii gíti dòoń man ń fàl̀-saaa?»

Matthieu 8:3

Niinee ní Yeesu tāntì u-ŋal ki gbēē-u, ní ki bí yii: «M là. Pɔ̄ɔkìm̄!» Niin niin ní uninjee pɔ́ɔkì ní u-wunti ŋáŋkì.

Matthieu 8:7

Ní Yeesu bí-u yii: «M làá cù kí cáaǹ-u.»

Matthieu 8:9

Di sá yii man m-ba, m cáá bikpilib bin taapu m bée, ní ki mun cáá soojab bin mun bí man taapuee. M ŋūǹ kí tùkù ubɔ yii: <Cù doo!> ní ú cù, ní kí bí ubɔ mun yii: <Dāan̄ doo!> ní ú dāan̄, ní kí bí m-tɔntɔnliu una yii: <Ŋá yéè!> ní ú ŋá.»

Luuki 15:21

Ní u bí u-baa yii: <M yīntiǹ Unimbɔti ki yīntiǹ si mun, maa ti máaǹ á yíiń-mi a-biki.>

Luuki 5:8

Siimɔn Peetroo nín ká mimmee, ní u dɔ́miń ki gbāaǹ Yeesu nimbiin ní ki bí-u yii: «M-Dindaan, sútí kí wàatī-mi, kun puee man sá unikpiti ní.»

Jean 1:27

úǹ di làá dāá dāan̄ man boon. Man kaa kpántì kí gútí u-naatakaŋ ŋmiii gba.»