Matthieu 8:5 - UNIMBƆTI NYƆƆBUNDI GBƆŊKU

⁵ Yeesu kɔ́ Kapeernayum tiŋkinee, ní Room soojakpiliu ubɔ sútìń ki pìl̄-u ki gbāam̀-u yii:

Matthieu 8:5 Iomraidhean Croise

Matthieu 11:23

Kin, nimbi Kapeernayum tiŋki nib, ni nyí yii ni làá yīkì yilpu kí tin tūū kutagbɔŋu níii? Ni làá sìntī kí bà taapu taŋkpiibi ní, kun puee maamaacib bin m ŋá ni-cee nee di yaa bàà nìn ŋámaan Soodoom tiŋkinee, bíǹ bàà nìn kpántìmaan bi-bimbim ki bàà dáá gbíntìi bí díǹ.

Matthieu 27:54

Room soojakpiliu nì u-yab bin nìn cí Yeesuee nín ká kitiŋ cìŋkitam nì tin kɔkɔ pée jítèe, ní tifaandi cúú-bi tikpil ní bi lī yii: «Tiŋman, kijapaai nee lafun sá Unimbɔti Jipɔɔn ní.»

Matthieu 4:13

U bàn̄ee kaa kóò Naasaareeti ní ki tin kóòń Kapeernayum Galiilee mɔɔl caŋin, laakin sá Sabulɔn nì Neefitalii tiŋkinee.

Matthieu 9:1

Niinee ní Yeesu kɔ́ buŋalimbun ki fātìi dūtì dimɔɔl ki nín gítiń u-tiŋkin.

Marc 15:39

Room yab soojakpiliu un nìn sí ki bíitìń Yeesuee wál̀ u nín sīntì puee, ní ki lī yii: «Tiŋman kijapaai nee lafun sá Unimbɔti Jipɔɔn ní.»

Marc 2:1

Iwiin iba boonee, Yeesu nìn gítì Kapeernayum, ní binib gbìl̄ yii u bí mmɔŋki.

Actes 22:25

Bi bóob́-u ki dóò ki làá gbá-uee, ní Pɔɔl bí usoojakpil un nìn bí niinee yii: «An máaǹ ní gbá Room tindambiki un bɔti gba baa láá sòon̄eeee?»

Actes 23:17

Ní Pɔɔl yíiń bisoojakpilibee ubɔ ní ki bí-u yii: «Cáá kinaacimpɔmbiki nee kí cùnnì usoojakpikpaan cee, kun puee kì cáá tiba ki là kí tùkù-u.»

Actes 23:23

Boonee ní usoojakpikpaanee yíiń bisoojakpilib bili, ní ki bí yii bí kpāfì soojab kulaafaau nì soojab bin cáá itaamuee imuŋku ita nì saalaa, nì soojab bin tòó ŋkpamuee mun kulaafaau, bí bɔ́ntí kí nīn cá Seesaaree tikúti tiwa kunyeeu nee.

Actes 27:13

Kubuŋu kubɔ nyánní ŋŋaŋgan pú ki kíĺ ki bíi jītí fiii fiii. Niinee ní bi dākafì yii bi làá ŋmā kí bà laakin bi bàà màkēe, ní ki dáaĺ dikújal din ŋúb́ meela nnyiminee ki cúu kútì, ní ki búntì ki kpākaǹ ki pìlīǹ Kreeti tiŋkugbandi.

Actes 27:31

Ní Pɔɔl bí usoojakpilee nì u-soojab yii: «Binib nee yaa kaa kāl̀ meelan soooo, naa làá ŋmátí!»

Actes 27:43

Ama usoojakpilee là kí fīī Pɔɔlee, ní ki yíì yii bí taa ŋá míǹ, ní ki bí yii bin ŋūǹ nnyimee ń péé kí yùkū kí tìin̄ kí wāŋkì kí nīn cá ditiŋkugbandi,

Actes 9:38

Joopee nì Liida kaa nìn dátiǹ tɔb. Yeesu boonnooliibi gbìl̄ yii Peetroo bí Liida, ní bi tú bininjab bili u-cee bí cùú gbàamìń-u yii ú dāan̄ bi-cee malaa malaa.