Matthieu 8:2 - UNIMBƆTI NYƆƆBUNDI GBƆŊKU

² Ní unyaŋgbanti ubɔ sútìń ki pìl̄-u, ki gbāaǹ u-nimbiin ki bí-u yii: «Ukpil, cáaǹ-mi kun puee m nyí yii a yaa là, a ŋūǹ kí cáaǹ-mi m-wunti ń ŋāŋkì.»

Matthieu 8:2 Iomraidhean Croise

2 Samuel 3:39

Nì min kamaa bi sītì m-yil pu ŋkpam m kpántì ubɔtee, maa ŋūǹ kí dàkà mpɔn kii binib bin na bi yíì yii Seeruya nee nín ŋá puee. Ti-Dindaan ń téeǹ utɔŋfiti u-toom paati nín sá puee.»

2 Rois 15:5

Ti-Dindaan nìn yāntì ubɔti búŋkì. U nìn kpántì unyaŋgbanti áli u-kúm dal. An puee u nìn kóò kudii kubɔn laaba ní u-jipɔɔn Yootam un nìn sá bin kpèé dibeecindi kpiliuee kpòotī kitiŋ.

2 Rois 5:1

Siirii tiŋki bɔtiu janjakpiliu ní bi yíì Naama. U-kpiliu nìn pàkà-u ki dàkà-u kulaŋŋaŋfitiiu. Di sá yii u-pu ní ti-Dindaan nìn dī ki tīī Aram yab dijajil. Ama ubaatandaan nì ujanjakpaan gbantee nìn sá unyaŋgbanti.

2 Rois 5:27

Too Naama nyaŋgbandi làá gítí sii nì a-naantiibi pu ní kí nīn cá jaanjaan!» Geeyaasii nyáń Eeliisee ceeyee, dinyaŋgbandi píń u-wunti pu ki pīiǹ kii ntaayimee.

Nombres 12:10

Ditagbandee tin lì yii dì yíkí tanti puee, Miiriyam wunti pu dinyaŋgbampindi píń ki pīiǹ kii ntaayimee. Aarɔn fātìi kpēēyee dinyaŋgbandi píń Miiriyam pu.

Matthieu 10:8

Cáam̀maan bibunliibi kí fìkitī bitaŋkpiibi kí ŋāŋkì binyaŋgbantiibi wunti, kí jà arasiniibi. Kii ni nín fōō faalaa puee, ni mun tīīmaan faalaa.

Matthieu 13:58

Bi nín kaa fōō-u ki kííyee pu ní waa nìn ŋá maamaacib tikpil niin.

Matthieu 14:33

Bin nìn kā buŋalimbunee gbāaǹ Yeesu nimbiin ki bí-u yii: «Ibaamɔn, a lafun sá Unimbɔti Jipɔɔn.»

Matthieu 15:25

Ama ní unimpuee dɔ́miń ki gbāaǹ u-nimbiin ní ki bí yii: «Ukpil, jòoń-mi!»

Matthieu 18:26

Ní utɔntɔnlee tātìi gbāaǹ u-kpiliu nimbiin, ki dɔ̄ kitiŋ ki fìlim̄ ki gbāam̀-u yii: «Á jī kimɔtii! M làá dāá pà-si kɔkɔ.»

Matthieu 2:11

ní bi kɔ́ kudiin ki ká kibiwaayee nì ki-na Maarii ní ki gbāaǹ ki jáam̀-kì, ní ki pīitì bi-gaajawanti ki lēē sindaariya nì talaalutuukaa nì talaalu un bi yíì miiree ki dūu pú-kì.

Matthieu 20:20

Niinee, Seebeedee jipɔmbi na yōoǹní u-jipɔmbi ki dɔ́miń Yeesu cee ki gbāaǹ u-nimbiin kí mèè-u tiba.

Matthieu 26:6

Yeesu nín nìn bí Beetanii, Siimɔn un nìn sá unyaŋgbantee dumpuee,

Matthieu 28:17

Bi nín ká-uee, ní bi gbāaǹ ki jáam̀-u, ama nì míǹ kɔkɔee, bi-kansikin biba nìn dàkafī mili mili.

Matthieu 28:9

Niin kpalaa ní Yeesu tú-bi nsan ní ki jáam̀-bi, ní bi sútì ki pìl̄-u ní ki tātìi gbāaǹ u-taaŋi taapu ki jáam̀-u.

Matthieu 4:9

ní ki bí-u yii: «A yaa gbāaǹ ki jáam̀-mi, m làá dū an kɔkɔ kí tīī-si.»

Matthieu 8:1

Yeesu kpákatìń dijool puee, ní kunipaau nóó-u.

Matthieu 8:25

Ní u-boonnooliibi sútì ki pìl̄-u ní ki fīntì-u ki bí-u yii: «Ti-Dindaan, fīī-ti, ti kpíì ní!»

Matthieu 9:18

Yeesu nìn bí ki sòoǹ nì bi an bɔtee, ní Juuda yab yidaaŋwu ubɔ bāań ki gbāaǹ u-nimbiin, ní ki bí yii: «M-sapɔmbiki dáá pée kúù dee, dāan̄ kí dū a-ŋal kí páań ki-pu, kì làá fìkitī!»

Luuki 4:27

Unimbɔti bɔnaatiliu Eeliisee yuntiŋuee, binyaŋgbantiibi mun tikpil nìn tí bí Isirayeel tiŋkin. Ama bi-kansikin báà ubɔ kaa nìn ká dicáaǹdi, asee Naama Usiiriija baba.»

Jean 9:38

Ní u bí yii: «M-Dindaan, m fōō-si ki kíí,» ní ki tātìi gbāaǹ Yeesu nimbiin ki jáam̀-u.

Actes 10:14

Ní Peetroo bí yii: «Aayee, m-Dindaan! Maa láá pée jíń tijin tin kòóyee àá tin kaa bí circiree.»

Actes 10:25

Ŋyunti ŋun Peetroo kóònée, ní Kɔɔrneeyi túŋkì-u ki gbāaǹ ki póofì-u kunɔpoou.

1 Corinthiens 14:25

ní ki wál̀ u-landɔkɔi in bál̀ u-pɔbilinee. Niinee ní ú tātìi dòon̄ dicincibil Unimbɔti nimbiin nì ijaam ní kí bí yii: «Tiŋman, Unimbɔti lafun bí ni-kansikin.»

Apocalypse 19:10

U lī mimmee ní m gbāaǹ kí jāam̀-u, ní u bí-mi yii: «Taa ŋée! Ma mun pée sá utɔntɔnli kii si nì a-nabiyaamu mun bí ki sòoǹ Yeesu bɔti tin u nyántì ki dàkā-nee ní. Unimbɔti ní a máaǹ kí jāam̀.» Kun puee Unimbɔti Fam nín yāntì Unimbɔti bɔnaatiliibi sòon̄ tiŋyee sòoǹ Yeesu pu ní.