Matthieu 8:13 - UNIMBƆTI NYƆƆBUNDI GBƆŊKU

¹³ Ní Yeesu tùkū usoojakpilee yii: «Nín̄ kùǹ a-dumpu, a nín fōō ki kíí puee, án ŋá míǹ kí tīī-si.» Kukúluu gbanti poon ní utɔntɔnlee kpáàa pɔ́ɔkì.

Matthieu 8:13 Iomraidhean Croise

Ecclésiaste 9:7

An puee jī a-jinti nì mmɔn, kí nyɔ̀ a-daam nì dipɔɔpindi, di sá yii a-tuuŋŋi fáatiǹ Unimbɔti dooooyee.

Matthieu 15:28

Niinee ní Yeesu bí yii: «Unimpu nee, a-fookiiu wīikéeee! A nín là puee, án ŋá míǹ kí tīī-si.» Niin niin ní u-bisalee pɔ́ɔkì.

Matthieu 17:20

Ní Yeesu kíí-bi yii: «Di sá yii ni-fookiiu un ni cáá Unimbɔti puee di pátì. Ibaamɔn ní m tùkù-ni, ni-fookiiu yaa bàà náaǹ ki bàn̄ kii dijɔnjɔmbilee, ni bàà ŋūǹ kí tùkù dijool nee yii: <Yīkì laakin a bí nee kí nīn cá lapu doo!> Ní dí bàà lafun kpìkitī. Tiba kaa bàà ŋūǹ kí nīn pɔ̄ɔ̄ ki tīī-ni. [

Matthieu 8:4

Ní Yeesu bí-u yii: «Pīlifì tiŋan, á taa tùkù báà ubɔ tibɔti nee, ama á cáá a-ba kí dàkà usaraaŋal ú bée yii a-wunti ŋáŋkì, ní kí ŋá saraa kii Mooyiisi marab nín lī puee ní usaraaŋal ń tùkù báà ŋma ń gbìl̄ yii a pɔ́ɔkì.»

Matthieu 9:22

Yeesu fātì ki ká-u ní ki bí yii: «M-bisal, pɔ́ɔǹ a-ba, a nín fōō ki kíí puee fīī-si.» Niin niin ní unimpuee pɔ́ɔkì.

Marc 7:29

Niinee, ní Yeesu bí-u yii: «A kíí tiŋan! Míǹ puee, nín̄ kùǹ. Arasiniiyee nyáń a-bisalin.»

Marc 9:23

Ní Yeesu bí yii: «A yaa ŋūǹaa! An kɔ pɔ̀fì ki tīī un un fōō ki kííyee.»

Jean 4:50

Ní Yeesu kíí-u yii: «Nín̄ cá, a-jipɔɔn pɔ́ɔkì.» Uninjee fōō Yeesu nín lī puee ní ki nín cá.