Matthieu 8:12 - UNIMBƆTI NYƆƆBUNDI GBƆŊKU

¹² Ama ní Isirayeel yab bin bàà máaǹ kí nīn sá Unimbɔti Beelin yabee, bí dāá nyāntiń-bi mmɔŋki kí tɔ̄ dibɔmbɔndin, laakin ní bi làá nīn sūǹ bi-nyiŋŋi gà tɔb kàkakee.»

Matthieu 8:12 Iomraidhean Croise

Psaumes 112:10

Unikpiti yaa ká-uee ní ú gíí diŋuul, u ŋmóò u-nyiŋŋi ní u-wunti ń yɔ̀tī. Unikpiti nín dàkafī puee dāa kúntí fám ní.

Esaïe 65:14

M-tɔntɔnliibi làá dāá nīn fàal̀ ní bi-pɔbiliŋ ń nīn pīiǹ, ama nimbi làá dāá nīn sūǹ ki yáliŋkí ní ni-pɔbiliŋ ń nīn bí kunimbaaun.

Matthieu 13:38

Bukpaayee di sá duulinya, ní idi sá Unimbɔti Beelin biyaamu, ní ukeenjee sá Sitaan biyaamu.

Matthieu 13:42

ní kí dū-bi kí tɔ̄ ŋŋmin kipaayin, laakin bi làá nīn kā ki sūǹ, bi-nyiŋŋi gà tɔb kàkakee.

Matthieu 13:50

ní kí dū bikpitibee kí tɔ̄ ŋŋmin kipaayin, niin ní bi làá nīn sūǹ bi-nyiŋŋi gà tɔb kàkaka.»

Matthieu 21:43

An pu ní m tùkù-ni yii bi làá dāá fōō ni-cee Unimbɔti Beel kí dūú tīī ditimbundi din yab làá ŋá Unimbɔti lammee. [

Matthieu 24:51

ní kí dáaĺ u-tafal ŋkpitim pu, kí pà-u mpoonnyoondambi paati. Niin ní u làá sɔ̄ ní u-nyiŋŋi ń nīn gà tɔb kàkaka.»

Matthieu 25:30

Ama an yaa kíǹ utɔntɔnli un kaa bí tiban nee, cúúmaan-u kí tɔ̄ mmɔŋki dibɔmbɔndin! Niin ní u làá nīn sūǹ, u-nyiŋŋi ń nīn gà tɔb kàkaka.>»

Luuki 13:28

Niin ní ni làá dāá ká Abraam nì Isaaki nì Jaakɔb nì Unimbɔti bɔnaatiliibi kɔkɔ kā Unimbɔti Beelin, ní nimbee, bí dū-ni kí fá mmɔŋki, ní ní dāá sɔ̄ anyin gà tɔb kàkaka.

Actes 3:25

Nimbi di sá bin jíń tin Unimbɔti nìn pōoǹ ki tīī u-bɔnaatiliibee, ki fōō u nín nìn pūtì ki pōoǹ tin kí ŋá kí tīī ti-naanjabee mun. Dipoondi gbanti poon ní u lī Abraam yii: <A-dicaŋku pu ní m làá dāá dī kí bìin̄ duulinya timbuliŋ kɔkɔ pu.>

Romains 9:4

M-nabiyaamu gbanti di sá Isirayeel yab bin Unimbɔti lútì bí nīn sá u-biyaamuee. U nì u-walifiŋu nìn kóò bi-kansikin, ní u nì bi ŋá mpèé. U tīī-bi marab ki dàkā-bi min ní bi làá nīn jáaḿ-uee, ki pōoǹ-bi ipoon.

2 Pierre 2:17

Binib gbanti bí kii ibun in kaa cáá nnyimee, ní ki bí kii atagban ŋin kaa cáá ntaanyim kubuŋu cáá-ŋi ki yìiǹee. Mpaan ŋun Unimbɔti bɔ́ntì ki yóoǹ-bee nyóò ní, ki sá dibɔmbɔndi.

2 Pierre 2:4

Di sá yii Unimbɔti kaa nìn tāaǹ ituun in nìn ŋá ikpitee ki cúú-i ki tɔ́ ditafadaaldi paaŋŋun. Bi bóob́-i nì ikusaka i kā dibɔmbɔndin ki cí daliŋkin Unimbɔti làá sòoǹ i-bɔtee.

Jude 1:13

Bi bí kii tiŋku nín wòoǹ pu tinyiŋgban yíkí ki pùkufī puee ní, bi nyāntiń bi-tuuŋŋi ŋin cáá icooyee. Bi tí bí kii iŋmalbijaa in nyēē ki pùntēe ní. Unimbɔti yóoǹ-bi mpaan ŋun sá dibɔmbɔŋkpaŋkpaandee, niin ní bi làá nīn bí baabadal.

Apocalypse 22:15

Ní bijɔkɔndambi nì bikpaŋkpantiibi nì bin ŋáań tilaakpaalee nì binikpɔliibi nì biwaatootiliibi nì binyimɔndambee dāa yú kitiŋ kpaanceetiŋu.

1 Samuel 2:9

U wúǹ bin yú nì u deedeeyee pu, ama binikpitib làá kpú dibɔmbɔndin. Kun puee an kaa sá unil pɔŋŋu pu ní u jáà ki jīǹ.