Matthieu 8:11 - UNIMBƆTI NYƆƆBUNDI GBƆŊKU

¹¹ Míǹ ní m tùkù-ni yii binib tikpil làá dāá nyānní ŋwìiń nyalaŋki pú nì ŋu-jeetilaŋki pú kí kɔ́ Unimbɔti Beelin, bi nì Abraam nì Isaaki nì Jaakɔb ń kpāfì kí jī nnaam!

Matthieu 8:11 Iomraidhean Croise

Genèse 12:3

Bin yaa ŋá-si tiŋanee, m làá ŋá bidambi tiŋan, bin yaa tɔ́-si mbusuee, m làá tɔ̄-bi mbusu. A-puee, m làá ŋá kitiŋ pu nibuliŋ kɔkɔ tiŋan.»

Genèse 22:18

A-maaliŋu pu ní m làá dāá dī kí bìin̄ kitiŋ pu timbuŋŋi kɔkɔ nib boon, kun puee a pílifì m-nyɔkɔ.>»

Genèse 28:14

A-naantiibi làá dāá nīn wīikí kii kitiŋ pu bulee ní. Bi dāa kpátí kí nīn cá ŋwìiń nyalaŋki pú nì ŋu-jeetilaŋki pú, kí nīn cá ŋgan pú nì ŋgiil pú. Sii nì a-naantiibi pu ní m làá dāá ŋá kitiŋ kɔkɔ nib tiŋan.

Genèse 49:10

Sii Juuda ŋaan ní dibeel làá nīn pée bí, a-dicaŋkun ní mpɔn làá nīn bí, kí nīn cí un baasii yì dibeelee ń bàń. Úǹ ní atimbun kɔkɔ làá dāá nīn tɔ́.

Psaumes 22:27

Unandaan làá jī ní kí díkí, bin nyàab̀ ti-Dindaanee làá nyɔ̄ŋkì-u. Unimbɔti ń tīī-ni mmaŋfafɔkɔn.

Psaumes 98:3

U téetì u-neeŋkpaandi nì u-deedeeu un u cáá Isirayeel yab puee pu. Kí cáá sāā kitiŋ gbeennyɔkɔee, bi ká ti-Nimbɔtiu fiil.

Esaïe 11:10

Ŋwiin gbantee, Jeesee naantiiu di dāa sá kudaaŋŋu ki tīī duulinya nibuliŋ kɔkɔ. Atimbun kɔkɔ làá dāá nyàab̀-u, ní laakin u dāa bée, tinyool làá dāá nīn jìliŋkī.

Esaïe 49:12

Kpèè, bíǹ di nyánní ndandati ki dòońee. Biba nyánní ŋgan pú ní biba mun nyánní ŋwìiń nyalaŋki pú, ní biba nyánní Eejipiti tiŋki ŋgiil pú.»

Esaïe 49:6

U bí-mi yii: «Á nīn sá m-tɔntɔnliu kí yòon̄ Jaakɔb naakɔti yilpu, ní kí gíiǹní Isirayeel yab bin ŋmátèe. Ama an kaa dóò. M lēē-si á nīn sá atimbun walifiŋu, kí cáá difiil kí bànnì kitiŋ gbeennyɔkɔ.»

Esaïe 52:10

Ti-Dindaan làá lēē u-circir pɔŋŋu kí páań mpaampiin pu atimbun kɔkɔ ń ká. Ní kitiŋ kúntilaŋki yab kɔkɔ ń dāá ká ti-Nimbɔtiu fiil.

Esaïe 59:19

Niinee, binib làá dāá fàŋkì ti-Dindaan yindi doooo ŋwìiń jeetilaŋki, ní kí dāá fàŋkì u-nyooti doooo ŋwìiń nyalaŋki. Di sá yii ti-Dindaan làá dāá dāan̄ kii mbun ŋun nyim pùub̀ mpɔn, kubuŋkpaaŋŋu téekí-mèe ní.

Jérémie 16:19

M-Dindaan, sii di sá man pɔŋŋu nì m-balilaŋki, dinimbinaamandi yuntiŋuee, sii ní m sáń ki kóò. Atimbun làá nyānní kitiŋ gbeennyɔkɔ kí dāan̄. Bi làá dāá lì yii: «Difakal din ti-naanjab fōōyee di sá tinyimɔmbɔti, tiwan tin kaa bí tiban kaa kèetēe.

Daniel (hébreu) 2:44

Bibɔtiibi gbanti yuntiŋuee, yilpu Nimbɔtiu làá dāá yàntī dibeel diba ń nyā. Dibeel gbanti pée kpá kí kúntí ní ditimbundi diba mun kaa dāa ŋūǹ kí já kí pɔ̄ɔkiǹ-dì. Dibeel gbanti di làá dāá nàan̄ ŋin kɔkɔ péeǹ-dì ki nyáńee ní kí kúntí-ŋi. Ama díǹ làá nīn bí ní jaanjaan.

Malachie 1:11

Di sá yii kí yòon̄ ŋwìiń nyalaŋki kí cáá sāā ŋu-jeetilaŋkee, man yindi di sá diyiŋkpaandi atimbun kɔkɔ poon. Ijaan kɔkɔ poonee, bi tùutī talaalub ki ŋáań saraabi bin bí circiree ki tìì m-yindi. Di sá m-yindi sá diyiŋkpaandi atimbun kɔkɔ poon ní. Ti-Dindaan Mpɔŋkɔdaan di lī míǹ.

Matthieu 21:41

Ní bisaraaŋakpilib nì Fariisab kíí-u yii: «U yaa bāańee, see ú kpɔ̀ binikpitib gbanti nsansaaŋkúm ní kí dū u-kpaabu kí tīī bipaadambi bin ŋyunti yaa bāań, bi làá nīn tìiń-u an subiliŋee.»

Matthieu 24:31

M làá tɔ̄ m-tuuŋyi kitiŋ jaŋŋi kɔkɔ kí tin sāā kutagbɔŋu nì kitiŋ kúntinyɔkɔ ní í búń dikantáŋkpaandi, kí kpāfì bin Unimbɔti lútèe.»

Matthieu 3:2

«Kpántímaan ni-bimbim kun puee Unimbɔti Beel sútì ki pìlīń-ni.»

Matthieu 8:10

Yeesu nín gbìl̄ an nyɔɔbuŋŋee, ní u bākatì ki bí bin nóó-uee yii: «Ibaamɔn ní m sòoǹ nì ni, maa láá pée ká Isirayeel yab kansikin ubɔ cáá fookii kii Uroomja nee.

Luuki 12:37

An sá mmɔn ki tīī bitɔntɔnliibi bin kpiliu bāań ki ká bi kā ki wāĺ, kaa gèeǹee. Ibaamɔn ní m tùkù-ni, u làá dū ditɔntɔmbɔkutil kí pèen̄ ní kí yàntī bí kàl̄, ní ú cáań tijin kí tīī-bi.

Luuki 16:22

Usoodaanee dūu kpíì, ní Unimbɔti tuuŋyi dɔ́miń ki yōoǹ-u ki cáa nín jɔ́ḿ yilpu ki kāaǹ Abraam cee. Ní ugaajee mun dāa dūu kpíì, ní bi síb́-u.

Actes 10:45

Kriisitoo yab bin sá Juuda yab ki céeǹní Peetrooyee nìn bākatì. Di sá yii Unimbɔti nìn pú bin kaa sá Juuda yabee gba Circir Fam.

Actes 11:18

Bi gbìl̄ mimmee, kaa ti bíi kpākantí-u, ki kíǹ ki bíi nyɔ́ŋkí Unimbɔti ki bí yii: «Mimmee, Unimbɔti yāntì bin kaa sá Juuda yabee mun fá bi-kpitii kí ŋmā kí ká dimaŋfal dee.»

Actes 14:22

Bi nìn tìì Kriisitoo yab kunyannyaau, ki sáŋkí-bi yii bí nīn pɔ̄ɔntí bi-ba fookii poon, ní ki bí-bi yii: «An sá nì falaakpaan ní tí nín ŋmā kí kɔ́ Unimbɔti Beelin.»

Actes 14:27

Bi bàn̄ee ní ki kpáfì Kriisitoo nikitil ki máafì tin kɔkɔwoooo Unimbɔti ŋá ki tīī-bee, nì min ní u pīitì nsan bin kaa sá Juuda yabee kɔkɔ ń fōō kí kííyee.

1 Corinthiens 15:20

Ama Kriisitoo fīkitì ditaŋkpiilin tiŋman. Bitaŋkpiibi bin làá dāá fìkitēe, úǹ di sá upeepeekaa ki fīkitì.

1 Corinthiens 6:9

Naa nyí yii bin ŋáań tin kaa kítèe kaa làá dāá kɔ́ Unimbɔti Beelinaaa? Ubɔ ń taa mɔ̄ntì u-ba. Bin ŋáań tijɔkɔndee nì biwaatootiliibi nì bilaakpaadambi nì bin dɔ̀ nì bi-ninjajutiibee,

Ephésiens 3:6

Tíǹ di sá tigaajati tin Unimbɔti tìì Juuda yabee. Ni mun làá fōō-tì, ni nì Juuda yab kɔkɔ kpántì unibaanti ní. Unimbɔti nín pōoǹ tin kí tīī bin sá Yeesu Kriisitoo yabee, u làá tīī ni mun kudɔŋu, Tibɔmɔntiil tin ni fōō ki kííyee pu.

Colossiens 3:11

Míǹ puee, a yaa sá Juuda yɔuaaa, a yaa kaa sáaa, a yaa gíí dikpancandaaa, a yaa kaa gííyaaa, a yaa sá unicaanaaa, a yaa tí sá umɔnilaaa, a yaa sá uyumbuɔɔɔ, a yaa tí tɔ́ a-baaa, tíǹ kaa páb́. Un baba bɔti páb́ee di sá Kriisitoo un bí báà ŋmanee.

2 Thessaloniciens 1:5

Míǹ di dàkà Unimbɔti bɔsooŋyi nín bí deedee miŋyee, kun puee an di làá yàntī ní ŋmā kí kɔ́ Unimbɔti Beel din pu ni bí ki jīǹ falaayee.

Apocalypse 7:6

ki dáań Aseer naakookun yab binib kutukub saalaa nì bili, ki dáań Neefitalii naakookun yab binib kutukub saalaa nì bili, ki dáań Manasee naakookun yab binib kutukub saalaa nì bili,