Matthieu 7:7 - UNIMBƆTI NYƆƆBUNDI GBƆŊKU

⁷ «Mèèmaan Unimbɔti, u làá tīī-ni. Nyàab̀maan, u làá yàntī ní ká. Fáámaan, u làá pìitī-ni kipunyɔkɔ.

Matthieu 7:7 Iomraidhean Croise

Genèse 26:32

Ŋwiin gbanti ní Isaaki tɔntɔnliibi cáań-u lɔkɔ un bi bíi gbèe bɔti ki lī yii: «Ti gbìn̄ ki cíl̀ nnyim pu.»

1 Rois 3:5

U bí Gabawɔn niin kunyeeuee ní ti-Dindaan lēē u-ba ki dàkā-u ní ki bí-u yii: «Bàlifì kun ní a là ḿ tīī-see.»

Psaumes 10:17

Ti-Dindaan, a pílifí unandaan wimmeem ní ki tìì-u kunyannyaau. A kpòontí a-tafal

Psaumes 10:4

Ukpitiŋal nín yòontí u-ba yilpu puee, waa dū Unimbɔti ki yíiń tiba. U nín dàkafī puee di sá yii: «Unimbɔti kaa cáá mpɔn ŋubɔ.»

Psaumes 119:12

Ti-Dindaan, si nì ditundi, a nín dàkā-mi a-koobiliŋee pu.

Psaumes 27:8

M dàkafī a nín lī puee yii: «Nyàab̀maan-mi!» Too m-Dindaan, m nyàab̀-si.

Psaumes 34:4

Kūtìmaan m-pu tí lì yii u sá ukpaan. Càmaan dicilpuee tí yòon̄ u-yindi yilpu.

Psaumes 37:4

An nīn mɔ̄ǹ-si ti-Dindaan pu, ní ú tīī-si kun a-pɔbil fáatèe.

Psaumes 50:15

Niinee a yaa kɔ́ dinimbinaamandin ní ki yíiń-mee, m làá fīī-si ní á nyɔ̄ŋkì-mi.

Psaumes 69:32

Tíǹ fáatiǹ sii, ti-Dindaan ki jítiǹ unaa, ki jítiǹ unaja nì iyin nì titafuŋfukul.

Psaumes 70:4

Bin bin bèel̄-mi ki lāāyee, yàntī bí gítí bi-boon nì icoo!

Psaumes 86:5

Di sá yii sii ti-Dindaan ŋān̄ ní ki pūǹ ikpiti, a-neendi wīikí ki tīī bin yíì-see.

Proverbes 8:17

Man néeń bin néeń-mee ní. Bin yaa nyàab̀-mee kāntí-mi ní.

Cantique des cantiques 3:2

M làá yīkì kí yìiǹ kitiŋin nì adan pu nì sampaambi pu. M nyàab̀ un m néeńee. M nyàab̄-u, ama kaa ká-u.

Esaïe 30:19

Tiŋman, sii dinibul din kóò Siiyɔn jool puee, sii dinibul din kóò Jeerusaleem tiŋkinee, a kpá kí gíti sɔ̄ jaanjaan. A yaa láa kúuǹ ki yíiń ti-Dindaanee, u làá dāá pīlifiǹ-si, u yaa láa gbìl̄ a yíiń-uee, u làá dāá kíí-si.

Jérémie 33:3

Kúuǹ ki yíiń-mi, m làá kíí-si. M làá lēē tiwaŋkpaandi tin bí dibalin aa nyée kí dàkà-si.

Amos 5:4

Ti-Dindaan nín sòon̄ nì Isirayeel yab puee sèé: «Ni yaa là kí nīn bi dimaŋfalinee, nyàab̀maan-mi.

Matthieu 18:19

«Ibaamɔn ní m tùkù-ni, binib bili ni-kansikin yaa kpáfì kinyɔkɔ taapu doo ki mēē báà kuŋyee, m-Baa un bí yilpuee làá tīī-bi kudɔŋu.

Matthieu 21:22

Tin kamaa ní ni yaa mēē Unimbɔti ní ki yaa fōō ki kíí yii u làá ŋá kí tīī-nee, ni làá ká kudɔŋu.»

Matthieu 6:33

Péé kí nyàab̀maan Unimbɔti Beel nì deedee un u bàlifī-ni yii ní nīn bée, ní Unimbɔti ń dū tin kíǹee kí kūtì-ni.

Matthieu 7:11

Nimbi binikpitib nyí kí tīī ni-biyaamu tiwammɔntiil, kin ataa aŋa pu ní ni-Baa un bí yilpuee kaa nín ŋūǹ kí dū tiwammɔntiil kí tīī bin mèé-uee?

Matthieu 7:8

Kun puee sii un yaa mēē Unimbɔti tibee, see ú tīī-si kudɔŋu, ní sii un yaa nyàab̀ tibee, see á ká kudɔŋu, sii un yaa tí yú ki fátée, see bí pìitī-si.

Marc 11:24

Míǹ pu ní m tùkù-ni yii, tin kɔkɔ ní ni yaa mēē Unimbɔtee, ní nīn máká yii ni fōō, ni làá lafun fōō kudɔŋu.

Luuki 13:25

«Unimbɔti kudiidaan yaa láa yíkì ki pīiǹ u-punyɔkɔkee, ni dāa kíǹ ki yú boon ki gbáà kipunyɔkɔ ní ki lì yii: <Ti-Dindaan, pìitī-ti!> Ní ú dāá kíí-ni yii: <Maa nyí laakin ní ni sée.>

Luuki 18:1

Ní Yeesu dū tibɔti nee ki ŋmāntì kí dàkà yii an máaǹ bí nīn pée mèé kí taa gbèen̄.

Jean 15:16

Man di lēē nimbi, kaa sá nimbi di lēē man. M tú-ni ní cùú lòoǹ abil, abil ŋin làá yúntée, mimmee, m-Baa làá tīī-ni tin kɔkɔ ni yaa mēē-u man yindi puee.

Jean 15:7

Ni yaa bí man ni, ní ma mun bɔti bí ni-nee, bàlifìmaan tin tin ni yaa lèe, ni làá ká kudɔŋu.

Jean 4:10

Ní Yeesu bí-u yii: «A yaa bàà nyí Unimbɔti pɔ̄tam nì man un mèé-si nnyimee, sii gba di bàà làá mèè man nnyim, ní man ń bàà tīī-si nnyim min tìì dimaŋfalee.»

Romains 2:7

U làá dū dimaŋfal din kaa cáá dikúntilee kí tīī bin pɔ̄ɔntí ki ŋáań tiŋan ki nyàab̀ tinyool nì ipampaka nì dimaŋfal din bí kaa kúntée.

Romains 3:11

Ubɔ kaa bí ki cáá iciin. Ubɔ kaa bí ki nyàab̀ Unimbɔti.

Hébreux 11:6

Unil yaa kaa fōō Unimbɔti ki kííyee, udaan kpá kí fáatí-u. Di sá yii un là kí sútiń kí pìl̄ Unimbɔtee máaǹ kí nīn nyí yii Unimbɔti bí, ki tìì bin nyàab̀-u nì dipɔbil dibee tipaal.

Jacques 5:15

Bi yaa máká Unimbɔti pu ki mēē-u, see ubunlee ń ŋmátí. Ti-Dindaan làá tīī-u ŋgbampɔn. Báà u yaa ŋá ikpiti iba, Unimbɔti làá dūú pɔ̄-u.

1 Jean 3:22

Báà tin sá kamaa ní a yaa mēē-uee u làá tīī-si kudɔŋu, kun puee a kpáafí u-marab ki ŋáań min fáatì-uee.