Matthieu 7:21 - UNIMBƆTI NYƆƆBUNDI GBƆŊKU

²¹ «An kaa sá bin kɔkɔ yíì-mi yii: <M-Dindaan, m-Dindaanee> di làá dāá kɔ́ Unimbɔti Beelin, asee bin ŋáań min m-Baa un bí yilpuee lèe baba di dāa kóò.

Matthieu 7:21 Iomraidhean Croise

Matthieu 12:50

Un kamaa di yaa ŋáań m-Baa un bí yilpuee nín là puee, udaan di sá m-naal, m-niisal àá m-na.»

Matthieu 16:17

Ní Yeesu bí-u yii: «Siimɔn, Yoowaneesi jipɔɔn, a bí mmɔnni! Di sá yii an kaa sá unil di lēē an baamɔŋyi ki dàkā-si, an sá m-Baa un bí yilpuee di dàkā-si.

Matthieu 18:10

«Ní nīn nyíǹ ni-ba kí taa kpèè mbiyaamu nee kansikin kiba fám. M tùkù-ni ibaamɔn ní yii ituun in kpèé-muee bí m-Baa un bí yilpuee nimbiin ŋyunti sá kamaa. [

Matthieu 18:19

«Ibaamɔn ní m tùkù-ni, binib bili ni-kansikin yaa kpáfì kinyɔkɔ taapu doo ki mēē báà kuŋyee, m-Baa un bí yilpuee làá tīī-bi kudɔŋu.

Matthieu 18:3

ní ki bí-bi yii: «Ibaamɔn ní m tùkù-ni, ni yaa kaa kpántì ni-bimbim ki ŋá kii mbiyaamuee, ni kpá kí kɔ́ Unimbɔti Beelin.

Matthieu 18:35

Ní Yeesu bí yii: «Míǹ ní m-Baa un bí yilpuee làá dāá ŋá un kamaa kaa dū u-nabiki kpitii ki pú-u nì u-pɔbil kɔkɔee.»

Matthieu 19:24

M gíti tùkù-ni yii, an pɔ̀fì ki tīī ugutaamu ń jītí ujoo buŋŋun ki jítiǹ ugaaja ń kɔ́ Unimbɔti beelin.»

Matthieu 25:10

Ŋyunti ŋun bi búntì kí dā ŋkpamee, ní unimpucaan cal bāań, bin bɔ́ntèe nóó-u ki kɔ́ kunimpucandiin, ní bi dū kipunyɔkɔ ki pīiǹ.

Matthieu 25:21

Ní u-kpiliu bí-u yii: <An ŋān̄, a sá utɔntɔmmɔnti ki bí deedee! A nín ŋúb́ tin kaa náaǹee deedeeyee, m làá kàan̄-si á nīn kpèé tiwan tikpil. Kɔ́ man a-kpiliu mɔŋŋun!>

Matthieu 26:39

Ní Yeesu sútì nyɔkɔpu fiii ní ki tātìi dōoǹ dicincibil ní ki bíi mèé yii: «M-Baa, falaanyɔkaa nee yaan ŋūǹ kí kàkatī kí wàatī-mi! Ama, min sii lèe nín ŋá, án taa ŋá min man lèe.»

Matthieu 26:42

Ní Yeesu fātìi tí nín gítí nliliitiim ki tí mēē yii: «M-Baa, an yaa sá yii m yaa kaa nyùn̄ falaa nee waa ŋūǹ kí jītée, a nín là puee ní ń ŋá!»

Marc 3:35

Un kamaa yaa ŋáań Unimbɔti nín là puee, udaan gbanti di sá m-naal, m-niisal nì m-na.»

Marc 9:47

An yaa sá a-nimbil nín kpèé kuŋyee di yaa yàntī a ŋáań ikpitee, á lúkutí-dì kí fá. An sɔ́ á kpáaǹ diniŋkpundi kí kɔ́ Unimbɔti Beelin ki jítiǹ á nīn cáá animbil ali bí tin dū-si kí tɔ̄ ŋŋmin.

Luuki 11:28

Ní Yeesu kíí-u yii: «Bin baasii bí mmɔnnee di sá bin pílifí Unimbɔti bɔti ki ŋáań tì nín lī puee!»

Luuki 13:25

«Unimbɔti kudiidaan yaa láa yíkì ki pīiǹ u-punyɔkɔkee, ni dāa kíǹ ki yú boon ki gbáà kipunyɔkɔ ní ki lì yii: <Ti-Dindaan, pìitī-ti!> Ní ú dāá kíí-ni yii: <Maa nyí laakin ní ni sée.>

Luuki 18:25

An pɔ̀fì ki tīī ugutaamu ń jītí ujoo buŋŋun ki jítiǹ ugaaja ń kɔ́ Unimbɔti Beelin.»

Luuki 6:46

«Ba pu ní ni yíì-mi <ti-Dindaan, ti-Dindaan> ní kaa ŋáań min m bí yii ní ŋée ní?

Jean 14:7

Ni yaa bàà nyí-mee, ni bàà nyí m-Baa mun ní. Ama kɔŋkɔnnee ni nyí-u, ki ká-u mun.»

Jean 15:23

Un yaa ná-mee ná m-Baa mun dee.

Jean 3:5

Ní Yeesu gíti bí-u yii: «Ibaamɔn, ibaamɔn ní m tùkù-si, ubɔ kaa ŋūǹ kí kɔ́ Unimbɔti Beelin bi yaa kaa fātìi màl̄ udaan mpɔm nì nnyim nì Unimbɔti Famin.

Jean 5:17

Ní Yeesu kíí-bi yii: «M-Baa tūǹ ditundi baabadal, míǹ ní ma mun tūǹ.»

Jean 6:40

M-Baa nín là min miŋyee sèé, yii un sá kamaa yaa ká man u-Jipɔɔn ki fōō-mi ki kííyee ń ká dimaŋfal din kaa cáá dikúntilee, ní man ń dāá fìkitī-u ŋwinjoolkaa dal.»

Jean 7:17

Un yaa là kí ŋá min Unimbɔti lèe, udaan làá béé m-dàkatam nee yaa nyēeń Unimbɔti ceeyaaa, an yaa tí sá man m-ba pɔŋŋu pu ní m sòoǹ.

Actes 14:22

Bi nìn tìì Kriisitoo yab kunyannyaau, ki sáŋkí-bi yii bí nīn pɔ̄ɔntí bi-ba fookii poon, ní ki bí-bi yii: «An sá nì falaakpaan ní tí nín ŋmā kí kɔ́ Unimbɔti Beelin.»

Romains 12:2

Taa dūmaan ni-ba kí nántíǹ waanee bimbim, ama ní yàntī Unimbɔti ń pɔ̄-ni ilandɔkɔpɔɔn kí kpántí ni-bimbim. Míǹ ní ni ŋūǹ kí béé min ní Unimbɔti lèe, min ŋān̄ ki fáatì-u ki sá mmɔntiimee.

Romains 2:13

Kaa sá bin pílifí marabee di sá deedeedambi Unimbɔti nimbiin. Ama bin bin ŋáań marabee nín lī puee, bíǹ ní bi dāa yíì deedeedambi.

Ephésiens 6:6

An kaa sá bi yaa bée ŋmaniŋma ní ní nīn tūǹ atuun, bí wāl̀ kí pàkà-ni. Ama ni nín sá Kriisitoo yumbuyee puee, ní nīn ŋáań min fáatì Unimbɔtee nì dipɔbil diba.

Colossiens 4:12

Ni-yɔu Eepafrasi, Yeesu Kriisitoo tɔntɔnliuee, mun tīiń-ni ijaam. U mèé ni-pu tikpil ŋyunti sá kamaa, kaa gbèentí, yii ní nīn gbíntìi ŋúb́ Yeesu Kriisitoo bɔti mmɔntiim kí wíiǹ kí kpántí biniŋmambi, kí ŋmā kí ŋá tin kɔkɔ Unimbɔti là ní ŋée.

1 Thessaloniciens 4:3

Unimbɔti nín là kuŋyee di sá ní nīn bí circir kí nīn ŋúb́ ni-ba kí taa ŋá tilaakpaal.

1 Thessaloniciens 5:18

Báà tin kamaa di yaa pée bāańee, ní nīn jáaḿ Unimbɔti. Min Unimbɔti là bin sá Yeesu Kriisitoo yabee ń nīn bée dee.

Tite 1:16

Bi gà bi-biŋŋi yii bi nyí Unimbɔti, ní bi-tuuŋŋi ŋin bi tūǹee dàkà yii baa nyí-u. Bi sá bikpitib ní ki gáatì, kaa ŋūǹ kí tɔ̄ ditummɔntiil báà diba.

Hébreux 13:21

Unimbɔti gbanti ń tīī-ni ŋŋmam ní nīn pée ŋáań tin ŋān̄ee nì tin u lèe. Yeesu Kriisitoo puee, ú dī ti-pu kí ŋá min fáatiǹ-uee. Úǹ Yeesu Kriisitoo ní bí nīn pée tìì tinyool kí nīn cáa cá jaanjaan! Ameeni.

Hébreux 4:6

Bin bi nìn péé péé ki sòon̄ Tibɔmɔntiilee ki tīīyee nìn ŋá mpɔɔgbifin, an puee baa nìn ŋúń ki kɔ́ diŋuŋfil gbanti poon, ama dipoondee dáá gbíntìi bí, biba làá ŋmā kí kɔ́.

Jacques 1:22

Nín̄ ŋáaḿmaan dinyɔɔbundee nín bí yii ní ŋá puee. Sii un yaa pílifí Unimbɔti bɔti, kaa ŋáań tì nín lī puee, kíiĺ a-ba ní.

1 Pierre 2:15

Unimbɔti nín là puee di sá ní nīn ŋáań tiŋan án pìin̄ bigbaambi bin kaa nyí tibee nyɔmmu, bí taa ká tiba kí sòoǹ ni-pu.

1 Pierre 4:2

Kí yòon̄ kɔŋkɔnnee kí nīn cée, ní dū ni-yuntii in kíǹ ní dūú kàl̄ duulinyanee kí dūú ŋá min Unimbɔti lèe, kí taa ti ŋá min fáatì ni-wuntee.

Apocalypse 2:27

Mpɔn ŋun m làá tīī udaan ú dūú kpàà-bee dāa pɔ̄ɔ̄ kii tikútee ní. U dāa ŋūǹ kí dūú wīī binib sɔkɔmii kii atansambilee.

Apocalypse 22:14

Bin fíntí bi-bɔkutiŋ ŋaa cáá tijɔkɔndi, ki máaǹ kí ŋmɔ́ dimaŋfal subil, ki làá dī mpunyɔmu kí kɔ́ kitiŋinee bí mmɔnneeee!

Apocalypse 3:5

«Míǹ ní un yaa jáń ki jíńee dāa pèentí abɔkutipiin káŋkaŋ. Maa làá dāá kpìtī udaan yindi dimaŋfal gbɔŋku poon, ama m làá dāá lì m-Baa nì u-tuuŋyi kɔkɔ nimbiin yii man di yì-u.