Matthieu 7:2 - UNIMBƆTI NYƆƆBUNDI GBƆŊKU

² Min min ní a dì kí sòoǹ a-nabiki bɔtee, míǹ ní Unimbɔti làá dī kí sòoǹ si mun yati. A nín ŋmàntī min kí tīī a-jutee, míǹ ní u làá dāá ŋmàntī kí tīī si mun.

Matthieu 7:2 Iomraidhean Croise

2 Samuel 21:5

Niinee ní bi bí ubɔti yii: «Saayuul nìn là kí kúntí-ti. U nìn bɔ́ntì kí kpɔ̀ kí céetí-ti báà ubɔ ń taa kíń Isirayeel tiŋki kɔkɔn.

Psaumes 109:17

U nìn néeń ki tòó binib mbusu, mbusu ń gítí u-pu. Waa nìn pée néeń dibiindi bɔti, dibiindi ń sāǹ kí wàatī-u.

Exode 21:24

Ubɔ yaa lēē u-juti nimbilee, bí lēē u mun yal. Ubɔ yaa lēē u-juti nyindee, bí lēē u mun yal. Ubɔ yaa gūutì u-juti ŋalee, bí gùutī u mun yɔŋu. Ubɔ yaa gūutì u-juti taalee, bí gùutī u mun yal.

Esaïe 33:1

Mbusu dɔ̄ ki cí sii un bíiĺ, ama ní ubɔ kaa bíil̀ siiyee, sii un nyēē a-jutiibi boon, ama ní ubɔ kaa nyēē a-boonee. A yaa láa bíil̀ ki dóòyee, bi làá dāá bīil̀ si mun. A yaa láa nyáń a-jutiibi boon ki dóòyee, bi làá dāá nyā sii mun boon.

Jérémie 34:17

Ní Yeereemii gíti kútì ki lī yii: «Too, ti-Dindaan nín sòon̄ puee sɔ̀. An bàà sá yii báà ŋma ń tīī u-yumbuu eebru niliu un sá u-nabiki nì u-jutee dibatɔl ní. Ama naa ŋá kii m nín bí yii ní ŋá puee. An pu ní man ni-Dindaan sòon̄ yii m làá cáań kujaau nì bìlbil kúm nì ŋkùm kí tɔ̄ ni-pu. Niinee kitiŋ pu beeŋi nib yaa láa ká mimmee, bi làá dāá kɔ́ dinyoondin.

Jérémie 51:24

Ama ni-nimbilaaliyin ní m làá pà Babiloon tiŋki nì Kaaldee yab tikpitil tin bi ŋá Siiyɔŋyee paati, man ni-Dindaan di lī míǹ.

Abdias 1:15

Di sá yii ti-Dindaan wiiŋŋu ŋun u làá sòoǹ atimbun kɔkɔ bɔtee tóobiń. A nín ŋá bin beeyee puee, míǹ ní bi làá téeǹ-si. A-tuŋkpitiŋ làá dāá fàtīí gítí a-pu ní.»

Matthieu 6:14

Di sá yii ni yaa cáá tin ni-jutiibi yìntīǹ-nee ki pūǹ-bee, ni-Baa un bí yilpuee làá dū tin ni mun yīntiǹ-uee kí pɔ̄-ni.

Marc 4:24

Ní u tí bí-bi yii: «Ní nīn pílifí tibɔti nee tiŋan. Ni nín ŋmāntì pu ki tīīyee, Unimbɔti dāa ŋmàntī míǹ ní kí tīī-ni, kí gbéeǹ-ni gba án yàaǹ.

Luuki 6:38

Tīī a-juti, ní Unimbɔti ń dāá tīī-si mun. Bi làá dāá ŋmàntī ní kí cìŋkì kí tēefì, ní án gbí púm, ní bí dūú sìtī a-lookun. A nín ŋmāntì pu ki tīī a-jutee, míǹ ní Unimbɔti làá dāá ŋmàntī kí tīī si mun.»

2 Corinthiens 9:6

Téetímaan yii un yaa búĺ fiiiyee dāa tí cēē fiii ní, ní un búĺ tikpilee mun dāa tí cēē tikpil.

Jacques 2:13

Sii un kaa súń a-jutiibi saayee, ibɔsoon dalee, Unimbɔti kaa làá dāá sɔ̄ si mun a-saai. A nín súń binib saayee di làá yàntī Unimbɔti ń dāá sɔ̄ si mun saai.

Apocalypse 18:6

Ŋámaan-kì kii kì nín ŋá-ni puee, téem̀maan-kì ikpiti in kì ŋá-nee mili pu. Kì nín dáaĺ ni-tafal miŋyee, nimbi ń dáaĺ-kì míǹ mili pu.

Juges 1:7

Niin ní ubɔti Adoonii-Beeseeki bí yii: «Njaminee man yaa nìn kā ki jīǹ tijinee, bibɔtiibi imuŋku ita nì saalaa bin ŋambijaliŋ nì bi-taŋambijaliŋ bi gūutèe nìn dɔ̄ m-teebiliu taapu ní ki tòó igbasigbasi in lítée ki ŋmóò. Ikpiti in m nìn ŋá binibee, íǹ ní Unimbɔti cáa bíi tēentí-mi nee!» Bi nìn cáá-u ki cūnnì Jeerusaleem tiŋkin ní u tin kpíì niin.

Juges 5:27

Ní Siiseela nyáń ki lítì u-taaŋi taapu ki dōoǹ, u-taaŋi taapu ní Siiseela nyáń ki lítì. Laakin u nyáń ki lítèe, niin ní u dōoǹ ki kpíì!

1 Samuel 15:33

Ama ní Samiyeel bí-u yii: «A-tàataajiki yāntì bibinaatiibi lóò mbiyaamu, an puee si mun na làá lóó u-biki binimpoobi kansikin.» Ní Samiyeel kūū-u ti-Dindaan nimbiin Giilgaal.