Matthieu 7:13 - UNIMBƆTI NYƆƆBUNDI GBƆŊKU

¹³ «Dīmaan kipunyɔkɔwaai kí kɔ́. Kun puee kipunyɔkɔ nì nsan ŋun wāāyee di cáǹ binib diwaŋkilin, niin ní kunipaau nóó.

Matthieu 7:13 Iomraidhean Croise

Genèse 6:12

Unimbɔti nìn ká yii ikpiti jíń kitiŋ, di sá yii binib nìn dū bi-ba ki líì nì tikpitil.

Genèse 6:5

Ti-Dindaan nìn ká yii binib kpitii mɔ̀tīi wīintí kitiŋ pu. Baabadalee tibɔkpitil ŋma di nìn gbí bi-pɔbiliŋ poon bi dàkafī.

Proverbes 16:25

Unil ŋūǹ kí dàkafì yii nsan ŋun u nóóyee ŋān̄, ama án dāá kúntée, ŋu cáǹ-u ŋkúmin ní.

Proverbes 7:27

U-dumpu di sá nsan ŋun cá bitaŋkpiibi kɔŋkooŋŋunee, ŋu sìntī ditaŋkpiilin ní cáaa.

Proverbes 9:6

Fámaan digbaandi ní kí nīn bí dimaŋfalin, ní kí nóó dinyil saŋŋu.»

Esaïe 1:9

Ti-Dindaan Mpɔŋkɔdaan yaa kaa bàà yāntì ti-kansikin binikaaŋkaabi ŋmátèe, ti bàà làá nīn bí kii Soodoom yabee ní, kí nīn náań nì Goomoora yab.

Esaïe 35:8

Bi làá dāá tɔ̄ didandi diba niin, kí dāá nīn yíì-dì yii <circir saŋŋu>. Unil un kaa bí circiree kaa dāa dì-ŋu, ŋu dāa sá ki tīī ti-Dindaan nibul ní. Báà ugbaan ubɔ kaa dāa yìntī kí dī-ŋu.

Esaïe 55:7

Unikpiti ń fá u-saŋkpitii, ukpitiŋal ń fá u-landɔkɔkpitii. Bí gítiń ti-Dindaan cee, di sá yii u làá sɔ̄ bi-saai! Bí gítiń ti-Nimbɔtiu cee, di sá yii u pūǹ ikpiti nì dipɔbil diba ní!

Matthieu 23:13

Yeesu bí yii: «Mbusu dɔ̄ ki cí-ni, nimbi bimaradakaliibi nì Fariisab mpoonnyoondambi, kun puee ni pìintí binib Unimbɔti Beel punyɔkɔ. Naa làá kɔ́ ni-ba, ní kaa là bin bàà là kí kɔ́ee ń kɔ́.» [

Matthieu 25:41

«Míǹ boonee ní ḿ fàtī kí tùkù bin yú m-ŋaŋgan púee yii: <Sútímaan niin kí wàatī-mi, mbusudambi! Nín̄ cámaan ŋŋmi ŋun làá nīn wù jaanjaanee ni, ŋun bɔ́ntì ki yóoǹ Sitaan nì u-tuuŋyee!

Matthieu 25:46

Ní bí dāá dū-bi kí tɔ̄ ditafadaaldi din kaa cáá dikúntilee ni, ní bin yúl̀ nì Unimbɔti deedeeyee ń nīn cá dimaŋfal din kaa cáá dikúntilee ni.»

Matthieu 3:2

«Kpántímaan ni-bimbim kun puee Unimbɔti Beel sútì ki pìlīń-ni.»

Matthieu 3:8

Nín̄ tūm̀maan atuun ŋin dàkà yii ni fá ni-kpitiiyee

Matthieu 7:14

Ama kipunyɔkɔwaai kin pɔ̄ɔ̄ dijitilee nì nsan ŋun kaa wāāyee di cáǹ binib dimaŋfal laŋki, binib fiii di kāntí-ŋu kí dī.»

Luuki 14:33

Ní Yeesu gíti lī yii: «Míǹ mbaantiim ní ni-kansikin un yaa là kí nīn sá man boonnooliuee ń fá tin kɔkɔ u cááyee.»

Luuki 9:33

Ŋyunti ŋun bi làá yīkì Yeesu ceeyee, ní Peetroo bí-u yii: «Ukpil, an ŋān̄ tí gbíntí doo, tí gāā tibìń tita, sii kubɔ, Mooyiisi kubɔ, Eelii mun kubɔ.» - Di sá waa nìn nyí tin u bíi sòoǹee. -

Jean 10:9

Man di sá kipunyɔkɔ. Un yaa dīń man pu ki kóońee kāntí difiil. Udaan ŋūǹ kí nīn kóò ki nyēē ki kāntí u-jinti.

Jean 14:6

Ní Yeesu kíí-u yii: «Man di sá nsan, ki sá ibaamɔn ki sá dimaŋfal. Ubɔ kaa ŋūǹ kí dī laaba kí dāan̄ m-Baa Unimbɔti cee, see ú dīń man pu.

Actes 3:19

Míǹ puee, fámaan ni-kpitii kí gítímaan Unimbɔti cee kí wàatī ní ú kpìtī ni-kpitii kɔkɔ.

Romains 9:22

Kin Unimbɔti fáà? U cáá nsan kí gíí diŋuul kí dàkà binib u-pɔŋŋu. U jíń kimɔtii tikpil bin bàà máaǹ ditafadaaldi ki ŋmāntì ú kúntí-bee pu,

2 Corinthiens 4:4

Kun pu baa fōō-tì ki kííyee di sá Sitaan un sá duulinya nee bɔtiuee jɔ̀b̄-bi ki yāntì baa wāĺ Tibɔmɔntiilee nín ŋmíntí ki dàkà-bi Kriisitoo un sá Unimbɔti naŋkuee nyooti.

2 Corinthiens 6:17

An pu ní Unimbɔti lī u-nibul yii: «Ní nyā binib nee kansikin kí gàntīmaan ni-ba, kí taa gbēē tin sá tijɔkɔndee, ní man ń nín fōō-ni,

Galates 5:24

Di sá yii Yeesu Kriisitoo yab dū bi-bimbikpitim nì tin mì néeń ki lèe ki kpáá ndɔpuntikaa pu.

Philippiens 3:19

Tin dɔ̄ ki cí-bee di sá ditafadaaldi, kun puee bi nóó tin bi-pooŋŋi lèe, kaa nóó Unimbɔti. Tin kɔ̄ntí-bi icooyee di mɔ̄ǹ-bi, ní taapu doo wanti pu ní bi dàkafī.

1 Jean 5:19

Ti nyí yii ti sá Unimbɔti yab, ní Ukpiti tɔ́kɔ́ duulinya kɔkɔ pu.

Apocalypse 12:9

Ní bi téeń kupeebiliŋŋuee, ukookpiki un bi yíì Sitaan u kíil̀ duulinya kɔkɔee nì u-tuuŋyi ki tɔ́ń duulinyan.

Apocalypse 13:8

Kitiŋ pu nib bin yiŋŋi kaa ŋmàn̄ doooo duulinya kíltam dimaŋfal gbɔŋku kun Dipibil din kpíìyee yèe poonee, an nibee kɔkɔ dāa jáaḿ upeelee ní.

Apocalypse 20:15

Un kamaa yindi ní baa ká dimaŋfal gbɔŋku poonee, bi dù-u kí tɔ̄ ŋŋmi bookun ní.

Apocalypse 20:3

Ŋu téé-u ki tɔ́ mbookpaanee ni ní ki pīiǹ ki kpàl̄ ki ŋéeb́, án nín làá ŋá pu ú taa ti kīil̀ atimbun nib kí tin cáá sāā abin kutukuee. Boonee bi làá fàtīí gíiǹ-u kí líí ŋyunti ŋubɔ poon fiii.