Matthieu 7:12 - UNIMBƆTI NYƆƆBUNDI GBƆŊKU

¹² «Min ní ni yaa là bí ŋá kí tīī-nee, ŋámaan míǹ kí tīī bi mun. Mooyiisi marab nì Unimbɔti bɔnaatiliibi gbɔnti nín lì puee dee.»

Matthieu 7:12 Iomraidhean Croise

Ezéchiel 18:21

«Unikpiti yaa gbēeǹ kaa tí bíi ŋáań u-tuŋkpitiŋ ní ki kíǹ ki tɔ́ m-bɔkpaaŋi ki ŋáań tin bí deedee ki kítèe, waa làá kpú, u làá pée ŋmátí ní.

Lévitique 19:18

Ní taa tɔ̀ ipɔntoon, kí taa dū ni-nabiyaamu kí ŋá ni-poon. Ní nīn néeḿmaan ni-jutiibi kii nimbi ni-bee. Man di sá ni-Dindaan.

Michée 6:8

Unil, ti-Dindaan dàkā-si tin ŋān̄ee. Kun u bàlifī-see di sá á nīn ŋáań tin bí deedeeyee, kí nīn néeń ki ŋáań tikɔkɔ nì tiniti ní kí nīn nóó a-Nimbɔtiu nì dibasintil.

Malachie 3:5

Ti-Dindaan Mpɔŋkɔdaan nín lī puee sèé: <M làá dāá dāan̄ ni-kansikin kí sòoǹ ni-bɔti. M làá dāá sòoǹ kí kpɔ̀ bikpaŋkpantiibi nì bilaakpaadambi nì bin pùtī fám fámee, nì bin di mùul̄ bipaadambi nì bikpiipoobi nì ataŋkpiibilee, nì bin di kaa fàŋkí-mi ki sàantí unicaanee. Ti-Dindaan Mpɔŋkɔdaan di lī míǹ.

Matthieu 5:17

«Ní taa dàkafì yii m dɔ́miń kí kpìtī Mooyiisi marab nì tin Unimbɔti bɔnaatiliibi nìn sòon̄ee. Maa dɔ́miń kí kpìtī, m dɔ́miń kí ŋá bi nín lī puee ní.

Luuki 6:31

Ni nín là bí ŋá min kí tīī-nee, ŋámaan míǹ kí tīī ni-jutiibi.

1 Timothée 1:5

Kun pu ní a kpáafí-bi mimmee di sá a là bí nīn cáá dineendi din nyēeń dipɔɔnyaandinee ní, bi-landɔkɔjaatiŋu ń nīn sá mmɔnti bi-fookiiu ń nīn bá ki pɔ̄ɔ̄.

Jacques 2:8

Tiŋman, ni yaa nóó Unimbɔti Beel marau kii an nín ŋmàn̄ puee, yii: «Á nīn néeń a-juti kii sii a-bee,» mimmee, ni ŋáań min ŋān̄ee dee.