Matthieu 7:11 - UNIMBƆTI NYƆƆBUNDI GBƆŊKU

¹¹ Nimbi binikpitib nyí kí tīī ni-biyaamu tiwammɔntiil, kin ataa aŋa pu ní ni-Baa un bí yilpuee kaa nín ŋūǹ kí dū tiwammɔntiil kí tīī bin mèé-uee?

Matthieu 7:11 Iomraidhean Croise

Genèse 6:5

Ti-Dindaan nìn ká yii binib kpitii mɔ̀tīi wīintí kitiŋ pu. Baabadalee tibɔkpitil ŋma di nìn gbí bi-pɔbiliŋ poon bi dàkafī.

Genèse 8:21

U-saraauee sɔnsɔfiŋu kɔ́ ti-Dindaan ki mɔ́ɔkiǹ-u ní u lī u-pɔbilin yii: «Kí yòon̄ díǹ kí nīn cée, maa làá ti bīil̀ kitiŋ unil pu. Báà nì min doooo unil biyatin ní u-pɔbil sá dikpitilee, maa làá ti dáaĺ tin kɔkɔ cáá kufoouee tafal kii m nín dáaĺ pu nee.

2 Samuel 7:19

Nì míǹ kɔkɔee, a wāĺ yii tin a ŋá nee pátì a-cee. Di sá a gíti pōoǹ man a-tɔntɔnliu dicaŋku ipoon iba in bɔti dáá dátìńee. M-Dindaan Unimbɔti, tin a ŋá nee máaǹ unilaaa?

Yoob 15:16

kin ataa aŋa pu ní unil un cáá titantan kaa bí tiban, unil un ŋáań ikpiti kii bi nín nyù nnyim pu nee pu ní u làá nīn máká?

Psaumes 84:11

Ḿ nīn bí a-diikun ŋwiin ŋubɔ sɔ́ǹ ḿ nīn bí laaba fám iwiin kutuku. M lēē kí nīn bí m-Nimbɔtiu diiku punyɔkɔpu, míǹ sɔ́ǹ ḿ nīn kóò binikpitib dumpui.

Psaumes 85:12

Ibaamɔn làá nyānní kitiŋin kii iwamboolee ní deedee ń nyānní yilpu kí kpákatiń.

Psaumes 86:15

Ama sii ti-Dindaanee, a sá Unimbɔti un poon mɔ̄ ki cáá kulaŋŋaŋfitiiuee ní, aa gífí diŋuul malaa, ní a-neendi wīikí tikpilku ní a sá deedeedaan.

Psaumes 86:5

Di sá yii sii ti-Dindaan ŋān̄ ní ki pūǹ ikpiti, a-neendi wīikí ki tīī bin yíì-see.

Esaïe 49:15

Ama ní ti-Dindaan kíí yii: Unimpu súntí u-bipɔŋki puɔɔɔ? U ŋūǹ kí taa ti dàkà u-poon biki dineendaaa? Báà u yaa súntì ki-pu, man kaa làá súntí a-pu!

Esaïe 63:7

M làá téetí ti-Dindaan ŋanti nì tin pu ti máaǹ kí nyɔ̄ŋkì-uee pu: tin kɔkɔ ti-Dindaan ŋá ki tīī-tee, tiŋaŋkpaandi tin u ŋá ki tīī Isirayeel nibulee, tin kɔkɔ u ŋá u-neendin, nì u-laŋŋaŋfitiikuee pu.

Jérémie 17:9

Unil pɔbil ŋmàtíǹ ki jítiǹ tikɔkɔ! Ubɔ kaa ŋūǹ kí cáaǹ-dì. Ubɔ mun kaa ŋūǹ kí béé-dì.

Jérémie 33:14

«Ti-Dindaan nín sòon̄ puee sɔ̀. Iwiin iba bí ki dòoń, m nín pōoǹ Isirayeel nì Juuda yab nibul kí ŋá-bi tiŋan tiŋyee, m làá ŋá míǹ.

Osée 14:2

Isirayeel, fàtīí gítiń ti-Dindaan a-Nimbɔtiu cee, di sá yii a-kpitii di yāntì a gbéetì ki lítì.

Michée 7:18

Ti-Dindaan, Unimbɔti ulɔu di gíti bí kii sisee? A lèekī a-nibul din kíǹ ki bí dimaŋfalinee yìntitam, ki pūǹ di-kpitii. Aa fòol̄ diŋuul kí nīn cá jaanjaan, ama an mɔ̄ǹ-si á nīn dàkà-ti a-ŋanti.

Malachie 1:6

Man ni-Dindaan Mpɔŋkɔdaan nín sòon̄ nì bisaraaŋaliibi puee sèé: «Ujipɔnti tìì u-baa tinyool, ní utɔntɔnli tɔ́ u-kpiliu. M yaa sá ni-baa, ni tìì-mi tinyoolaaa? M yaa sá ni-kpiliu, ni tɔ́-maaa? Ni kpèé ki sìŋkīǹ m-yindi ní ki bàlifī-mi yii: <Mana ní ti kpèé ki sìŋkīǹ a-yindi?>

Matthieu 23:9

Ní taa yíiń ubɔ kitiŋ pu <ni-Baa>, kun puee ni-Baa pée sá ubambaanti ní, ki bí yilpu.

Matthieu 7:10

U yaa tí mēē-u ujɔm, u kíikí kí dū ukoobu kí tīī-uaaa?

Jean 3:16

Kun puee Unimbɔti néeń kitiŋ pu nib kɔkɔ tikpil, míǹ pu ní u dū u-Jipɔmbaabil ki tīī, án nín làá ŋá pu un sá kamaa yaa fōō-u ki kííyee ń taa kpú, ama ú ká dimaŋfal din kaa cáá dikúntilee.

Romains 3:19

Ti nyí yii marab nín sòoǹ tiŋyee kɔkɔee, bi sòoǹ ki tìì bin bin Unimbɔti nìn tīī u-marabee ní. Míǹ puee, ubɔ kaa dāa cáá kinyɔkɔ kí wàan̄ kí tīī nnaakpal. Kitiŋ pu yab kɔkɔ dāa béetí yii bi sá binikpitib Unimbɔti nimbiin.

Romains 3:9

Mimmee, timbi Juuda yab jítiǹ binib bin kíǹeeee? Aayee, kpataaa! Kii m nín bàà pée lī puee, Juuda yab nì bin kaa sá Juuda yabee kɔkɔ bí ikpitin.

Romains 8:32

Timbi pu ní Unimbɔti kaa tāaǹ úǹ u-ba Jipɔɔn ki dū-u ki ŋá saraa, mana ní u ŋūǹ kí yíí kí taa tīī-ti tikɔkɔ kí kūtì u-Jipɔɔnee pu?

Galates 3:22

Ama Unimbɔti gbɔŋku poon bɔti tùkū-ti yii kitiŋ kɔkɔwoooo nib pīī ikpitin. Mimmee bin yaa fōō ki kííyee ŋūǹ kí fōō tin Unimbɔti pōoǹee, bi nín fōō Yeesu Kriisitoo ki kííyee pu.

Jacques 1:17

Tiwannyaandi nì tiwammɔntiil tin kɔkɔ ti fòol̄ faalaayee nyēeń yilpu ní. Ti-Baa Unimbɔti iwalfi in bí yilpuee náanliu cee ní an nyēeń. Úǹ kaa kpántáaa, kaa fàtī ki ŋmíntí dijandi diba, din kíǹee dɔ̄ dibɔmbɔndin.

1 Jean 3:1

Ní kpèèmaan ti-Baa Unimbɔti nín cáá ti-pu dineeŋkpaandi diŋyee! Di sá yii u yíì-ti u-biyaamu. Míǹ ní tiŋman ti lafun sá u-biyaamu. Kun pu duulinya kaa nyí-tee di sá waa béè Unimbɔti.

1 Jean 4:10

Kaa sá timbi di péé ki néeń Unimbɔti, an sá Unimbɔti di péé ki néeń timbi, ní ki dū u-Jipɔɔn ki túnní ú kpú tí ká ti-kpitii pɔ̄tam, míǹ di dàkà dineendi.