Matthieu 6:6 - UNIMBƆTI NYƆƆBUNDI GBƆŊKU

⁶ Ama, sii yaa làá mèèyee, á kɔ́ a-diikun, kí dūú pìin̄ kí mèè, a-Baa bí niin dibalin. A-Baa un wāĺ tin bí dibalinee làá pà-si.

Matthieu 6:6 Iomraidhean Croise

2 Rois 4:33

Eeliisee kɔ́ kudiinee ní ki dūu pīiǹ ní ki kíĺ ki bíi mèé ti-Dindaan.

Psaumes 34:15

Fàtī a-boon kí tīī ikpiti, kí ŋá tiŋan, nyàab̀ ŋgbansɔŋfi kí nīn ŋúb́ an píkí.

Proverbes 25:22

A yaa ŋá mimmee, an bí kii amɔsiŋkoon ní a cáa pāantí u-yil puee, ní ti-Dindaan ń dāá pà-si.

Esaïe 26:20

M-nibul, yīkì kí kɔ́ a-dumpu, kí dáaĺ a-kampiiŋi liitil kí pìin̄ a-ba pu. Kɔ́ kí báĺ ŋyunti ŋubɔ poon kí nīn cí ti-Dindaan ŋuul ń sɔ̀ŋkì.

Esaïe 65:24

Baa láá yíiń-mi ní ḿ kíí-bi. Bi dāa bíi sòoǹ kinyɔkɔ kaa láá ŋmíl̀ ní ḿ dāá gbìl̄ kí tīiǹ-bi.

Matthieu 14:23

U yāntì bi nín kùǹee, ní u kākatì ŋkpaanceeti dijool pu kí mèè. Kunyeeu mɔ́ee u dáá gbíntìi bí niin u-baba.

Matthieu 6:18

án nín làá ŋá pu báà ubɔ ń taa béé yii a bóob́ kinyɔkɔee. A-Baa un bí dibalinee baba ń nīn nyí, ní úǹ un wāĺ dibalinee ń tīī-si a-paati.»

Matthieu 6:4

Á ŋá dibalin, ní a-Baa un wāĺ dibalinee ń téeǹ-si.»

Jean 1:48

Ní Natanayeel bālifì-u yii: «A ŋá mana ní ki nyí-mi?» Ní Yeesu kíí-u yii: «Min a bí fiigi subu taapuee ní man ká-si ki wāatì ní Fiiliipi dāa nín yíiń-see.»

Jean 20:17

Ní Yeesu bí-u yii: «Taa gbēē-mi, di sá yii maa láá jɔ́m̀ m-Baa cee. Ama nín̄ cá kí tùkù m-nabiyaamu yii m nín jɔ́ḿ m-Baa un sá ni-Baayee, m-Nimbɔtiu un sá ni-Nimbɔtiuee cee.»

Actes 10:30

Ní Kɔɔrneeyi kíí-u yii: «Iwiin inaa sèé, tikúti tita, ŋyunti ŋun bí nee deedee, m bíi mèé m-dumpu. M kpēēyee, uninja ubɔ dee ki pēē dibɔkutil diba di jìl̀, ki yú m-nimbiin,

Actes 10:9

Kutaa wúntèe, bi bí nsanni ki tóob́ kitiŋ gbantee, Peetroo jɔ́m̀ kudii yilpu kuwiŋkuluu yuntiŋu kí mèè.

Actes 9:40

Ní Peetroo nyántì binib kɔkɔ ní ki gbāaǹ ki bíi mèé, ní ki fātì utaŋkpiil pu ki bí yii: «Tabiita, yīkìm̄!» Ní u ŋúbitì u-nimbiliŋ ki kpēē Peetroo, ní ki yáatìi kāl̀.

Romains 8:5

Bin bin nóó mbimbikpitimee nyàab̀ kí nīn ŋáań tin fáatì-bee ní, ní bin nóó Circir Famee mun nyàab̀ kí nīn ŋáań tin Circir Fam lèe.

Ephésiens 3:14

An pu ní m gbàantí ti-Baa Unimbɔti nimbiin ki mèé ni-pu.