Matthieu 6:5 - UNIMBƆTI NYƆƆBUNDI GBƆŊKU

⁵ «Ni yaa bíi mèéyee, ní taa nín̄ mèémaan kii ipoonnyoondambi bin néeń ki yūlifí dicancaal akpafidiinni nì asaŋkaŋkpil ki mèé báà ŋma ń nīn wāĺ-bee. Ibaamɔn ní m tùkù-ni, bi fōō bi-paati ki dóò.

Matthieu 6:5 Iomraidhean Croise

Psaumes 5:2

M-Dindaan, pīlifì tin m bíi sòoǹ nì see, kpèè m-yaliŋkii.

Psaumes 55:17

Mamee, Unimbɔti ní m yíì, ní úǹ ti-Dindaan di làá fīī-mi.

Proverbes 15:8

Ti-Dindaan ná binikpitib saraabi, ama deedeedambi bíǹ wimmeem tìì-u mmɔn.

Proverbes 16:5

Ti-Dindaan ná bilambidambi, báà án ŋá pu, u làá dáaĺ bi-tafal.

Esaïe 1:15

Ni yaa tāntì ni-ŋalii kí mèèyee, m fàtī m-kpaŋkpamboon ní kí tīī-ni. Báà ní mèè kí gíti mèè, maa làá pīlifì-ni, kun puee ni-ŋalii táká fatiku.

Jérémie 29:12

Niinee, ni làá dāá dāan̄ kí yíiń-mi kí mèè-mi, ní ḿ dāá pīlifiǹ-ni.

Daniel (hébreu) 6:10

Niinee ní ubɔti Daariyusi nyīī maree pu ŋŋal.

Matthieu 21:22

Tin kamaa ní ni yaa mēē Unimbɔti ní ki yaa fōō ki kíí yii u làá ŋá kí tīī-nee, ni làá ká kudɔŋu.»

Matthieu 23:13

Yeesu bí yii: «Mbusu dɔ̄ ki cí-ni, nimbi bimaradakaliibi nì Fariisab mpoonnyoondambi, kun puee ni pìintí binib Unimbɔti Beel punyɔkɔ. Naa làá kɔ́ ni-ba, ní kaa là bin bàà là kí kɔ́ee ń kɔ́.» [

Matthieu 23:5

Bi pée tūǹ bi-tuuŋŋi kɔkɔ binib ń nīn wāĺ-bi ní. Bi wàantí igban in pu bi ŋmà Unimbɔti bɔti ki cáa fìǹ bi-ŋalii nì bi-yigbeeŋee, ní ki fɔ̀kɔntí bi-bɔkutiŋ gbeeŋgbeeŋyi.

Matthieu 23:6

Bi néeń ki kàal̀ ikakaamɔnti diinabin nì nyɔkɔpu kakaai akpafidiinni,

Matthieu 6:1

«Ní nīn nyí nì ni-ba kí taa nín̄ nyāntí ni-deedeebítam ki dàkà binib yii bí ká-ni. Ni yaa ŋáań tiŋan ki dàkà binibee, naa tin gíti kāntí tipaal tiba ni-Baa un bí yilpuee cee.

Matthieu 6:16

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò.

Matthieu 6:2

«A yaa làá pɔ̄ uwɔfi ubɔ tibee, taa nín̄ báakí bí ká yii sii di bíi tìì tiba, kii ipoonnyoondambi nín báakí adan pu nì akpafidiinni puee. Bi ŋáań míǹ binib ń nīn pàkà-bi ní. Ibaamɔn ní m tùkù-ni, bi fōō bi-paati ki dóò.

Matthieu 9:38

An puee, ní mèèmaan kusaaudaan ú tɔ̄ń bitɔntɔnliibi ń dāá cā!»

Marc 11:25

Ni yaa bíi mèé Unimbɔti ní ni nì ni-jutiibi kansikin kaa mɔ̄ee, dūú pɔ̄maan-bi, ní ni-Baa un bí yilpuee ń ŋmā kí dū ni mun yìntitam kí pɔ̄-ni.» [

Marc 12:38

Yeesu dàkatam poonee, ní u gíti lī yii: «Nín̄ nyím̀maan ni-ba nì bimaradakaliibi! Bíǹ di néeń ki pèentí abɔkutifɔkɔ ki yìiǹ bi jáaḿ-bi ipaan in pu binib kpáfée,

Luuki 11:43

«Mbusu bí ki tīī nimbi Fariisab, kun puee ni néeń ki kàal̀ nyɔkɔpu jaliŋ akpafidiinni, ki néeń bí nīn jáaḿ-ni sampaambi pu ki tìì-ni jilma.

Luuki 18:1

Ní Yeesu dū tibɔti nee ki ŋmāntì kí dàkà yii an máaǹ bí nīn pée mèé kí taa gbèen̄.

Luuki 18:13

Ní ufɔtilee, úǹ yúń kudandaŋu, kaa là kí yáatí u-yil gba, ki fátí u-bindi ki yáliŋkí u-kpitii pu ní ki lì yii: <Óò Unimbɔti, sɔ̄ m-saai, m sá unikpiti ní!>»

Luuki 20:47

ní ki fìkì bikpiipoobi wanti, ki mèé ŋwimmeem yúntí, kí dàkà binib yii bi sá bimɔntiibi. An puee ditafadaaldi din gíti lákatèe dɔ̄ ki cí-bi.»

Luuki 6:24

Ama nimbi bigaajab, mbusu dɔ̄ ki cí-ni, kun puee nimbi jíń ni-mɔŋŋu doo.

Jean 16:24

Áli nìn díǹee, naa láá mēē m-yindi pu tiba, mèèmaan tiba, ni làá fōō kudɔŋu, ni-pɔbiliŋ ń mɔ̀tīí pīil̀.»

Ephésiens 6:18

Ní nīn mèémaan kí taa gbèen̄. Ní yàntī Circir Fam ń kpòotī-ni ni-wimmeem nì tin kɔkɔ ni bàlifēe poon. Ní fìntīmaan an bɔti pu, kí nīn mèémaan múlmul ki tìì Kriisitoo yab kɔkɔ.

1 Thessaloniciens 5:17

kí nīn mèé Unimbɔti kí taa gbèen̄.

Jacques 4:6

Ama u ŋáań-ti tiŋan tin wīikí ki lákatèe, kii an nín ŋmàn̄ u-gbɔŋku poon puee, yii: «Unimbɔti kaa gèetíǹ bilambidambi, ama ní ki ŋáań bin sìntīǹ bi-ba taapuee tiŋan.»