Matthieu 6:4 - UNIMBƆTI NYƆƆBUNDI GBƆŊKU

⁴ Á ŋá dibalin, ní a-Baa un wāĺ dibalinee ń téeǹ-si.»

Matthieu 6:4 Iomraidhean Croise

Psaumes 139:12

sii ceeyee, dibɔmbɔndi kaa sá dibɔmbɔndi, ní kunyeeu wāĺ kii ŋwìińee. Dibɔmbɔndi nì ŋwalifi sá sii cee tiwambaantiil ní.

Psaumes 17:3

A kpēē m-pɔbil poon, ki dɔ́miń m-cee kunyeeu ki cɔ́ŋkì-mi, kaa ká tikpitil tiba m-ni. M lēē m-pɔbilin yii maa làá dū m-nyɔkɔ kí sòoǹ kí ŋá ikpiti,

Psaumes 44:21

Ti yaa nìn súntì ti-Nimbɔtiu pu ní ki mēē awaa abee,

Proverbes 25:22

A yaa ŋá mimmee, an bí kii amɔsiŋkoon ní a cáa pāantí u-yil puee, ní ti-Dindaan ń dāá pà-si.

Jérémie 17:10

«Man ni-Dindaanee, m wāĺ tin kā unil pɔbil poon poon kábuee, ní ki nyí u-landɔkɔi kɔkɔ nín sá puee. An pu ní m ŋūǹ kí pà báà ŋma bimbim nì u-tuuŋŋi paati.

Jérémie 23:24

Unil ŋūǹ kí báĺ laaba ḿ taa wāl̀-uaaa? Man ni-Dindaan di lī míǹ. Naa nyí yii m gbí kutagbɔŋu nì kitiŋ kɔkɔɔɔ?» Man ni-Dindaan di lī míǹ.

Matthieu 10:42

Un di yaa pú ŋwaamu nee kansikin kiba nnyinsɔm kpaŋkpam kì nyùn̄ yii kì nín sá man boonnooliuee puee, ibaamɔn ní m tùkù-ni, udaan làá ká u-paati.»

Matthieu 6:18

án nín làá ŋá pu báà ubɔ ń taa béé yii a bóob́ kinyɔkɔee. A-Baa un bí dibalinee baba ń nīn nyí, ní úǹ un wāĺ dibalinee ń tīī-si a-paati.»

Matthieu 6:3

Ama sii yaa làá pɔ̄ uwɔfi tibee, á tīī a-ŋaŋgan ń taa nín̄ nyí a-ŋaŋgiil nín ŋá tiŋyee.

Matthieu 6:6

Ama, sii yaa làá mèèyee, á kɔ́ a-diikun, kí dūú pìin̄ kí mèè, a-Baa bí niin dibalin. A-Baa un wāĺ tin bí dibalinee làá pà-si.

Luuki 14:14

A yaa ŋá mimmee, a làá nīn bí mmɔnni kun puee an nibee kaa ŋūǹ kí téeǹ-si, ní daliŋkin Unimbɔti yaa láa fīkitì deedeedambee, ní ú dāá pà-si.»

Luuki 8:17

Tin kɔkɔ bí dibalin binib kaa wāĺee làá dāá bìitī, ní tin kɔkɔ bí dibalin binib kaa nyée làá dāá nyā mpaampiin pu bí béé.

1 Corinthiens 4:5

An puee ní taa sòoǹ ubɔ bɔti kí nīn cí ŋyunti ń bàń. Ní taa sòoǹ ubɔ bɔti kí nīn cí ŋyunti ŋun ti-Dindaan làá bàńee. U yaa láa bāańee, u làá yàntī ŋwalifi ń ŋmíntí tin bál̀ dibɔmbɔndinee kí nyāntí binib landɔkɔi mpaampiin pu. Niin ní báà ŋma dāa fòol̄ kupampakau kun u máaǹee Unimbɔti cee.

Hébreux 4:13

Tiwannáaŋkaal tiba kaa bí Unimbɔti kaa wāĺ-tì. Tin kɔkɔ pée bí duulinyanee dɔ̄ mpaampiin pu ní úǹ cee. U-nimbiin ní ti làá dāá sòoǹ ti-nyɔkɔpu yai.

Jude 1:24

Tí nyɔ̄ŋkì Unimbɔti un di ŋūǹ kí ŋúb́-ni ní taa lítée. Úǹ di ŋūǹ kí cáá-ni kí cùnnì u-cee tinyoolin nì dipɔɔpindi, bí taa ká ni-pu tiba.

Apocalypse 2:23

M làá fáá kí kpɔ̀ u-yab bin nóó-uee ní m-nikitiŋ kɔkɔ ń béé yii man di sá un nyí binib landɔkɔi nì bi-làtamee. M làá dāá pà báà ŋma tuuŋŋi paati ní.

1 Samuel 2:30

An pu ní man ni-Dindaan Isirayeel Nimbɔtiu lī yii: <M nìn pōoǹ yii a-dicaŋkun yab nì a-baa dicaŋkun yab làá nīn pée sá m-saraaŋaliibi ní kí nīn cá jaanjaan. Ama kɔŋkɔnnee, man ni-Dindaan sòon̄ yii an kaa ti sá míǹ. Di sá yii bin tìì-mi jilmee, m tìì-bi jilma ní, bin kpèé-mi fámee, ma mun kpèé-bi fám ní.