Matthieu 6:2 - UNIMBƆTI NYƆƆBUNDI GBƆŊKU

² «A yaa làá pɔ̄ uwɔfi ubɔ tibee, taa nín̄ báakí bí ká yii sii di bíi tìì tiba, kii ipoonnyoondambi nín báakí adan pu nì akpafidiinni puee. Bi ŋáań míǹ binib ń nīn pàkà-bi ní. Ibaamɔn ní m tùkù-ni, bi fōō bi-paati ki dóò.

Matthieu 6:2 Iomraidhean Croise

Psaumes 112:9

U pūǹ bifalaadambi tiwan nì tiniti, ní u-deedeeu bí ki cá jaanjaan. U-pɔŋŋu yíkí yilpu nì tinyool.

Psaumes 37:21

Unikpiti pìntí ní kaa tēentí, ama deedeedaan úǹ poon mɔ̄ ní u tìì.

Proverbes 19:17

Unil un yaa pú unandaan tiwanee pīnnì ti-Dindaan ní, di sá yii ti-Dindaan làá dāá téeǹ-u.

Proverbes 20:6

Binib tikpil lì yii bíǹ di sá bimɔntiibi. Ama ŋma di baasii ŋūǹ kí ká unil un bí deedeeyee?

Ecclésiaste 11:2

Dū a-gaajati kí yóoń binib biluli kii binii cee, di sá yii aa nyí mbusu un di ŋūǹ kí dāá bàń kitiŋ puee.

Esaïe 10:6

M dū-kì ki tú kí cùú já nì ditimbundi din kaa dū Unimbɔti ki yíiń tibee. M tīī-kì ditundi kí cùú já nì dinibul din gbítí m-ŋuulee, kí fūkul̀-kì kí kóoǹ ki-gaajawanti, kí tāā-kì kii didandi pu kpatee.

Esaïe 58:7

Sii nì un ŋkùm cááyee ń yàkatī a-jinti kí jī, kí fōō uwɔfi un kaa cáá kikɔlaŋee a-dumpu. Á tīī un kaa cáá kí pèen̄ee tiwan ú pèen̄. Á taa fàtī a-boon kí tīī a-nabiki.

Esaïe 9:17

Di sá yii ntoom fòol̄ kii ŋŋmee, ki wù ikuŋkum nì abɔjanaakun, ki wù nsugboomu kubambaŋŋun, ní ŋu-nyiim yíkí ki jɔ́ḿ kutaa.

Osée 8:1

Búḿmaan ŋyin kí kpāafì binib! Kii ukaabu nín tòó puee, míǹ ní mbusu làá jēetí ti-Dindaan tiŋki pu. Di sá yii Isirayeel beel yab kaa tɔ́ m-poondi ní kaa yúl̀ deedee m-marab poon.

Matthieu 15:7

Mpoonnyoondambi! Unimbɔti bɔnaatiliu Yeesaya nín sòon̄ ni-pu miŋyee sá ibaamɔn. U nìn lī yii:

Matthieu 16:3

Ní kutaafaauee ni lì yii: <Utaa làá nì díǹ kun puee atagban bí gùŋgum.> Ni nyí kutaa bimbim míǹ, ní kaa ŋūǹ kí béé tidaandi tin Unimbɔti bíi ŋáań iyunti in bí nee poonee.

Matthieu 22:18

Ama ní Yeesu béè bi-landɔkɔkpitii, ní ki bí-bi yii: «Ipoonnyoondambi, ba pu ní ni píĺ-mi tibɔti kí kpèè m-nyɔkɔn míǹ?

Matthieu 23:5

Bi pée tūǹ bi-tuuŋŋi kɔkɔ binib ń nīn wāĺ-bi ní. Bi wàantí igban in pu bi ŋmà Unimbɔti bɔti ki cáa fìǹ bi-ŋalii nì bi-yigbeeŋee, ní ki fɔ̀kɔntí bi-bɔkutiŋ gbeeŋgbeeŋyi.

Matthieu 23:6

Bi néeń ki kàal̀ ikakaamɔnti diinabin nì nyɔkɔpu kakaai akpafidiinni,

Matthieu 24:51

ní kí dáaĺ u-tafal ŋkpitim pu, kí pà-u mpoonnyoondambi paati. Niin ní u làá sɔ̄ ní u-nyiŋŋi ń nīn gà tɔb kàkaka.»

Matthieu 5:18

Ibaamɔn ní m tùkù-ni, ŋyunti ŋun ní yilpu nì taapu dáá bée, marabee ŋmaŋmabiti poon báà kubɔ kpá kí fɔ́táaa, kilɔmbiki kiba mun kpá kí kpìtī kí dāá sāā ŋyunti ŋun tin kɔkɔ pu an sòon̄ee ń ŋá.

Matthieu 6:16

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò.

Matthieu 6:3

Ama sii yaa làá pɔ̄ uwɔfi tibee, á tīī a-ŋaŋgan ń taa nín̄ nyí a-ŋaŋgiil nín ŋá tiŋyee.

Matthieu 6:5

«Ni yaa bíi mèéyee, ní taa nín̄ mèémaan kii ipoonnyoondambi bin néeń ki yūlifí dicancaal akpafidiinni nì asaŋkaŋkpil ki mèé báà ŋma ń nīn wāĺ-bee. Ibaamɔn ní m tùkù-ni, bi fōō bi-paati ki dóò.

Matthieu 7:5

Mpoonnyoondaan, péé kí lēē didɔjal din kā sii a-ba nimbilinee kí wàatī, ní kí nín wāl̀ mmɔntiimin kí lēē kimɔmbiki kin kā a-nabiki yalinee.

Marc 12:39

ki kàal̀ nyɔkɔpu jaliŋ akpafidiinni nì diinabin.

Marc 7:6

Ní Yeesu kíí-bi yii: «Mpoonnyoondambi, an pu ní Unimbɔti bɔnaatiliu Yeesaya ŋmàn̄ u-gbɔŋkun ki sòon̄ ni-pu yii Unimbɔti bí yii: <Binib nee nyɔ́ŋkí-mi nì bi-nyɔmmun fám ní. Ama bi-pɔbiliŋ dátiǹ-mi.

Luuki 11:41

An bàà sá ní ŋá biwɔfib tiŋan, ní tikɔkɔ ń ŋāŋkì kí tīī-ni.

Luuki 11:43

«Mbusu bí ki tīī nimbi Fariisab, kun puee ni néeń ki kàal̀ nyɔkɔpu jaliŋ akpafidiinni, ki néeń bí nīn jáaḿ-ni sampaambi pu ki tìì-ni jilma.

Luuki 12:33

Nyāfìmaan ni-wanti kí dūú tīīmaan bisoodambi. Mimmee ni síiǹ animbitɔkɔl ŋin kaa cífée nì tigaajati tin kaa dóotée dee yilpu, laakin binaayub kaa ŋūǹ kí yɔ̀ɔɔ, dikɔtuul mun kaa ŋūǹ kí mɔ́ee.

Luuki 12:56

Milimilidambi, ni nyí ki gàntī yilpu nì taapu daanti, ba pu ní naa ŋūǹ kí béé tin bíi jītí kɔŋkɔnneeyee?»

Luuki 13:15

Ní Yeesu kíí-u yii: «Mpoonnyoondambi, kéè ŋwiŋŋuŋfikaa dalee, ni gbìntī ni-naai nì ni-mammu kunaakooun ki cáǹ-i i nyùɔɔ!

Luuki 20:46

«Ní nīn nyíǹ ni-ba nì bimaradakaliibi. Bi néeń ki pèentí abɔkutikpaan ki yìiǹ, ki néeń bí nīn jáaḿ-bi sampaambi pu, ní ki néeń ki kàal̀ nyɔkɔpu jaliŋ akpafidiinni nì diinabin,

Luuki 6:24

Ama nimbi bigaajab, mbusu dɔ̄ ki cí-ni, kun puee nimbi jíń ni-mɔŋŋu doo.

Luuki 6:42

Àá mana ní sii un kaa wāĺ didɔjal din kā a-nimbilinee ŋūǹ kí lì a-nabiki yii: <M-nabiki, yàntī ḿ lēē-si kimɔmbiki a-nimbilin!> Mpoonnyoondaan, lēē didɔjal din kā sii a-ba nimbilinee kí wàatī, kí nín wāl̀ mmɔntiimin kí lēē kimɔmbiki kin kā a-nabiki nimbilinee.»

Jean 13:29

Biba nìn dàkafī yii Yeesu là ú cùú dā tin tin bi làá cáá jī jiŋaalee, àá u là ú tīī biwɔfib tiba ní. Di sá yii Juudasi di nìn ŋúb́ bi-nimbiliŋ.

Jean 5:41

«Man kaa nyàab̀ binib pampakaku,

Jean 5:44

Mana ní ni ŋūǹ kí fōō kí kíí, nimbi bin néeń ni-jutiibi ń nīn pàkà-nee, kaa nyàab̀ kupampakau kun Unimbɔtibaanti tììyee?

Jean 7:18

Un sòoǹ u-ba bindi puee nyàab̀ kí yòon̄ u-ba yilpu ní, ama un nyàab̀ kí yòon̄ un túnní-uee yindi yilpuee di cáá ibaamɔn, nnyimɔn kpá udaan úǹ ni.

Actes 10:2

Uninja gbanti nìn nóó Unimbɔti ki sá unimɔnti, u nì u-dicaŋku kɔkɔ nìn fàŋkí Unimbɔti. U nìn pūǹ Juuda yab wɔfib tiwan ní ki mèé Unimbɔti baabadal.

Actes 10:31

ní ki bí yii: <Kɔɔrneeyi, Unimbɔti fōō a-wimmeem ki téetì a nín ŋáań biwɔfib tiŋan puee.

Actes 10:4

Tifaandi nìn kɔ́-u, ní u kíǹ ki bíi kpèé Unimbɔti tuuŋŋu, ní ki bí yii: «Ba ŋá ní, m-Dindaan?» Ní ntuun bí-u yii: «A-wimmeem nì a nín pūǹ tiŋyee bàn̄ Unimbɔti, ní u téetì a-pu.

Actes 11:29

Ní Yeesu boonnooliibi bíi màkà báà ŋma ń tīī u nín ŋūǹ puee bí dūú tūtuǹ bi-nabiyaamu mun kóò Juudeeyee.

Actes 24:17

«Maa nìn gíti bí Jeerusaleem abiŋkaaŋkaa aba poon. Boonee ní m fātìi gítìń, ki cáań animbil kí tūtuǹ m-tiŋki nib, kí kpáàa ŋá saraabi.

Actes 9:36

Unimpu ubɔ nìn bí Joopee ki nóó Yeesu, bi yíì-u Tabiita, - greeki sooŋyi poonee bi yíì-u Dɔɔrkaasi. - U nìn ŋáań binib tiŋan tikpil, ní ki pūǹ biwɔfib animbil mun.

Romains 12:8

Sii un tìì binib kunyannyaauee, a mun ń dū a-ba kí tīiǹ kunyannyaau ditiil. Sii un pūǹ tiwanee, á nīn pūǹ nì dipɔbil diba. Sii un kpòotēe, á nīn kpòotī nì difaŋgiil. Sii un tútúǹ bifalaadambee, á tūtuǹ-bi nì dipɔɔpindi.

1 Corinthiens 13:3

Báà m yaa dū tiwan tin m cááyee kɔkɔ ki yākatì bifalaadambi, ki yaa dū m-ba gba ki tīī bi wùn̄ ŋŋmi, ama ní kaa cáá dineendee, tin kɔkɔ m ŋée sá fám ní, maa cáá ipaati.

Galates 2:10

Ama tin baba bi mēē-tee di sá yii tí taa súntí biwɔfib pu, tibɔti tin mun nìn pée bí m-pɔbilin m ŋáańee dee.

Ephésiens 4:28

Un nìn sá unaayuuyee ń taa ti yɔ̀. Ú pɔ́ɔǹ u-ba kí tɔ̄ ditundi min máaǹee kí kpíiǹ u-ba kí ká kí tūtuǹ uwɔfi.

1 Thessaloniciens 2:6

Taa nyàab̀ ubɔ ń tīī-ti tinyool. Taa nyàab̀ nimbi nyootaaa, kaa nyàab̀ bin kíǹee mun yati.

1 Timothée 6:18

Bí nīn ŋáań tiŋan. Bi-gaajawanti nín wīikí puee, bi-tummɔntiiŋi mun ń nīn wīikí míǹ, bí nīn cáá tiniti ki yàkatī tin bi cááyee nì bin kíǹee.

Philémon 1:7

M-nabiki, a-neendi din a cáá nnabiyaamu puee mɔ́ɔkiǹ-mi ki tīī-mi kunyannyaau tikpil, kun puee a tīī Unimbɔti yab kunyannyaau.

Hébreux 13:16

Ní taa súntí tiŋan diŋál pu, kí nīn tútúǹ tɔb, míǹ di sá saraabi bin ŋān̄ Unimbɔti ceeyee.

1 Pierre 4:11

Un ní Unimbɔti pú ú nīn sòoǹ u-bɔtee, ń sòoǹ-tì. Un ní u yaa tí pú ŋŋmam ú nīn tútúǹ u-jutiibee máaǹ kí dū ŋŋmam min Unimbɔti tīī-uee ní kí dūú tūtuǹ binib, án nín làá ŋá pu tin kɔkɔ ni ŋáań nì Yeesu Kriisitoo tūtuntam puee, án nīn tìì Unimbɔti tinyoolee. Úǹ di pée yì tinyool nì mpɔn kí nīn cá jaanjaan! Ameeni.

1 Samuel 15:30

Ní Saayuul tí bí yii: «M ŋá ikpiti. Ama m gbāam̀-si, tīī-mi disíndi m-nibul kpilib nì Isirayeel yab nimbiin kí céeǹ-mi tí cù ḿ jāam̀ ti-Dindaan a-Nimbɔtiu.»