Matthieu 6:10 - UNIMBƆTI NYƆƆBUNDI GBƆŊKU

¹⁰ Yàntī a-Beel ń dāan̄. Bí ŋá a nín là puee taapu doo, kii bi nín ŋáań yilpu puee.

Matthieu 6:10 Iomraidhean Croise

Néhémie 9:6

Sii baba di sá ti-Dindaan! Sii di náań yilpu, yilpu fɔ́ŋŋŋ nì iŋmalbijaa kɔkɔ. Sii di náań tiŋkub nì tin kɔkɔ bí bi-poonee. Sii di tīī tin kɔkɔ pée bée kufoou, ní iŋmalbijaa gbàantí a-nimbiin.

Psaumes 2:6

Unimbɔti lī yii: «Siiyɔn m-circir jool pu ní m kāaǹ ubɔti un m lēēyee.»

Psaumes 40:8

An pu ní m bí yii: «M sèé, m dòoń a-cee. Kugbɔŋu poonee bi ŋmàn̄ tin m máaǹ kí ŋée.»

Esaïe 2:2

Ŋwiin bí ki dòoń, dijool din pu ti-Dindaan diiku tɔ́kɔ́ee làá dāá lìbitī ajoon kɔkɔ pu. Di làá dāá nīn fɔ̀kɔǹ ŋgbantamu kɔkɔ. Anibul kɔkɔ làá dāá nīn bìtifī ki dòoń di-cee.

Jérémie 23:5

Ti-Dindaan bí yii: «Iwiin bí ki dòoń m làá yàntī bí màal̀ Daafiidi jipɔɔn tiŋman pu yɔu. U làá dū dinyil ní kí jī dibeel. U làá yàntī bí nīn tɔ́ mbaamɔn saŋŋu nì tin bí deedeeyee kitiŋ nee pu.

Daniel (hébreu) 2:44

Bibɔtiibi gbanti yuntiŋuee, yilpu Nimbɔtiu làá dāá yàntī dibeel diba ń nyā. Dibeel gbanti pée kpá kí kúntí ní ditimbundi diba mun kaa dāa ŋūǹ kí já kí pɔ̄ɔkiǹ-dì. Dibeel gbanti di làá dāá nàan̄ ŋin kɔkɔ péeǹ-dì ki nyáńee ní kí kúntí-ŋi. Ama díǹ làá nīn bí ní jaanjaan.

Daniel (hébreu) 7:13

«M gbíntìi bíi kpèé an nín bí ki lèekī pu ki dàkà-mi kunyeeuee. Kpalaayee tiwan tiba di páaǹní atagbanni ki dòoń ki náań nì unilee. U còom̄ ki cá utikpilee cee ní bi cáá-u ki cūnnì u-nimbiin.

Daniel (hébreu) 7:27

Ní bí dū abee ŋin kɔkɔ bí kitiŋ puee bɔtiiti nì ŋi-pɔŋyi nì ŋi-kpaanti kí tīī yilpu fɔ́ŋŋŋ Nimbɔtiu circir nibul. Bi-beel dāa sá talku beel ní, ní duulinya pɔŋyi kɔkɔ dāa kpántí bi-tɔntɔnliibi ní ki tɔ́-bi.>

Zacharie 9:9

Siiyɔn tiŋki, nín̄ fàal̀! Jeerusaleem, nín̄ kūuntí nì dipɔɔpindi! Kpèè, a-bɔtiu dòoń a-cee. U sá deedeedaan ní ki sá ujajil. U sīntì u-ba taapu, ní ki kā kimaŋ pu, u kāń dimampɔmbil, kimansalii biki pu.

Matthieu 12:50

Un kamaa di yaa ŋáań m-Baa un bí yilpuee nín là puee, udaan di sá m-naal, m-niisal àá m-na.»

Matthieu 16:28

Ibaamɔn ní m tùkù-ni, biba bí ni-kansikin doo kaa làá kpú ní kí ká man Kinibiki ń dāan̄ kii ubɔtee.»

Matthieu 26:42

Ní Yeesu fātìi tí nín gítí nliliitiim ki tí mēē yii: «M-Baa, an yaa sá yii m yaa kaa nyùn̄ falaa nee waa ŋūǹ kí jītée, a nín là puee ní ń ŋá!»

Matthieu 3:2

«Kpántímaan ni-bimbim kun puee Unimbɔti Beel sútì ki pìlīń-ni.»

Matthieu 4:17

Kí yòon̄ ŋyunti gbantee ní Yeesu kíĺ ki bíi sòoǹ Unimbɔti bɔti, yii: «Kpántímaan ni-bimbim, kun puee Unimbɔti beel sútì ki pìlīń-ni!»

Matthieu 7:21

«An kaa sá bin kɔkɔ yíì-mi yii: <M-Dindaan, m-Dindaanee> di làá dāá kɔ́ Unimbɔti Beelin, asee bin ŋáań min m-Baa un bí yilpuee lèe baba di dāa kóò.

Marc 11:10

Unimbɔti ń bìin̄ ti-naanja Daafiidi beel din dòońee pu! Oosaana! Dàntìmaan un bí yilpu yilpuee!»

Marc 3:35

Un kamaa yaa ŋáań Unimbɔti nín là puee, udaan gbanti di sá m-naal, m-niisal nì m-na.»

Luuki 19:11

Ní Yeesu gíti kútì tibɔŋmantikaal nee ki lī bin nìn bí ki pílifíǹ-uee, kun puee bi nìn dàkafī yii u nín tóob́ Jeerusaleem nee, Unimbɔti làá dū-u kí kàan̄ Dibeel kɔŋkɔnnee ní.

Luuki 19:38

Ní bi lì yii: «Ti-Dindaan ń bìin̄ ubɔti un dòoń u-yindi puee boon. Ŋgbansɔŋfi bí yilpu ní tinyool sá ki tīī Unimbɔti!»

Luuki 22:42

«M-Baa, a yaa là, kàkatī falaa un an sá ḿ nyɔ̀ nee kí wàatī-mi. Nì míǹ kɔkɔee, án taa nín̄ sá man lammi ní ń ŋá, án nīn sá sii yam.» [

Jean 4:34

Ní Yeesu bí-bi yii: «M-jinti di sá ḿ ŋá un túnní-mee nín là puee, kí tɔ̄ u-tundi.

Jean 6:40

M-Baa nín là min miŋyee sèé, yii un sá kamaa yaa ká man u-Jipɔɔn ki fōō-mi ki kííyee ń ká dimaŋfal din kaa cáá dikúntilee, ní man ń dāá fìkitī-u ŋwinjoolkaa dal.»

Jean 7:17

Un yaa là kí ŋá min Unimbɔti lèe, udaan làá béé m-dàkatam nee yaa nyēeń Unimbɔti ceeyaaa, an yaa tí sá man m-ba pɔŋŋu pu ní m sòoǹ.

Actes 13:22

Boonee, Unimbɔti dū-u ki fá, ní ki dū Daafiidi ki kāaǹ. Úǹ pu ní u sòon̄ yii: <M ká Daafiidi Jeesee jipɔɔn. Úǹ di fáatì m-pɔbil. U làá dāá ŋá min kɔkɔ m lèe.>»

Actes 21:14

Ti lī-u tikɔkɔ kaa ŋúń-uee, ní ti cāntì-u, ní ki bí-u yii: «Too, ti-Dindaan yaa là miŋyee, án ŋá míǹ!»

Actes 22:14

Ní u bí-mi yii: <Ti-naanjab Nimbɔtiuee di lēē-si dooooyee ki yóoǹ yii á béé u nín là puee kí ká Deedeedaan un u lēē ki túnnée kí gbìl̄ u-neen.

Romains 12:2

Taa dūmaan ni-ba kí nántíǹ waanee bimbim, ama ní yàntī Unimbɔti ń pɔ̄-ni ilandɔkɔpɔɔn kí kpántí ni-bimbim. Míǹ ní ni ŋūǹ kí béé min ní Unimbɔti lèe, min ŋān̄ ki fáatì-u ki sá mmɔntiimee.

Ephésiens 6:6

An kaa sá bi yaa bée ŋmaniŋma ní ní nīn tūǹ atuun, bí wāl̀ kí pàkà-ni. Ama ni nín sá Kriisitoo yumbuyee puee, ní nīn ŋáań min fáatì Unimbɔtee nì dipɔbil diba.

Colossiens 1:13

Di sá yii u nyántì-ti dibɔmbɔndi pɔŋŋun ki cáań-ti u-Jipɔnneeŋkaau beel poon.

Colossiens 1:9

Míǹ puee, kí yòon̄ daliŋkin ti gbìl̄ ni-puee, ti mun pée bí ki mèé kaa gbèentí ki tìì-ni yii Unimbɔti ń yàntī ní béé mmɔntiim tin u là ní ŋée, kí tīī-ni iciin kɔkɔ nì dinyil din Unimbɔti Fam tììyee ní gbìl̄ u-bɔti taapu.

1 Thessaloniciens 4:3

Unimbɔti nín là kuŋyee di sá ní nīn bí circir kí nīn ŋúb́ ni-ba kí taa ŋá tilaakpaal.

1 Thessaloniciens 5:18

Báà tin kamaa di yaa pée bāańee, ní nīn jáaḿ Unimbɔti. Min Unimbɔti là bin sá Yeesu Kriisitoo yabee ń nīn bée dee.

Hébreux 1:14

Unimbɔti tuuŋyi di kaa sá bin kɔkɔ sá ŋfam ki bí ki tūǹ Unimbɔti tundeeee? U tūnní-bi ní bi dòoń ki tútúǹ bin làá ká difiilee.

Hébreux 10:36

An máaǹ ní nīn cáá dipɔ́ɔǹdi ní kí ŋmā kí ŋá min Unimbɔti lèe kí wàatī ní kí nín ká tin u pōoǹee.

Hébreux 10:7

An pu ní m bí yii: Unimbɔti, m sèé, m làá cùú ŋá min làá fáatíǹ-see, kii an nín pée ŋmàn̄ m-pu min ki yóoǹ a-gbɔŋkunee.»

Hébreux 13:21

Unimbɔti gbanti ń tīī-ni ŋŋmam ní nīn pée ŋáań tin ŋān̄ee nì tin u lèe. Yeesu Kriisitoo puee, ú dī ti-pu kí ŋá min fáatiǹ-uee. Úǹ Yeesu Kriisitoo ní bí nīn pée tìì tinyool kí nīn cáa cá jaanjaan! Ameeni.

1 Pierre 2:15

Unimbɔti nín là puee di sá ní nīn ŋáań tiŋan án pìin̄ bigbaambi bin kaa nyí tibee nyɔmmu, bí taa ká tiba kí sòoǹ ni-pu.

1 Pierre 4:2

Kí yòon̄ kɔŋkɔnnee kí nīn cée, ní dū ni-yuntii in kíǹ ní dūú kàl̄ duulinyanee kí dūú ŋá min Unimbɔti lèe, kí taa ti ŋá min fáatì ni-wuntee.

Apocalypse 11:15

Ntuun nluluútee búń ŋu-kantándee, ní ineen kupaau sòon̄ní yilpu mpɔn yii: «Duulinya beel kpántì ti-Dindaan nì u-Meesiyau Beel ní kɔŋkɔnnee. Úǹ di làá nīn pée kā di-pu kí nīn cá jaanjaan.»

Apocalypse 12:10

Ní m gbìl̄ nneen ŋubɔ téeń mpɔn yilpu yii: «Kɔŋkɔnnee Unimbɔti fiil bāań dee! Min bí nee ní ti-Nimbɔtiu nyántì u-beel pɔŋŋu ki dàkā! Kɔŋkɔnnee u-Meesiyau dàkā mpɔn ŋun u cááyee, kun puee ukuŋfil un yú Unimbɔti nimbiin ki kúŋfí ti-nabiyaamu boon ŋwiimpu nì kunyeeuee, bi téé-u ki nyántì.

Apocalypse 19:6

Ní m gbìl̄ an bí kii binib kupaau di sòon̄ee, ní ki bí kii dimɔɔl nyim nín sìtī nsitimin puee, ní ki gíti bí kii utaa nín tátí mpɔn puee ki lì yii: «Aleeluya! Ti-Dindaan Unimbɔti Mpɔŋkɔdaan di sá ubɔti ki kā dibeel pu.

Apocalypse 20:4

Ní m ká abeejal aba, ní bi tīī bin kā ŋi-puee mpɔn bí nīn sá bibɔsoonliibi, ní m gíti ká bin nìn sòoǹ Unimbɔti bɔti ki lèekī Yeesu pu seera bi kūū-bee nammu, nì bin kaa nìn gbāaǹ ki jáam̀ upeelee nì u-naŋkuee, kaa yāntì bi dáań bi-yigbeeŋi nì bi-ŋaliiyee, bi-kɔkɔ fātìi fīkitì bi nì Kriisitoo kāl̀ dibeel abin kutuku.