Matthieu 6:1 - UNIMBƆTI NYƆƆBUNDI GBƆŊKU

¹ «Ní nīn nyí nì ni-ba kí taa nín̄ nyāntí ni-deedeebítam ki dàkà binib yii bí ká-ni. Ni yaa ŋáań tiŋan ki dàkà binibee, naa tin gíti kāntí tipaal tiba ni-Baa un bí yilpuee cee.

Matthieu 6:1 Iomraidhean Croise

2 Rois 10:16

ní ki bí-u yii: «Dāan̄ tí cù á kpèè man nín cáá ti-Dindaan pu difaŋgiil puee!» U lī mimmee ní ki yōoǹ-u u-tɔrɔkuu pu ki cáá-u ki búntì.

2 Rois 10:31

Ama nì míǹ kɔkɔee, Jeewuu kaa nìn ŋúb́ ti-Dindaan Isirayeel Nimbɔtiu marab nì u-pɔbil kɔkɔ, waa nìn kākatì u-ba ki wāatì ikpiti in Jeerooboowaam nìn yāntì Isirayeel yab ŋée.

Psaumes 112:9

U pūǹ bifalaadambi tiwan nì tiniti, ní u-deedeeu bí ki cá jaanjaan. U-pɔŋŋu yíkí yilpu nì tinyool.

Ezéchiel 33:31

Niinee ní a-tiŋkin yab ń kóoǹ kí kpāfì ki kā a-nimbiin kí pīlifì tin a cáá kí sòoǹee, ama baa tɔ́ tin a sòoǹee. Bi nín là puee ní bi ŋáań ní ki nyàab̀ bíǹ bi-ba paatii.

Daniel (hébreu) 4:27

U nìn téeń yii: «Babiloon kitiŋkpaaŋŋi kin m dū m-pɔŋkpaaŋŋu ki máń án nīn sá mama ubɔti beecindi kí dàkà m-kpaanti nyootee kaa nín sɔ̀ɔɔ?»

Zacharie 13:4

Ŋwiin gbantee, icoo làá dāá cúú bibɔnaatiliibi bí nàatī tibɔti kí sòoǹ tin bi kée. Mimmee baa dāa gíti kíikí kí dū bibɔnaatiliibi bɔkutiŋ ŋin sá ŋgbanee kí pèen̄ kí mɔ̄ntì binib.

Zacharie 7:5

ḿ bàlifì kitiŋ nee pu yab kɔkɔ nì bisaraaŋaliibi yii: «Ni nín bōob̀ kinyɔkɔ ki sūǹ ki yáliŋkí uŋmaŋmooŋmooti nì uŋmaluluúti kamaa áli abin imuŋku ita nì saalaayee, ni ŋá míǹ án mɔ̄ɔkiǹ-mi níii?

Matthieu 16:27

Man Kinibiki làá dāan̄ nì m-Baa Unimbɔti nyooti, ní m-tuuŋyi dāa nóó-mi, ní ḿ dāá pà báà ŋma nì u-tundi nín sá puee.

Matthieu 16:6

Ní Yeesu bí-bi yii: «Ní nīn nyí nì ni-ba nì Fariisab nì Sadusab kpɔnɔnyɔkɔŋu pu.»

Matthieu 23:13

Yeesu bí yii: «Mbusu dɔ̄ ki cí-ni, nimbi bimaradakaliibi nì Fariisab mpoonnyoondambi, kun puee ni pìintí binib Unimbɔti Beel punyɔkɔ. Naa làá kɔ́ ni-ba, ní kaa là bin bàà là kí kɔ́ee ń kɔ́.» [

Matthieu 23:5

Bi pée tūǹ bi-tuuŋŋi kɔkɔ binib ń nīn wāĺ-bi ní. Bi wàantí igban in pu bi ŋmà Unimbɔti bɔti ki cáa fìǹ bi-ŋalii nì bi-yigbeeŋee, ní ki fɔ̀kɔntí bi-bɔkutiŋ gbeeŋgbeeŋyi.

Matthieu 25:40

Ní man ubɔti ń dāá kíí-bi yii: <Ibaamɔn ní m tùkù-ni, ni nín pée ŋá min ki tīī bin sá ŋwaamu m-naalib nee kansikin ubɔee, man ní ni ŋá ki tīī.>»

Matthieu 5:16

Míǹ mbaantiim ní ni mun walifiŋu ń nīn ŋmíntí binib, bí ká tiŋan tin ni ŋáańee, kí pàkà ni-Baa Unimbɔti un bí yilpuee.»

Matthieu 5:46

Ni yaa néeń bin néeń-nee ŋmaniŋmee, ba paatii ní ni gíti kā ki cí kí dāá fōō Unimbɔti cee? Kaa sá míǹ ní bifɔtiliibi bin ni kpèé yii bi sá bikpitibee mun ŋáańaaa?

Matthieu 5:48

Míǹ puee ní nīn cáámaan mbimbimɔntiim tikɔkɔ poon kii ni-Baa un bí yilpuee nín cáá puee.»

Matthieu 6:16

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò.

Matthieu 6:9

Nín̄ mèémaan yii: <Ti-Baa un bí yilpuee, yàntī bí nyɔ̄ŋkì a-yindi.

Marc 8:15

Ní Yeesu kpáafì-bi ki bí-bi yii: «Nín̄ nyím̀maan ni-ba nì Fariisab nì Eeroodi kpɔnɔnyɔkɔŋu!»

Luuki 11:35

Míǹ puee, á kpèè tiŋan ŋwalifi ŋun bí a-nee ń taa kpántí dibɔmbɔndi.

Luuki 12:1

Ŋyunti gbantee, binib nìn kpáfì Yeesu cee ki wīikí tikpil, an kaa cáá ŋkaan. Bi nín múkú tikpil puee, bi nìn kíǹ ki tà tɔb ní. Ní u kíĺ ki bíi sòoǹ nì u-boonnooliibi ki lī yii: «Tikɔkɔ poonee, ní nīn nyíǹ ni-ba nì Fariisab kpɔnɔnyɔkɔŋu pu, an dàkà yii bi-poonnyooŋŋu.

Luuki 12:15

Ní u bí báà ŋma yii: «Ní nīn nyíǹ ni-ba tiŋan kí taa nín̄ cáá nnimbitaataam, kun puee báà unil yaa yāntì ki sá ugaaja min, u-gaajawanti di kaa yì-tì ní u cáá dimaŋfal.»

Luuki 16:15

Ní Yeesu bí-bi yii: «Ni là binib ń nīn wāĺ-ni yii ni sá deedeedambi. Ama Unimbɔti nyí tin kā ni-pɔbiliŋ poonee. Tin binib kpèé yii an sá tiwaŋkpaandee, an sá ntimbiil wanti ní Unimbɔti nimbiin.

Jean 12:43

Di sá yii bi là binib ń pàkà-bi ki jítiǹ Unimbɔti ń pàkà-bi.

Jean 5:44

Mana ní ni ŋūǹ kí fōō kí kíí, nimbi bin néeń ni-jutiibi ń nīn pàkà-nee, kaa nyàab̀ kupampakau kun Unimbɔtibaanti tììyee?

Actes 3:12

Peetroo ká mimmee, ní ki bí samaayee yii: «Nimbi Isirayeel yab, ba ŋá ní tin bí nee ŋá-ni maamaaci? Ba ŋá ní ni dū ni-nimbikpeeŋu ki báaǹ ti-pu míǹ, a lì kii timbi ti-ba pɔŋŋu àá ti-deedeeu Unimbɔti nimbiin di yāntì uninja nee ká dicáaǹdee?

Galates 6:12

Bin téekí-ni ní gíí dikpancandee là binib ń nīn nyí bi-pu dee. Kun pu bi ŋáań mimmee di sá baa là kí ká digìńdi Kriisitoo dɔpuntikaaŋu pu.

Deutéronome 24:13

Ní fàtīí gíiǹ u-satau kí tīī-u ní ŋwìiń ń nín jēetí, án nín làá ŋá pu ú ŋmā kí ká kí bìin̄ kunyeeuee. Ni yaa ŋá mimmee, u làá mèè kí bìin̄ ni-pu ní án nīn sá min kítì ti-Dindaan ni-Nimbɔtiu ceeyee.

Hébreux 11:26

U nìn ká yii, ú jī falaa kii Meesiya nín làá dāá jī uŋyee ŋān̄ ki jítiǹ Eejipiti gaajawanti kɔkɔ, kun puee u nìn wāĺ tipaal tin bí nyɔkɔpuee ní.

Hébreux 2:1

An puee, an máaǹ yii tí ŋúb́ ibaamɔn bɔti tin ti gbìl̄ee tiŋan án nín làá ŋá pu tí taa wāŋkèe.

Hébreux 6:10

Di sá yii Unimbɔti sá deedeedaan ní. Waa làá súntí dineendi din ni dàkà binib u-puee nì atummɔnti ŋin ni túń nì ŋin ni gbíntì ki nìkì ki tūǹ ki tìì bin sá u-yabee pu.

2 Jean 1:8

Míǹ puee, ní nīn nyí nì ni-ba, ní taa fá ti-tundi nín cáań ipaati iŋyee, án nín làá ŋá pu ní dāá ŋmā kí fōō ni-paati kɔkɔee.