Matthieu 5:8 - UNIMBƆTI NYƆƆBUNDI GBƆŊKU

⁸ Bin pɔbiliŋ bí diba nì Unimbɔtee bí mmɔnneeee, kun puee bi làá ká Unimbɔti!

Matthieu 5:8 Iomraidhean Croise

Genèse 32:30

Ní Jaakɔb bí-u yii: «M gbāam̀-si, tùkù-mi a-yindi.» Ní u bí-u yii: «Ba pu ní a là kí béé m-yindi?» Niin niin ní u bīiǹ Jaakɔb boon.

2 Samuel 22:27

A ŋáań bin pɔbiliŋ pīiǹee tiŋan, ama ní ki dàkà bikpitiŋaliibi yii a nyíǹ-bi.

Psaumes 15:2

Ní ti-Dindaan kíí yii: «Asee unil un còom̄ disaŋkimmɔntiil, ki ŋáań tin ŋān̄, ki sòoǹ u-pɔbil poon baamɔŋyi,

Psaumes 18:26

Ti-Dindaan, bin nóó-si nì dipɔbil dibee, a sí nì bi nì dipɔbil diba mun ní. Bin bí deedeeyee, a sí nì bi nì deedee ní.

Psaumes 24:4

- See un kaa cáá u-ŋalii ki tūǹ atuŋkpiti, kaa dàkafī ilandɔkɔkpiti u-pɔbilin, kaa dù u-ba kí líí nì awaa, ní kaa pùtī kí mɔ̄ntì u-jutee.

Psaumes 51:10

Yàntī ḿ gbìl̄ mmɔn nì dipɔɔpindi m-ni, ní akpab ŋin a nàn̄ dúsi dusee ń yīkì kí nīn ŋōō.

Psaumes 51:6

Sii baba nì a-baba ní m yīntiǹ, di sá yii m ŋá tin kaa ŋān̄ a-ceeyee. Míǹ puee báà a yaa sòon̄ m-bɔtaaa, a cáá nsan, a yaa sòon̄ ki kūū m-bɔtaaa, a cáá mbaamɔn.

Psaumes 73:1

Asaafi di ŋmàn̄ nlan nee. Tiŋman, Unimbɔti ŋān̄ ki tīī Isirayeel, u ŋān̄ ki tīī bin pɔbil bí diba nì uee.

Proverbes 22:11

Un néeń unil un pɔbil bí diba nì Unimbɔti ní ki sòoǹ nì dineendee bɔɔ di sá ubɔti.

Actes 15:9

Waa gāntì timbi nì bíǹ. Bi nín fōō-u ki kííyee ní u ŋá bi-pɔbiliŋ circir.

1 Corinthiens 13:12

Kɔŋkɔnnee, ti nín dáá wāĺ puee bí pùuu kii bi nín kpèé digitikpil poon ki wāĺ puee ní, ama ŋyunti dòoń, ti làá dāá wāl̀ bɔ́iii. Díǹ pu nee, maa nyí ki dóò, ama ŋyunti dòoń, m làá dāá béé nyíki nyiki kii Unimbɔti nín nyí-mi pu nan ní.

2 Corinthiens 7:1

Nnabineeŋkaamu, an nín sá yii timbi ní Unimbɔti pōoǹ ipoon gbantee, tí fámaan atuŋkpiti ŋin kɔkɔ bíiĺ tiwun nì kinaŋee, kí fàŋkì Unimbɔti kí nyāntí ti-pɔbiliŋ poon tikpiil kɔkɔ kí nīn bí circir.

Tite 1:15

Binib bin bí circiree, tikɔkɔ sá circir ní ki tīī-bi. Ama bin kaa fōō Yeesu ki kíí ki kɔ́ tijɔkɔndee, tiba kpá ki bí bíǹ cee circir, kun puee bi-landɔkɔi nì bi-ciiŋyi kɔ́ tijɔkɔndi.

Hébreux 10:22

tí sútí kí pìl̄ Unimbɔti nì dipɔbil diba nì dimákabaamɔndi, kí fíntí ti-pɔbiliŋ poon ilandɔkɔkpiti án nyā dándan, kí dū nnyim min ŋān̄ circiree kí fàl̀ ti-wunti ń nyā.

Hébreux 12:14

Ní pɔ́ɔǹ ni-ba ŋgbansɔŋfi ń nīn bí ni nì báà ŋma kansikin, kí nīn bímaan circir. Kun puee un yaa kaa bí circiree kpá kí ká ti-Dindaan.

Hébreux 9:14

An yaa nìn ŋūǹ kí ŋá míǹ, kin ataa aŋa pu ní Kriisitoo un Circir Fam tútúǹ u dū u-ba ki ŋá saraamɔnti ki tīī Unimbɔtee fatikuu kaa ŋūǹ kí fíntí atuŋkpiti ti-pɔbiliŋ poon tí ŋmā kí nóó Unimbɔti un bí dimaŋfalinee.

Jacques 3:17

Ama iciin in nyēeń yilpuee, mpeepeekaamee i bí circir, ní boonee i cāabìń ŋgbansɔŋfi binib kansikin, ní ki mɔ̄, ki bí soooo, ní ki cáá tiniti tikpil, ki tūǹ atummɔnti, ní kaa gàntī binib, kaa cáá mpoonnyoon.

Jacques 4:8

Sútímaan kí pìl̄ Unimbɔti, ní u mun ń sútiń kí pìl̄-ni. Ikpitidambi, fíntímaan ni-ŋalii ikpiti ń nyā, milimilidambi, fíntímaan ni-pɔbiliŋ poon ń nyā circir.

1 Pierre 1:22

Ni nín nóó mbaamɔn saŋŋuee ní ni kpántì circirdambi, ní ki néeń ni-nabiyaamu bin mun fōō ki kííyee mbaamɔmin. Míǹ puee nín̄ gbíntì ki néeḿmaan tɔb tikpil nì dipɔbil diba.

Apocalypse 22:4

Bi làá dāá wāl̀ u-nimbiin, ní bi dāa ŋmà u-yindi bi-yigbeeŋi pu.