Matthieu 5:7 - UNIMBƆTI NYƆƆBUNDI GBƆŊKU

⁷ Bin sūǹ binib saayee bí mmɔnneeee, kun puee Unimbɔti làá dāá sɔ̄ bi mun saai!

Matthieu 5:7 Iomraidhean Croise

2 Samuel 17:28

Binibee nìn cáań tiwandooŋkaal nì ndoo pu satab, asambil nì mbamu nì bilee nì ɔɔji nì ŋyim nì tijimpin tin bi púĺee nì atùun nì atùmman

2 Samuel 22:26

Ti-Dindaan, bin nóó-si nì dipɔbil dibee, a sí nì bi dipɔbil diba mun ní. Bin bí deedeeyee, a sí nì bi deedee ní.

Psaumes 112:4

Dibɔmbɔndi poonee, ŋwalifi nyēē ní ki ŋmíntí bin pɔbil bí dibee. Ti-Dindaan sá ulaŋŋaŋfiti ní u-poon mɔ̄ ní u sá deedeedaan.

Psaumes 112:9

U pūǹ bifalaadambi tiwan nì tiniti, ní u-deedeeu bí ki cá jaanjaan. U-pɔŋŋu yíkí yilpu nì tinyool.

Psaumes 18:25

An pu ní ti-Dindaan pàn̄-mi, kun puee m ŋá tin bí deedeeyee, ní u nyí mun yii m-ŋalii kaa táká ikpiti.

Psaumes 37:26

Baabadalee, úǹ sūǹ binib saai ní ki pìntí, ní u-biyaamu sá dibiindi.

Proverbes 11:17

Unil un ŋáań binib tinitee ŋáań ki tìì u-ba ní, ama unil un cáá ntoomee kɔ̄ntí u-ba ní digìńdi.

Proverbes 11:25

Án làá dāá bútí unil un di cáá tinitee, ní bí dāá pɔ̄ un pūǹ bin kíǹee bi nyùee ú nyɔ̀.

Proverbes 14:21

Unil un kpèé u-juti fámee ŋá ikpiti, ama un sūǹ binandambi saayee bí mmɔnni.

Proverbes 19:17

Unil un yaa pú unandaan tiwanee pīnnì ti-Dindaan ní, di sá yii ti-Dindaan làá dāá téeǹ-u.

Esaïe 57:1

Bi kù deedeedambi ní an kaa ká báà ubɔ. Bibulcinnib wáŋkí ní báà ubɔ kaa kpáà béetí gba. Tiŋman, bin tɔ́ Unimbɔtee wáŋkí binikpitib toonam pu.

Daniel (hébreu) 4:27

U nìn téeń yii: «Babiloon kitiŋkpaaŋŋi kin m dū m-pɔŋkpaaŋŋu ki máń án nīn sá mama ubɔti beecindi kí dàkà m-kpaanti nyootee kaa nín sɔ̀ɔɔ?»

Osée 1:6

Ní Goomeer gíti cáá dipool ní ki màl̄ kibinimpubiki ní ti-Dindaan bí Ooseeya yii: «Pɔ̄ kibikee diyindi yii Loo Ruwama, taapu di sá yii, Baa Là-mi, di sá yii maa ti làá dàkà Isirayeel beel yab dineendi, maa ti làá nīn pée néeń-bi.

Osée 2:1

Ama Isirayeel yab làá dāá nīn wīikí kii tiŋku gbandi bul din baa ŋūǹ kí ŋmàntāaa, kaa ŋūǹ kí kàaǹee ní. Laakin ní Unimbɔti nìn tùkū-bi yii: «Naa ti sá m-nibulee», niin ubaanti ní u làá dāá yíiń-bi yii: «Dimaŋfal Nimbɔtiu biyaamu.»

Osée 2:23

Ti-Dindaan nín lī puee sɔ̀. Ŋwiin gbantee, m làá dāá nīn sá Unimbɔti un fòol̄ ŋwimmeemee. M làá dāá tīī kutagbɔŋu kun ku nyàab̀ m-ceeyee, ní kutagbɔŋu mun ń dāá tīī kitiŋ ntaanyim min kì nyàab̀ ku-ceeyee.

Michée 6:8

Unil, ti-Dindaan dàkā-si tin ŋān̄ee. Kun u bàlifī-see di sá á nīn ŋáań tin bí deedeeyee, kí nīn néeń ki ŋáań tikɔkɔ nì tiniti ní kí nīn nóó a-Nimbɔtiu nì dibasintil.

Marc 11:25

Ni yaa bíi mèé Unimbɔti ní ni nì ni-jutiibi kansikin kaa mɔ̄ee, dūú pɔ̄maan-bi, ní ni-Baa un bí yilpuee ń ŋmā kí dū ni mun yìntitam kí pɔ̄-ni.» [

Luuki 6:35

Min máaǹ ní ŋée di sá ní nīn néeḿmaan bin ná-nee, kí nīn ŋáań-bi tiŋan, kí nīn pìntímaan kí taa nín̄ dàkafī yii bi làá téeǹ-ni. Míǹ ní ni dāa fòol̄ tipaakpaandi ní ki dāa sá Unimbɔti un bí yilpuee biyaamu, kun puee úǹ ŋáań tiŋan ki tìì bin kaa nyí tiŋanee nì bin sá binikpitibee.

Romains 11:30

Dooooyee, naa nìn tɔ́ Unimbɔti, ama, Juuda yab nín nìn yíì, kaa fōō u-bɔti puee ní u súń ni-saai kɔŋkɔnnee ki fīī-ni.

1 Corinthiens 7:25

An yaa kíǹ bin làá cáá binimpoobi nì bin làá mɔ̄ǹee bɔtee, ti-Dindaan kaa tīī-mi mara ḿ yóoń-bi, ama man nín dàkafī puee ní m làá lì kii m nín sá unil un ti-Dindaan pú diyimɔɔl bi cáá m-pu dimákalee pu.

2 Corinthiens 4:1

An sá tiŋan ní Unimbɔti ŋá-ti ní ki dū ditundi nee ki ŋúbiǹ-ti. An pu ní ti-wunti kaa yɔ̀tī di-pu.

Ephésiens 4:32

Ama nín̄ sámaan binimɔntiibi, kí nīn sūǹ tɔb saai, kí nīn pūǹ tɔb kpitii, kii Kriisitoo puee, Unimbɔti nín dū ni mun kpitii ki pú-ni puee.

Colossiens 3:12

Nimbi bin Unimbɔti lútì, ni kpántì u-yab bin u néeńee, ní nīn sūm̀maan tɔb saai kí nīn ŋáań tɔb tiŋan kí nīn sìntīǹ ni-ba taapu ki tìì tɔb, kí nīn cáá kimɔtii.

1 Timothée 1:13

Nì min kɔkɔ m nìn sòoǹ u-pu min kaa kítèe ki sàantí u-yab ki wɔ́b̀-bee, Unimbɔti súń m-saai, kun puee maa nìn fōō Yeesu ki kíí, kaa nìn nyí yii m bíi yìntī.

1 Timothée 1:16

Ama ní Unimbɔti súń m-saai ki yāntì Yeesu Kriisitoo dī man unikpitikpaan pu ki dàkā u-mɔtiiki nín wīikí min bulifee, án nīn sá kudaaŋŋu kí tīī bin làá dāá fōō-u kí kíí foolboon kí ká dimaŋfal din kaa kúntée.

Hébreux 4:16

Míǹ puee, kámaan kunyannyaau kí sútiń kí pìl̄maan Unimbɔti beejal nì dimákal. Niin ní u-ŋanti bí. Niin ní u làá dàkà-ti u-ŋanti kí dū ti-kpitii kí pɔ̄-ti ní kí tūtuǹ-ti ŋyunti ŋun an máaǹee.

Hébreux 6:10

Di sá yii Unimbɔti sá deedeedaan ní. Waa làá súntí dineendi din ni dàkà binib u-puee nì atummɔnti ŋin ni túń nì ŋin ni gbíntì ki nìkì ki tūǹ ki tìì bin sá u-yabee pu.

Jacques 2:13

Sii un kaa súń a-jutiibi saayee, ibɔsoon dalee, Unimbɔti kaa làá dāá sɔ̄ si mun a-saai. A nín súń binib saayee di làá yàntī Unimbɔti ń dāá sɔ̄ si mun saai.

Jacques 3:17

Ama iciin in nyēeń yilpuee, mpeepeekaamee i bí circir, ní boonee i cāabìń ŋgbansɔŋfi binib kansikin, ní ki mɔ̄, ki bí soooo, ní ki cáá tiniti tikpil, ki tūǹ atummɔnti, ní kaa gàntī binib, kaa cáá mpoonnyoon.

1 Pierre 2:10

Dooooyee, naa nìn sá Unimbɔti nibul, ama kɔŋkɔnnee ni kpántì u-nibul. Dooooyee, naa nìn nyí yii Unimbɔti sūǹ binib saai, ama kɔŋkɔnnee u súń ni-saai ni béè.