Matthieu 5:6 - UNIMBƆTI NYƆƆBUNDI GBƆŊKU

⁶ Bin deedee kùm nì deedee nyinnyooŋu cááyee bí mmɔnneeee, kun puee Unimbɔti làá dāá tīī-bi tikɔkɔ!

Matthieu 5:6 Iomraidhean Croise

Psaumes 107:9

Di sá yii un ní nnyinnyoo nìn cááyee, u tīī-u u nyùn̄, ní ki tīī un ŋkùm nìn cááyee u jíń ki díkí.

Psaumes 145:19

Bin fàŋkí-uee yaa là kuŋyee, u ŋáań ki tìì-bi ní, u pílifí bi-biilii ní ki fìil̄-bi.

Psaumes 17:15

Ama man jandi púee, m làá nīn bí a-nimbiin kun puee maa cáá dibɔkpil diba m-ni. M yaa láa fīntèe, m-pɔbil làá sɔ̀ŋkì kun puee m bí laakin a bée.

Psaumes 63:5

M làá nīn jáaḿ-si m-maŋfal wiiŋyi kɔkɔ poon, ní kí nīn yòontí m-ŋalii yilpu ki mèé-si.

Psaumes 65:4

M-kpitii nyìmiǹ-mi, ama a cáá ti-kpitii kɔkɔ ki pūǹ-ti.

Psaumes 84:2

Ti-Dindaan Mpɔŋkɔdaan, a néeń a-kɔŋkooŋyeeee!

Proverbes 10:24

Kun unikpiti fàŋkée di bàń-u, ama tin kā deedeedambi naŋki puee ní bi kāntí.

Proverbes 21:21

Unil un nyàab̀ kí nīn nóó deedee saŋŋu ki ŋáań tiŋanee làá dāá ká mmaŋfafɔkɔn nì deedee nì tinyool.

Cantique des cantiques 5:1

M kɔ́ m-kpaabun m-niisal, m-bɔɔn. M kītì m-subu bun bi yíì miiree nì talaalu sufii iba mun. M ŋmɔ́ m-sigbandi nì m-siiti, ki nyùn̄ m-daam nì m-naabiim. «M-bɔɔbi, jī kí nyɔ̀maan kí gbímaan dineendi.

Esaïe 25:6

Ti-Dindaan Mpɔŋkɔdaan làá bɔ́ntí jiŋaal ubɔ dijool nee pu kí tīī anibul kɔkɔ. An dāa sá tijimmɔntiil nì ndamɔntiim ní jiŋaal gbantin, jiŋaal un poon bi dāa ŋmóò tinan tin mèeǹ, ki nyù ndaam min dōoǹ ki wāĺ kílkilee.

Esaïe 41:17

Bifalaadambi nì binandambi bí ki nyàab̀ nnyim kaa bíi kāntí, nnyinnyoo cúú-bi ní bi-neeŋyi kūń. Man ni-Dindaan làá fōō bi-wimmeem, man Isirayeel Nimbɔtiu kaa làá dū-bi kí fá.

Esaïe 44:3

Di sá yii m làá yàaǹ kitiŋ kin kūńee pu nnyim, kí yàntī ibun ń pùub̀ kitiŋkuliŋŋi pu. M làá dāá yàntī m-Fam ń kpákatiń a-biyaamu pu, ní kí bìin̄ a-naantiibi pu.

Esaïe 65:13

An puee man ni-Dindaan Unimbɔti nín lī puee sɔ̀. Ní kpèè, m-tɔntɔnliibi làá dāá ká kí jī ama ní ŋkùm ń dāá cúú nimbi. M-tɔntɔnliibi làá dāá ká kí nyɔ̀, ama ní nnyinnyoo ń dāá kpɔ̀-ni. M-tɔntɔnliibi làá dāá nīn fàal̀, ama ní icoo ń dāá cúú-ni.

Esaïe 66:11

Án nín làá ŋá pu ní ní ŋāam̀ ki-biil din tìì dipɔɔsɔŋkilee kí díkí, kii mbiyaamu nín ŋáaḿ mu-na biil din cáá mbiimee nì mmɔn puee.

Jérémie 31:25

M làá dāá tīī bin gīīyee nnyim bí nyɔ̀ ní kí tīī bin kaa ti cáá mpɔnee kunyannyaau.

Luuki 1:53

U yāntì bin ŋkùm nìn cááyee ká digbíl mmɔntiim ní ki jìn̄ bigaajab ki gíiǹ nì iŋaŋkulim.

Luuki 6:21

Nimbi bin ŋkùm cáá kɔŋkɔnneeyee bí mmɔnneeee, kun puee ni làá dāá jī kí díkí. Nimbi bin bíi sūǹ kɔŋkɔnneeyee bí mmɔnneeee, kun puee ni làá dāá lā!

Luuki 6:25

Nimbi bin bí digbíl poon kɔŋkɔnneeyee, mbusu dɔ̄ ki cí-ni, kun puee ŋkùm làá dāá cúú-ni. Nimbi bin bí tilaal poon kɔŋkɔnneeyee, mbusu dɔ̄ ki cí-ni, kun puee ni làá dāá kɔ́ kunimbaaun kí sɔ̄.

Jean 4:14

Ama un yaa nyùn̄ nnyim min man tììyee, nnyinnyoo kaa ti cútí udaan jaanjaan, kun puee nnyim min man tììyee kpántí nnyimbul u-pɔbilin, ní ki kíǹ ki pùub̀ ki tìì-u dimaŋfal din kaa cáá dikúntilee.»

Jean 6:27

Ní taa nín̄ tūǹ ditundi tijin tin kaa yúntée pu, nín̄ tūm̀maan tijin tin yúntí ki tìì dimaŋfal din kaa cáá dikúntilee pu. Tijin gbantee, man Kinibiki di làá tīī-ni tíǹ, di sá yii man ní m-Baa Unimbɔti tīī an pɔŋŋu daaŋku.»

Jean 7:37

Ŋwiin ŋun jiŋaal kúntée bɔti di nìn páb́. Ŋwiin gbanti ní Yeesu nìn yúl̀ samaa kansikin ki téeń yii: «Un ní nnyinnyoo yaa cááyee ń dāan̄ m-cee kí nyɔ̀!

Apocalypse 7:16

Ŋkùm kaa dāa gíti cútí-bi, nnyinnyoo kaa dāa gíti cútí-bi, diwiŋkaŋkambil kaa dāa wù-bi, ní kutuntuŋu kubɔ kaa dāa bí niin.