Matthieu 5:5 - UNIMBƆTI NYƆƆBUNDI GBƆŊKU

⁵ Binib bin mɔ̄ee bí mmɔnneeee, kun puee Unimbɔti làá dāá tīī-bi kutindaŋu!

Matthieu 5:5 Iomraidhean Croise

Psaumes 149:4

Di sá yii ti-Dindaan nibul di tìì-u dipɔɔpindi, u tìì bin sīntiǹ bi-ba taapuee jilma ki fìil̄-bi.

Psaumes 22:26

Samaa kɔkɔ kansikinee, m làá nyɔ̄ŋkì-si kun ní a ŋée pu. Bin tɔ́-si ki jáaḿ-see nimbiin ní m làá ŋá saraabi bin m nìn pōoǹ yii m làá ŋá kí tīī-see.

Psaumes 25:13

An niliuee làá nīn bí mmɔnni, ní u-nibooliŋu ń dāá fōō kitiŋ kí nīn kíǹ ki yì.

Psaumes 25:9

U kpòotī bin sīntiǹ bi-ba taapuee bí nīn ŋáań tin bí deedeeyee, ní ki dàkà-bi u-saŋŋu.

Psaumes 37:11

Ama bin sīntiǹ bi-ba taapuee làá dāá fōō kitiŋ kí nīn kíǹ ki yì, ní kí nīn bí ŋgbansɔŋfin mmɔm.

Psaumes 37:22

Bin boon ti-Dindaan bīiǹee di dāa yì kitiŋ, ama u làá dāá kúntí bin u tɔ́ mbusuee.

Psaumes 37:29

Deedeedambi làá dāá fōō kitiŋ kí nīn yì, ní kí kàl̄ ki-pu kí nīn cá jaanjaan.

Psaumes 37:34

Nín̄ máká ti-Dindaan pu kí nīn nóó u-saŋŋu. U làá yòon̄-si yilpu á fōō kitiŋ nee kí nīn kíǹ ki yì, ní kí ká u nín làá kúntí unikpiti puee.

Psaumes 37:9

Di sá yii Unimbɔti làá kpɔ̀ kí céetí bikpitiŋaliibi, ama bin máká ti-Dindaan puee di làá fōō kitiŋ kin u pōoǹ-bee kí nīn kíǹ ki yì.

Psaumes 69:32

Tíǹ fáatiǹ sii, ti-Dindaan ki jítiǹ unaa, ki jítiǹ unaja nì iyin nì titafuŋfukul.

Esaïe 11:4

U làá dāá sòoǹ binandambi bɔti nì deedee, ní kí dāá sòoǹ kitiŋ nee pu wɔfib bɔti nì ibaamɔn. U-nyɔɔbundi dāa gbáà kitiŋ nee pu nib kii mbambaanee ní, ní tibɔti tin dāa nyēē u-nyɔkɔnee dāa kù bin sá bitɔŋfitiibee.

Esaïe 29:19

Binib bin sīntiǹ bi-ba taapuee làá dāá nīn fàal̀ ti-Dindaan ni, ní biwɔfib ń dāá nīn nyàkantī Isirayeel circir Nimbɔtiu pu.

Esaïe 60:21

A-nibul kɔkɔ làá dāá nīn sá deedeedambi, bi làá dāá fōō kitiŋ difakal kí nīn cá jaanjaan. M dū m-ŋalii ki máń-bi bí lēē m-nyooti kí dàkà. Bi sá kii busubu bun man m-ba cóoǹee ní.

Esaïe 61:1

Ti-Dindaan Unimbɔti Fam bí m-pu. Tiŋman, u lēē-mi ḿ sòoǹ tibɔmɔntiil kí tīī biwɔfib. U túnní-mi ḿ cáaǹ bin pɔbiliŋ bíil̀ee, kí bāakì kí tùkù bin bi cúú kuyuŋuee yii bi làá líí-bi, kí tùkù bisarkadambi yii bi làá ká dibatɔl.

Sophonie 2:3

Nimbi bin kɔkɔ bí kitiŋ nee pu ki sīntiǹ ni-ba taapu, ki tɔ́ ti-Dindaan marabee, nyàab̀maan ti-Dindaan. Nín̄ ŋáaḿmaan tin bí deedeeyee, kí sìntīmaan ni-ba taapu Unimbɔti nimbiin. An yaa yíì u-ŋuul wiiŋŋu dalee, u làá dāá fīī-ni.

Nombres 12:3

Di sá Mooyiisi nìn sá unil un sīntì u-ba taapu tikpil ki jítiǹ kitiŋ pu nib kɔkɔee ní.

Matthieu 11:29

kí yòom̄maan man kpaambooku kí fōōmaan m-bɔti. Kun puee m-poon mɔ̄, ní m-bɔti kaa pɔ̄ɔ̄, ni làá ká diŋuŋfil.

Matthieu 21:5

«Tùkùmaan Siiyɔn tiŋki nib, yii: Kpèèmaan, ni-bɔtiu dòoń ni-cee, ki sá unil un mɔ̄ee. U kā kimaŋ pu, u kāń dimampɔmbil, kimansalii biki pu.»

Romains 4:13

Unimbɔti nìn pōoǹ Abraam nì u-naantiibi yii u làá dāá dū duulinya kí tīī-bi. An kaa sá Abraam nín nìn nóó marabee pu ní u nìn pōoǹ-u míǹ, ama an sá u nín nìn fōō Unimbɔti ki kíí Unimbɔti yíì-u deedeedaanee pu.

Galates 5:23

kí nīn mɔ̄, kí ŋúb́ a-ba. Mara ubɔ kaa bí ki jáà nì an bɔti gbanti.

Ephésiens 4:2

Ní nīn sìntīǹ ni-ba taapu kí nīn mɔ̄, kí nīn cáá kimɔtii tɔb pu, kí nīn ŋúb́maan tɔb nì dineendi poon.

Colossiens 3:12

Nimbi bin Unimbɔti lútì, ni kpántì u-yab bin u néeńee, ní nīn sūm̀maan tɔb saai kí nīn ŋáań tɔb tiŋan kí nīn sìntīǹ ni-ba taapu ki tìì tɔb, kí nīn cáá kimɔtii.

1 Timothée 6:11

Ama sii Unimbɔti niliu, nyā tíǹ kɔkɔn, kí nyàab̀ kí nīn bí deedee, kí ŋúb́ dinimbɔtinool, kí nīn cáá fookii, kí nīn cáá dineendi nì kimɔtii, kí nīn mɔ̄.

2 Timothée 2:25

U máaǹ kí nīn sá unil un mɔ̄ee kí ŋmā kí dàkà bin kpākantí-uee. An yaa yíì Unimbɔti táá yàntī bí kpántí bi-bimbim kí ŋmā kí béé ibaamɔn,

Tite 3:2

Bí taa nín̄ sòoǹ ki bíiĺ binib, kí nīn sá ŋgbansɔŋfi nib, kí nīn ŋáań tiŋan, kí nīn mɔ̄ báà ŋma cee.

Jacques 1:21

Míǹ puee, ní fámaan tin kɔkɔ bíiĺ unilee nì atuŋkpiti kɔkɔ, kí sìntīǹ ni-ba kí fōō dinyɔɔbundi din Unimbɔti dū ki búĺ ni-pɔbiliŋinee, kun puee díǹ di ŋūǹ kí fīī-ni.

Jacques 3:13

Ni-kansikin ubɔ bí ki cáá iciin ki nyáaa? Ú nīn sìntīǹ u-ba taapu kí nīn tūǹ atummɔnti ŋin làá dàkà yii u lafun cáá iciinee.

1 Pierre 3:15

Ama, ní nīn tɔ́maan ti-Dindaan Kriisitoo ni-pɔbiliŋin, kí bɔ́ntí kí nīn cí baabadal un kamaa di yaa bālifì-ni ni-mákal din ni cáá Kriisitoonee taapuee, ní ŋmā kí kíí-u.

1 Pierre 3:4

Ama u máaǹ kí dàkafì u-bimbim min u cááyee pu, an dàkà yii u-pɔbil poon ń nīn ŋān̄, ú nīn mɔ̄, ki bí soooo. An nyaaŋkuee di kaa jòontí. Míǹ di ŋān̄ ki jítiǹ tikɔkɔ Unimbɔti nimbiin.