Matthieu 5:4 - UNIMBƆTI NYƆƆBUNDI GBƆŊKU

⁴ Bin bí kunimbaaunee bí mmɔnneeee, kun puee Unimbɔti làá dāá ŋméeǹ-bi!

Matthieu 5:4 Iomraidhean Croise

Esaïe 12:1

Ŋwiin gbantee, sii dinibul din ká difiilee làá dāá lì yii: «M nyɔ́ŋkí-si, ti-Dindaan! Di sá yii a nìn gíí m-pu diŋuul, ama ní a-ŋuul sɔ̄ŋkì m-pu ní a sɔ̄ŋkì m-pɔbil.

Esaïe 25:8

U làá kúntí ŋkúm kí nīn cáa cá jaanjaan. Ti-Dindaan Unimbɔti làá pítí báà ŋma nyinnyim kí nyāntí u-nibul icoo in cúú-bi kitiŋ nee poonee. Úǹ ti-Dindaan di lī míǹ.

Esaïe 30:19

Tiŋman, sii dinibul din kóò Siiyɔn jool puee, sii dinibul din kóò Jeerusaleem tiŋkinee, a kpá kí gíti sɔ̄ jaanjaan. A yaa láa kúuǹ ki yíiń ti-Dindaanee, u làá dāá pīlifiǹ-si, u yaa láa gbìl̄ a yíiń-uee, u làá dāá kíí-si.

Esaïe 35:10

Niin ní bin ti-Dindaan dá ki líìyee làá dī kí fàtīí gítiń. Bi làá bàń Siiyɔn jool pu ki gà ilan ki fàal̀. Bi làá dāá gbí mmɔn ŋun kaa kúntée. Mmɔn nì dipɔɔpindi làá dāá céeǹ-bi ní kunimbaau nì iyaliŋki ń gbèen̄.

Esaïe 57:18

M ká u-bimbim, ama man làá cáaǹ-u. M làá kpòotī-u, ní kí sɔ̀ŋkì u-pɔbil. Bin kā dikpoolee,

Esaïe 66:10

Nimbi bin di néeń Jeerusaleem tiŋkee, ni nì kì ń kpāfì kí fàal̀, ní nīn bí dipɔɔpindin ki-pu. Nimbi bin nìn kāl̀ dikpool ki súń ki-puee, ni nì kì ń kpāfì kí làntì.

Esaïe 66:2

Nì m-ŋalii ní m dūu náań tin kɔkɔ bí nee. Man di yì tíǹ gbanti kɔkɔ, man ni-Dindaan di lī míǹ. Ama unil un m làá fàtīí kpèèyee di sá ufalaadaan un sīntiǹ u-ba taapuee, unil un di yaa gbìl̄ m-nyɔɔbundi, dì cáá-u tifaandi u jìkèe.

Ezéchiel 7:16

Bin làá dāá kíń ki bí dimaŋfalinee làá dāá sāǹ kí cù ajoonni. Kii abeenanjil nín yáliŋkí puee, míǹ ní bi làá dāá yāliŋkì bi-kpitii pu.

Ezéchiel 9:4

ní ki bí-u yii: «Yìiǹ Jeerusaleem tiŋki kɔkɔn. Un kamaa bíi yáliŋkí an páb́-u bi nín bíi tūǹ ntimbiil tuuŋŋee puee, á dáań udaan yigbeel.»

Zacharie 12:10

M làá dāá dū disaasɔl nì ŋwimmeem fam kí sìtīń Daafiidi dicaŋkun yab nì Jeerusaleem yab pu. Niinee ní bí dāá fàtī bi-nimbikpeeŋu kí túĺ-mi, un tikindi bi sāā ki cíl̀ee pu. Bi làá dāá sɔ̄ u-kpool, kii bi nín sūǹ dibibaabil kpool puee. Bi làá dāá sɔ̄ u-pu kii bi nín sūǹ ujipɔŋkpil kúm pu puee.

Luuki 16:25

Ní Abraam kíí-u yii: <M-biki, téetí yii a nín nìn bí duulinyanee, a nìn jíń mmɔn, ní Laasaar úǹ jíń falaa. Kɔŋkɔnnee u mun bíi fòol̄ u-mɔŋŋu dee, ní si mun bí falaani.

Luuki 6:21

Nimbi bin ŋkùm cáá kɔŋkɔnneeyee bí mmɔnneeee, kun puee ni làá dāá jī kí díkí. Nimbi bin bíi sūǹ kɔŋkɔnneeyee bí mmɔnneeee, kun puee ni làá dāá lā!

Luuki 6:25

Nimbi bin bí digbíl poon kɔŋkɔnneeyee, mbusu dɔ̄ ki cí-ni, kun puee ŋkùm làá dāá cúú-ni. Nimbi bin bí tilaal poon kɔŋkɔnneeyee, mbusu dɔ̄ ki cí-ni, kun puee ni làá dāá kɔ́ kunimbaaun kí sɔ̄.

Luuki 7:38

U bāańee ní ki yúl̀ Yeesu boon u-taaŋi cee ní ki bíi sūǹ ní nnyinnyim sìtī Yeesu taaŋi pu, ní u cáá u-yikpiti ki pítí nnyinnyim ki móotí Yeesu taaŋi ní ki dū talaaluee ki sītì ŋi-pu.

Luuki 7:50

Ama ní Yeesu tùkū unimpuee yii: «A-fookiiu fīī-si, nín̄ cá nì ŋgbansɔŋfi.»

Jacques 1:12

Án nīn mɔ̄ǹ sii un di yaa bí dinimbinaamandin ní ki pɔ̄ɔntí ki ŋmèéyee. Di sá yii a yaa ŋmēē míǹ ki tin kátì-kuee, Unimbɔti làá pà-si tipaal tin sá dimaŋfal din kaa kúntí u pōoǹ ki yóoǹ bin néeń-uee.

Apocalypse 21:4

Úǹ di làá dāá pítí bi-nyinnyim kɔkɔ, ŋkúm dāa gíti kpá, dinimbinaamandi nì ibiil nì iyaliŋki dāa gíti kpá, kun puee duulinyakpiki kpáaǹ tíǹ kɔkɔ ki jítì.»