Matthieu 5:3 - UNIMBƆTI NYƆƆBUNDI GBƆŊKU

³ «Bin sīntiǹ bi-ba ki tīī Unimbɔtee bí mmɔnneeee, kun puee bi sá Unimbɔti Beelin yab!

Matthieu 5:3 Iomraidhean Croise

2 Chroniques 33:12

U nìn nyàab̄ ti-Dindaan u-Nimbɔtiu u-nimbinaamandi poon ní ki sīntiǹ u-ba u-baabi Nimbɔtiu nimbiin.

2 Chroniques 33:19

U nín nìn mēē Unimbɔti pu nì úǹ nín kíí-u puee, u-kpitii nì u nín kaa yúl̀ Unimbɔti deedee puee, ipaan in pu u nìn máń iwaatootipaanee nì u nín nìn cóoǹ iwindɔ puee nì u nín nìn sīntiǹ u-ba taapu puee kɔkɔ ŋmàn̄ ki kā Oosayii maam gbɔŋkun.

2 Chroniques 33:23

Ama úǹ kaa nìn sīntiǹ u-ba taapu ti-Dindaan nimbiin kii u-baa Manasee nín nìn sīntiǹ u-ba taapu puee. Úǹ nìn gíti ŋá ikpiti ki jítiǹ u-baa gba.

2 Chroniques 34:27

ní tibɔtee gbēē-si. A nín gbìl̄ tin m sòon̄ yii an làá bàń Jeerusaleem nì ki-nib puee, a sīntiǹ a-ba m-nimbiin, ní ki dáaĺ ki cátì tiwan tin a pēēyee ní ki súń m-nimbiin. An puee ma mun gbìl̄ a-wimmeem. Man ni-Dindaan di sòon̄ míǹ.

2 Chroniques 7:14

M-nibul din pu bi yíì m-yindee nib yaa sīntì bi-ba taapu, ki mēē, ki nyàab̄-mi ní ki dū bi-saŋkpitii ki fée, man làá pīlifiǹ-bi doooo yilpu, kí dū bi-kpitii kí pɔ̄-bi, ní kí fàtīí tīī bi-tiŋki ki-gaajati.

Yoob 42:6

An pu ní m kɔ́ntì m-nyɔkɔ tin m sòon̄ee pu, m làá kàl̄ ntamin nì ŋfantamin kí dàkà yii m béè m-yìntitam.

Psaumes 1:1

Unil un kaa fòol̄ binikpitib saŋkii, kaa dìŋfī bikpitiŋaliibi tabɔbiliŋ, kaa tí kpáfí ki kàal̀ nì bibeeliliibee bí mmɔnneeee!

Psaumes 112:1

Aleeluya, nyɔ̄ŋkìmaan ti-Dindaan! Unil un fàŋkí ti-Dindaan ní ki néeń u-marab tikpilee bí mmɔnneeee!

Psaumes 128:1

Bi yaa cá Jeerusaleem kí jāam̀ Unimbɔtee ní bi gà nlan nee. Bin kɔkɔ fàŋkí ti-Dindaan, ki nóó u-saŋŋuee bí mmɔnneeee!

Psaumes 146:5

Un jòońliu sá Jaakɔb Nimbɔtiu ní udaan máká ti-Dindaan u-Nimbɔtiu puee bí mmɔnneeee!

Psaumes 2:12

Ní gbàam̄maan u-nimbiin, an yaa kaa sá míǹ u làá gíí diŋuul, ní kí nàan̄-ni dicilpu niin! Ama bin kɔkɔ sáǹ ki kɔ́-uee bí mmɔnneeee!

Psaumes 34:18

Deedeedambi yaa gbáń ibiil ki yíiń ti-Dindaanee, u gbìl̀ ní ki nyāntí-bi bi-gìŋ́ŋi kɔkɔ poon.

Psaumes 41:1

Daafiidi di ŋmàn̄ nlan nee ki tīī bilaŋgaaliibi kpiliu.

Psaumes 51:17

Ti-Dindaan, tábití m-nyunculiŋ ní ḿ dū m-nyɔkɔ kí gāā ilan kí nyɔ̄ŋkì-si.

Psaumes 84:12

Di sá yii ti-Dindaan Unimbɔti di sá Ŋwìiń nì Digbampɔɔl. Ti-Dindaan dàkà kulaŋŋaŋfitiiu ní ki tìì tinyool. Bin maŋfal pu baa kāntí tikpitil tibee, waa ŋmìntī-bi nnaam.

Proverbes 16:19

Unil ń sìntīǹ u-ba taapu kí nīn bí biwɔfib kansikinee sɔ́ǹ u nì bilambidambi ń nīn yàkatī tigaajawan.

Proverbes 29:23

Unil nín yòontí u-ba yilpu puee làá sìntīǹ-u taapu. Ama un sīntiǹ u-ba taapuee làá ká tinyool.

Proverbes 8:32

«Kɔŋkɔnnee, m-biyaamu, pīlifìmaan-mi, bin fōō m-saŋkiiyee bí mmɔnneeee!

Esaïe 30:18

Nì míǹ kɔkɔee ti-Dindaan cí ŋyunti ŋun ní u làá ŋá-ni tiŋanee ní. U làá dāá yīkì kí sɔ̄ ni-saai, di sá yii ti-Dindaan sá deedee Nimbɔtiu ní. Binib bin máká u-puee kɔkɔ bí mmɔnneeee!

Esaïe 57:15

Di sá yii circir Nimbɔtiu un bí yilpu fɔ́ŋŋŋ ní u-kɔŋkooŋŋu bí kí nīn cá jaanjaanee, nín lī puee sèé: «Man Unimbɔti un bí circiree, m kóò yilpu fɔ́ŋŋŋ ní. Ama m bí bin bi wɔ́b́ bi sīntiǹ bi-ba taapuee cee. M làá tīī bin sīntiǹ bi-ba taapuee dimaŋfal, m làá tīī bin bi wɔ́b́ee dimaŋfal.

Esaïe 61:1

Ti-Dindaan Unimbɔti Fam bí m-pu. Tiŋman, u lēē-mi ḿ sòoǹ tibɔmɔntiil kí tīī biwɔfib. U túnní-mi ḿ cáaǹ bin pɔbiliŋ bíil̀ee, kí bāakì kí tùkù bin bi cúú kuyuŋuee yii bi làá líí-bi, kí tùkù bisarkadambi yii bi làá ká dibatɔl.

Esaïe 66:2

Nì m-ŋalii ní m dūu náań tin kɔkɔ bí nee. Man di yì tíǹ gbanti kɔkɔ, man ni-Dindaan di lī míǹ. Ama unil un m làá fàtīí kpèèyee di sá ufalaadaan un sīntiǹ u-ba taapuee, unil un di yaa gbìl̄ m-nyɔɔbundi, dì cáá-u tifaandi u jìkèe.

Michée 6:8

Unil, ti-Dindaan dàkā-si tin ŋān̄ee. Kun u bàlifī-see di sá á nīn ŋáań tin bí deedeeyee, kí nīn néeń ki ŋáań tikɔkɔ nì tiniti ní kí nīn nóó a-Nimbɔtiu nì dibasintil.

Matthieu 11:25

Ŋyunti gbantee ní Yeesu bí yii: «Óooo, m-Baa, yilpu nì taapu Dindaan, m nyɔ́ŋkí-si a nín dū tibɔti nee ki bál̀ bin yíì bi-ba biciŋfitiibi nì binyiliibi, ki dū-tì ki dàkā bin sá ŋwaamuee.

Matthieu 11:6

Unil un fōō-mi ki kíí kaa gùgufēe bí mmɔnneeee!»

Matthieu 13:16

Ama nimbee, ni bí mmɔnni kun puee ni-nimbiliŋ wāĺ man nì m-tuuŋŋi, ni-tafaliŋ mun gbìl̀ m-bɔti.

Matthieu 19:14

Ní Yeesu bí-bi yii: «Càntīmaan mbiyaamu nee! Yàntīmaan mú dāan̄ m-cee kí taa pìin̄-mu nsan, kun puee Unimbɔti Beel sá ki tīī bin náań nì muee ní.»

Matthieu 24:46

An sá mmɔn ki tīī utɔntɔnli gbanti u-kpiliu yaa láa fātìi bàn̄ ki ká-u, u bíi tūǹ u-tundee.

Matthieu 25:34

Niinee ní man ubɔti ń bí bin bí m-ŋaŋgiil púee, yii: <Dāam̄maan, nimbi bin pu m-Baa bīiǹee, kí fōōmaan Dibeel din u bɔ́ntì ki yóoǹ-ni doooo duulinya kíltamee.

Matthieu 3:2

«Kpántímaan ni-bimbim kun puee Unimbɔti Beel sútì ki pìlīń-ni.»

Matthieu 8:11

Míǹ ní m tùkù-ni yii binib tikpil làá dāá nyānní ŋwìiń nyalaŋki pú nì ŋu-jeetilaŋki pú kí kɔ́ Unimbɔti Beelin, bi nì Abraam nì Isaaki nì Jaakɔb ń kpāfì kí jī nnaam!

Marc 10:14

Yeesu ká mimmee, ní an kaa mɔ́ɔkiǹ-u, ní u bí-bi yii: «Yàntīmaan mbiyaamu ń dāan̄ m-cee kí taa pìim̄maan-mu nsan, kun puee Unimbɔti Beel sá ki tīī bin náań nì muee ní.

Luuki 11:28

Ní Yeesu kíí-u yii: «Bin baasii bí mmɔnnee di sá bin pílifí Unimbɔti bɔti ki ŋáań tì nín lī puee!»

Luuki 18:14

Ní Yeesu gíti lī yii: «M tùkù-ni yii ufɔtilee fātì u-dumpu, Unimbɔti dū u-kpitii ki pú-u, kaa pú un béeyee. Kun puee un sá kamaa yaa yòontí u-ba yilpuee, Unimbɔti làá sìntīǹ-u taapu, ní un sìntīǹ u-ba taapuee, Unimbɔti làá yòon̄-u yilpu.»

Luuki 22:29

Míǹ puee m-Baa bɔ́ntì dibeel kí tīī-mi. Míǹ mbaantiim ní ma mun bɔ́ntì Dibeel kí tīī-ni.

Luuki 22:30

Ní ŋyunti ŋun m làá kàl̄ Dibeelee, ni làá kàl̄ m-cee m-Beelin kí jī kí nyɔ̀, ní kí kàl̄ abeejal pu kí nīn sòoǹ Isirayeel yab naakɔti saalaa nì tilee bɔti.»

Luuki 4:18

«Ti-Dindaan Fam bí m-pu, u lēē-mi ḿ sòoǹ tibɔmɔntiil kí tīī biwɔfib. U túnní-mi ḿ bāakì kí tùkù bisarkadambi yii Unimbɔti làá líí-bi, kí tùkù bijɔfub mun yii bi làá wāl̀, kí tùkù bin bi sàantée yii bi làá ká dibatɔl,

Jean 20:29

Ní Yeesu kíí-u yii: «A nín ká-mee ní a nín fōō ki kííyaa! Bin kaa ká-mi ki fōō ki kííyee bí mmɔnneeee!»

Deutéronome 8:2

Ní téetí ti-Dindaan ni-Nimbɔtiu nín yāntì ni cōom̀ disaŋkindi din kuteeun abin imuŋku ilee pu. U nìn yāntì ni ká agìŋ́kpaan kí cɔ̄ŋkì-ni. U nìn ŋá míǹ kí kpèè yii, ni-pɔbiliŋ poonee, ni làá nīn tɔ́ u-marabaaa, naa làá nīn tɔ́-bi.

Jacques 1:10

Míǹ ní án nīn mɔ̄ǹ kinabiki kin di sá ugaajee, kun puee Unimbɔti sīntiǹ-u taapu: di sá yii u làá dāá gbátí kí lítí kii mpumpukumee ní.

Jacques 1:12

Án nīn mɔ̄ǹ sii un di yaa bí dinimbinaamandin ní ki pɔ̄ɔntí ki ŋmèéyee. Di sá yii a yaa ŋmēē míǹ ki tin kátì-kuee, Unimbɔti làá pà-si tipaal tin sá dimaŋfal din kaa kúntí u pōoǹ ki yóoǹ bin néeń-uee.

Jacques 2:5

M-nabineeŋkaamu, ní pīlifìmaan: Unimbɔti lútì duulinya nee poon bisoodambi bí fōō Yeesu Kriisitoo kí kíí, ní kí ká tigaajamɔntiil kí kɔ́ Unimbɔti Beel din u pōoǹ ki yóoǹ bin néeń-uee ni.

Apocalypse 19:9

Ní Unimbɔti tuuŋŋu bí yii ḿ ŋmà yii: «Bin bi yíiń bí dāá jī Dipibil nimpucáatam jintee bí mmɔnneeee!» Ní ki gíti kútì yii: «Unimbɔti u-ba di lī míǹ.»

Apocalypse 22:14

Bin fíntí bi-bɔkutiŋ ŋaa cáá tijɔkɔndi, ki máaǹ kí ŋmɔ́ dimaŋfal subil, ki làá dī mpunyɔmu kí kɔ́ kitiŋinee bí mmɔnneeee!

Apocalypse 3:17

Di sá a lì yii sii sá ugaaja ní. A-gaajati tin a ká nee puee, aa ti là tiba nì tiba. Di sá kun pu a lì mimmee di sá yii aa nyí yii a sá ufalaadaan, ki sá unandaan, ki sá usoodaan, ki sá ujɔfu, ki sá ucancaŋgbeefu.