Matthieu 5:16 - UNIMBƆTI NYƆƆBUNDI GBƆŊKU

¹⁶ Míǹ mbaantiim ní ni mun walifiŋu ń nīn ŋmíntí binib, bí ká tiŋan tin ni ŋáańee, kí pàkà ni-Baa Unimbɔti un bí yilpuee.»

Matthieu 5:16 Iomraidhean Croise

Exode 34:35

Isirayeel yab nìn kāntí yii Mooyiisi nimbiin nìn kíǹ ki jìliŋkī. Niinee ní ú gíiǹ ŋŋaabu kí bìin̄ ŋu-pu kí nīn cí ŋyunti ŋun u làá fàtīí kɔ́ kí sòoǹ nì ti-Dindaanee.

Proverbes 4:18

Nsan ŋun deedeedambi nóóyee sá kii ntaafaabɔmbɔm walifiŋuee ní, ŋu pée nyàatī ní ki pɔ́ɔkí ki cá áli kutaa ń dāá wúntí kɔkɔ.

Esaïe 58:8

Niinee a-walfiŋu làá nyā kí páań kii ntaafaawìińee, ní a-buuŋyi kaa làá pée sūŋkì ní kí kpú. A-baamɔŋyi di làá nīn līī a-nyɔkɔpu, ní ti-Dindaan nyooti ń nīn pá a-boon.

Esaïe 61:3

Siiyɔn pu ní bi kā dikpool. M làá pítí ŋfantam min bi dūu pùkū bi-yilee kí dū ŋŋaamɔnti kí fìn̄ bi-yiliŋ. M làá cúú kpɔsata kí pèetī-bi ní kí dū ŋkpam min sɔ́fèe kí ŋmìtī-bi. M làá dū dijiŋaabɔkutil kí pèen̄-bi ní dí fōō diwuŋyɔtil paaŋŋu. Niinee bi làá dāá yíiń-bi yii isufi in tìì Unimbɔti tinyoolee, bukpaa bun dàkà ti-Dindaan nyootee.

Matthieu 23:5

Bi pée tūǹ bi-tuuŋŋi kɔkɔ binib ń nīn wāĺ-bi ní. Bi wàantí igban in pu bi ŋmà Unimbɔti bɔti ki cáa fìǹ bi-ŋalii nì bi-yigbeeŋee, ní ki fɔ̀kɔntí bi-bɔkutiŋ gbeeŋgbeeŋyi.

Matthieu 23:9

Ní taa yíiń ubɔ kitiŋ pu <ni-Baa>, kun puee ni-Baa pée sá ubambaanti ní, ki bí yilpu.

Matthieu 5:45

Mimmee, ni sá ni-Baa un bí yilpuee biyaamu dee, kun puee úǹ yàntī u-wìiŋ́ŋu nyēē ki tìì binikpitib nì binimɔntiibi ní ki yàntī utaa nì ki tìì bin bí deedeeyee nì bin kaa bí deedeeyee.

Matthieu 6:16

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò.

Matthieu 6:9

Nín̄ mèémaan yii: <Ti-Baa un bí yilpuee, yàntī bí nyɔ̄ŋkì a-yindi.

Matthieu 9:8

Kunipaauee nín ká mimmee, ní tifaandi kɔ́-bi, ní bi bíi pàkà Unimbɔti u nín pú binib mpɔn ŋuŋyee pu.

Luuki 11:2

Ní u bí-bi yii: «Ni yaa bíi mèéyee, ní lì yii: <Ti-Baa, yàntī bí béé yii a sá Unimbɔti circirdaan, kí yàntī a-Beel ń dāan̄.

Jean 15:8

Tin tìì m-Baa tinyoolee di sá ní lòoǹ abil tikpil ní kí nīn sá man boonnooliibi.

Actes 9:36

Unimpu ubɔ nìn bí Joopee ki nóó Yeesu, bi yíì-u Tabiita, - greeki sooŋyi poonee bi yíì-u Dɔɔrkaasi. - U nìn ŋáań binib tiŋan tikpil, ní ki pūǹ biwɔfib animbil mun.

1 Corinthiens 14:25

ní ki wál̀ u-landɔkɔi in bál̀ u-pɔbilinee. Niinee ní ú tātìi dòon̄ dicincibil Unimbɔti nimbiin nì ijaam ní kí bí yii: «Tiŋman, Unimbɔti lafun bí ni-kansikin.»

2 Corinthiens 9:13

Ni-tundi din ni tūǹee di dàkà binib bin ní ni sée, ní ki yàntī binib nyɔ́ŋkí Unimbɔti ni nín tɔ́ Kriisitoo Bɔmɔntiiti puee, ní ki nyɔ́ŋkí Unimbɔti ni-niti tin ni ŋáań ki tìì bíǹ nì bin kɔkɔ kaa cááyee.

Galates 1:24

Ní bi kíǹ ki bíi pàkà Unimbɔti m-pu.

Ephésiens 2:10

Kun puee ti sá Unimbɔti wannaaŋkaati ní. Ti nín ŋá ubaanti nì Yeesu Kriisitooyee ní u fātìi náań-ti mpɔm, tí ŋmā kí nīn tūǹ atummɔnti ŋin u nìn bɔ́ntì ki yóoǹ tí nīn tūǹee.

Ephésiens 5:8

Dooooyee, ni nìn dáá bí dibɔmbɔndin ní, ama kɔŋkɔnnee ni kɔ́ ŋwalifin, kun puee ni kpántì ti-Dindaan yab. Míǹ puee ni-bimbim ń nīn bí kii bin bí ŋwalifinee bimbim nín bí puee.

1 Thessaloniciens 2:12

Ti sáŋkì-ni ki tīī-ni kunyannyaau ki páb́-ni yii ní nīn còom̄ min fáatiǹ Unimbɔtee, úǹ un yíiń-ni ní dāá kɔ́ u-Beel nì u-nyootinee.

1 Timothée 2:10

Ama bí nīn tūǹ atummɔnti ŋin máaǹ binimpoobi bin bí yii bi nóó Unimbɔtee tuuŋŋee.

1 Timothée 5:10

Ú nīn sá unimpu un bi pàkà yii u tūǹ atummɔnti ki ŋúń ki ŋúb́ u-biyaamu tiŋan, ki fòol̄ binicambi mmɔntiimin, ki fíntí Unimbɔti nib taaŋi, ki tútúǹ bifalaadambi, ki pée tūǹ atummɔnti ŋmaniŋmee.

1 Timothée 5:25

Míǹ ní bi tí kāntí atummɔnti mun. Ŋin ní baa kāntí malaayee gba mun kpá kí gbíntí dibalin.

1 Timothée 6:18

Bí nīn ŋáań tiŋan. Bi-gaajawanti nín wīikí puee, bi-tummɔntiiŋi mun ń nīn wīikí míǹ, bí nīn cáá tiniti ki yàkatī tin bi cááyee nì bin kíǹee.

Tite 2:14

Úǹ di dū u-ba ki tīī ki dá-ti ki nyántì ikpiti kɔkɔ poon, ní ki dū-ti ki kpántì dinikitil din sá úǹ baba yal, ki bí circir, ki cáá difaŋgiil ki tūǹ atummɔntee.

Tite 2:7

Tikɔkɔ poonee, sii a-ba ń tɔ̄ atummɔnti kí dàkà báà ŋma bi mun ń nīn ŋáań míǹ. A-dàkatam ń nīn sá mbaamɔn ki kítì.

Tite 3:14

An máaǹ ti-yab mun ń dū bi-ba kí tīī atummɔnti tɔ̄tam, án nín làá ŋá pu tiba yaa bāań ki páb́ee, bí ŋmā kí tūtuǹee. Bí taa nín̄ kā, kaa kèetī diba.

Tite 3:4

Ama Unimbɔti ti-Fiiliu dàkā-ti tiŋan nì dineendi din u cáá timbi binib puee,

Hébreux 10:24

Tí nīn ŋúb́maan tɔb tiŋan kí nīn nyàatī tɔb, ti-neendi ń mɔ̀tīí nīn wīintí, kí nīn tūǹ atummɔnti,

1 Pierre 2:12

Ní nīn cáá mbimbimɔntiim bin kaa nyí Unimbɔtee kansikin. Báà biba yaa bàà bíi kúŋfí ni-boon yii ni sá binikpitibaaa, bi yaa ká ni-tunnyaaŋŋee, Unimbɔti ń yàntī bí béé yii an tunnyaaŋŋi nyánní úǹ cee ní, ní bí pàkà-u ŋyunti ŋun u yaa láa dɔ́mińee.

1 Pierre 2:9

Ama nimbee, ni sá dinibul din Unimbɔti lútì dí nīn sá u-yalee ní. Nimbi di sá u-Beelin saraaŋaliibi ní ki sá Unimbɔti bindi pu timbundi. U yíiń-ni ní nyānní dibɔmbɔndin kí kɔ́ u-walifimɔntiŋun, kí ŋmā kí lēē u-tunnyaaŋŋi pu seera.

1 Pierre 3:1

Nimbi binimpoobi mun, ní sìntīmaan ni-ba taapu kí tīī ni-calib. Niinee ni-calib kansikin biba yaa kaa fōō Unimbɔti bɔti ki kííyee, bi yaa ká ni-bimbimɔntiimee, bí fōō kí kíí án taa nín̄ gíti sá nì kinyɔkɔ ní ní dū kí sòoǹ nì bi.

1 Pierre 3:16

Ama ní kíí an nibee soooo kí nīn tɔ́maan-bi, kí taa yàntī bí ká ni-pu ibɔkpiti iba kí sòoǹ. Ní nīn gbíntì ki dàkà ni-bimbimɔntiim min ni ká Kriisitoonee, án nín làá ŋá pu ubɔ yaa bàà làá bīil̀-nee, icoo ń cúú udaanee.

1 Pierre 4:11

Un ní Unimbɔti pú ú nīn sòoǹ u-bɔtee, ń sòoǹ-tì. Un ní u yaa tí pú ŋŋmam ú nīn tútúǹ u-jutiibee máaǹ kí dū ŋŋmam min Unimbɔti tīī-uee ní kí dūú tūtuǹ binib, án nín làá ŋá pu tin kɔkɔ ni ŋáań nì Yeesu Kriisitoo tūtuntam puee, án nīn tìì Unimbɔti tinyoolee. Úǹ di pée yì tinyool nì mpɔn kí nīn cá jaanjaan! Ameeni.

1 Pierre 4:14

Ni nín nóó Kriisitooyee pu ní bi yaa sìí-nee, án nīn mɔ̄ǹ-ni, kun puee Unimbɔti Fam min cáá tinyoolee bí ni-pu.