Matthieu 5:12 - UNIMBƆTI NYƆƆBUNDI GBƆŊKU

¹² Nín̄ bímaan mmɔŋkpaan poon kí nīn fàal̀, kun puee tipaakpaandi dɔ̄ yilpu ki cí-ni. Míǹ mbaantiim ní bi nìn tí sāaǹ Unimbɔti bɔnaatiliibi bin nìn péé péé ki kāl̀ ní nimbi dāa nín páaǹní boonee.»

Matthieu 5:12 Iomraidhean Croise

Genèse 15:1

Míǹ jítì boonee, ní ti-Dindaan lēē u-ba ki dàkā Abram ki bí-u yii: «Abram, taa fàŋkì tiba, man di wúń a-pu. Tiŋan tin m làá ŋá-see làá nīn wīikí tikpil.»

1 Rois 18:13

M-dindaan, baa kalin máafì-si tin m ŋá ŋyunti ŋun ní Jeesabeel kūū ti-Dindaan bɔnaatiliibeeee. M nìn dū ti-Dindaan bɔnaatiliibi dilaataal ní ki bál̀. M nìn yākatì-bi akiti ali pu ní dikitil kamaa cáá binib imuŋku ili nì saalaa ní m dū-bi ki bál̀ itaŋkpalɔkɔ ili poon, ki tìì-bi tijin nì nnyim.

1 Rois 18:4

Míǹ puee ŋyunti ŋun Jeesabeel nìn yāntì bi kūū ti-Dindaan bɔnaatiliibee, Oobadiya nìn fīī bi-kansikin dilaataal ní. U nìn kpáfì-bi akiti ali pu ní dikitil kamaa cáá binib imuŋku ili nì saalaa ní ki nìn dū-bi ki bál̀ itaŋkpalɔkɔ ili poon. U nìn tìì-bi tijin bi jīǹ nì nnyim bi nyù. -

1 Rois 19:2

Niinee ní Jeesabeel tú bí cùú tùkù Eelii yii: «Fool naŋkɔnampu, m yaa kaa fu ŋá-si kii a nín ŋá bibɔnaatiliibi nee puee, awaa ń dáaĺ m-tafal kí gíti kūtì!»

1 Rois 21:20

Ní Eelii dū tibɔtee ki tùkū Akaab ní Akaab bí-u yii: «M-nannanliu, a tí nyàab̄-mi ki ká-maa!» Ní Eelii kíí-u yii: «M tí nyàab̄ ki ká-si, kun puee an pée mɔ̄ǹ-si á nīn ŋáań tin kaa fáatiǹ ti-Dindaanee dee.

1 Rois 22:8

Ní Isirayeel bɔtiu kíí Joosafaati yii: «Ubɔ gíti bí un pu ti ŋūǹ kí bàlifì kí béé ti-Dindaan nín sòon̄ puee, ama maa là u-bɔti, di sá yii tin kaa ŋān̄ee ŋma ní u nàatī-mi, waa nàatī-mi tin ŋān̄ee dalba dalba. Úǹ di sá Yiimila jipɔɔn Miika.» Ní Joosafaati bí yii: «Taa sòoǹ míǹ!»

2 Rois 1:9

Ubɔti dū ujanjakpil un kpòotī bijanjaliibi imuŋku ili nì saalaayee nì u-janjaliibi ki tú bí cúuń Eelii. Eelii nìn jɔ́m̀ ki kā dijool diba yilpu ní bíǹ nín jɔ́ḿ u-cee. Bi bàn̄ u-ceeyee ní ujanjakpilee bí-u yii: «Unimbɔti bɔnaatiliu, ubɔti tīī mara yii á kpákatiń!»

2 Chroniques 16:10

Asaa nìn gíí Unimbɔti bɔnaatiliu pu diŋuul ní ki cúú-u ki pīiǹ kudii. Di sá yii tin Ananii nìn sòon̄ee nìn yāntì u gíí diŋuul ŋkpitim pu. Ŋyunti gbanti ní Asaa kíĺ ki kíǹ ki wɔ́b́ samaa kansikin binib biba.

2 Chroniques 36:16

Ama Isirayeel yab nìn bēel̀ Unimbɔti tuuŋyi gbanti, ki kpēē u-nyɔɔbundi fám ní ki láń u-bɔnaatiliibi. Niinee ní ti-Dindaan ŋuul jéetì u-nibul pu nnyɔkɔ gíti kpá.

Néhémie 9:26

«Ama nì míǹ kɔkɔee, bi nìn yíkì kaa kíí bi-ba pu, ki nìn jáń nì si ní ki fātì bi-boon ki tīī a-marab. Bi nìn kūū a-bɔnaatiliibi bin nìn bí ki sáŋkí-bi yii bí gítiń a-ceeyee. Bi nìn ŋá-si ikpitikpaan.

Psaumes 19:11

Ti-Dindaan marab cáá kunyampoou ki jítiǹ sindaariya, ki jítiǹ gba sindaariyamɔnti tikpil, ki mɔ̄ ki jítiǹ tisiil, ki mɔ̄ ki jítiǹ gba kisikampiŋ siiti tin bi dáá ŋmáaḿee.

Psaumes 58:11

Deedeedaan yaa láa ká Unimbɔti bíi dátí binikpitib tafalee, án làá dāá mɔ̄ɔkiǹ-u ní ú dāá fíntí u-taaŋi bi-fatikuu poon.

Proverbes 11:18

Unikpiti tundi kaa cáá tipaal, ama tipaal dɔ̄ ki cí un tūǹ deedee tundee.

Esaïe 3:10

Lìmaan yii deedeedambi bí mmɔnneeee! Di sá yii bi làá dāá páatí tin ní bi ŋée pu.

Jérémie 2:30

M fáá-ni ama an kaa ŋá-ni tiba, kaa cíikì-ni, ní gbìl̄ kí béé tin m ŋée taapu. Ni dū ntàataajimu ki kūū ni-bɔnaatiliibi kii gbikinti nín bìliŋkī ipeel puee.

Jérémie 26:8

Yeereemii nín sòon̄ tin kɔkɔ ti-Dindaan tīī-u mara ú sòoǹee ní bisaraaŋaliibi nì bibɔnaatiliibi nì samaa kɔkɔ cúú-u ní ki bí yii: «A máaǹ ŋkúm!

Jérémie 37:14

Ní Yeereemii kíí-u yii: «Aayee, maa cáǹ m-ba kí tīī Babiloon yab.» Ama Yiiriya kaa nìn pīlifiǹ-u. U nìn cúú-u ki cáa cūnnì u-kpilib cee.

Matthieu 16:27

Man Kinibiki làá dāan̄ nì m-Baa Unimbɔti nyooti, ní m-tuuŋyi dāa nóó-mi, ní ḿ dāá pà báà ŋma nì u-tundi nín sá puee.

Matthieu 6:16

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò.

Luuki 13:34

«Jeerusaleem yab, Jeerusaleem yab, nimbi bin kù Unimbɔti bɔnaatiliibi ki cáá ataŋkpee ki yāŋkí ki kù bin Unimbɔti túnnée, ataa aŋa pu ní maa nyàab̄ kí kóoǹ-ni kí kpāfì m-cee kii ukɔl nín kōontí u-biyaamu kí ŋá u-taapu kí dū u-feeŋyi kí bìin̄ mu-pu miŋyee! Ama ní ni yíì.

Luuki 6:23

Yaadalee, ní nīn fàal̀ ki nyàkantī án nīn mɔ̄ǹ-ni, kun puee ni-paati wīikí yilpu. Míǹ mbaantiim ní bi-naanjab mun nìn sāaǹ Unimbɔti bɔnaatiliibi.

Luuki 6:35

Min máaǹ ní ŋée di sá ní nīn néeḿmaan bin ná-nee, kí nīn ŋáań-bi tiŋan, kí nīn pìntímaan kí taa nín̄ dàkafī yii bi làá téeǹ-ni. Míǹ ní ni dāa fòol̄ tipaakpaandi ní ki dāa sá Unimbɔti un bí yilpuee biyaamu, kun puee úǹ ŋáań tiŋan ki tìì bin kaa nyí tiŋanee nì bin sá binikpitibee.

Actes 16:25

Kunyataasiiu nyɔkɔmee, Pɔɔl nì Siilasi bíi mèé ki gà ilan ki nyɔ́ŋkí Unimbɔti, ní bisarkadambi bin kíǹee bíi pílifí.

Actes 5:41

Nì dipɔɔpindi ní Yeesu kpambaliŋ nìn nyáń bibɔsoonliibi kitil nimbiin, kun puee Unimbɔti ŋá-bi tinyool ki yāntì bi jíń falaa Yeesu yindi pu.

Romains 5:3

Áli gba, ti nín jīǹ falaa puee, an mɔ̄ǹ-ti, kun puee ti nyí yii falaa di yàntī unil ń pɔ́ɔǹ u-ba,

1 Corinthiens 3:8

Un búĺee nì un yāaǹ nnyimee ŋmà ní. Unimbɔti dāa pà-bi bi-tundi din bi túńee nín máaǹ puee ní.

2 Corinthiens 4:17

Kɔŋkɔnnee ti nín bíi jīǹ falaa un fiii nee di bíi bɔ́ntí tinyookpaandi tin kaa cáá dikúntil taa ŋūǹ kí dūú ŋmàntīǹ tibee ki yōontí-ti.

Philippiens 1:29

Di sá yii u pú-ni diyimɔɔl ní nīn nóó Kriisitoo kí taa fōō-u kí kíí ŋmaniŋma, ama ní jī falaa mun u-pu.

Philippiens 2:17

Ni-fookiiu sá kii saraa un ni tìì Unimbɔtee ní. An yaa yíì, bi yaa kūū-mee, m-fatikuu di dāa kútí ni-saraau gbanti pu. An yaa lafun sá mimmee, an dāa mɔ́ɔkíǹ-mi, ní ni mun ń dāá kūtì m-pu tí fàal̀.

Colossiens 1:24

Kɔŋkɔnnee an mɔ́ɔkiǹ-mi m nín bíi jīǹ falaa ni-puee, an dàkà yii ḿ púntí falaa un Kriisitoo tīī-mee m-wuntin kí tīī u-nikitil din sá u-wuntee.

Colossiens 3:24

Ní nīn nyí yii ti-Dindaan làá dāá pà-ni tipaal tin sá kutindaŋuee. Di sá yii ni-Dindaan un ni baasii tūǹ ditundi ki tììyee di sá Kriisitoo.

1 Thessaloniciens 2:15

Bíǹ di kūū ti-Dindaan Yeesu nì Unimbɔti bɔnaatiliibi ki sāaǹ ti mun. Unimbɔti kaa gèetíǹ-bi ní bi sá binib kɔkɔ pulincɔntiibi.

Hébreux 10:34

Míǹ ní ni nì bisarkadambi yākatì bi-falaau. Bi yaa nìn cúú ni-wanti ki fōōyee, an kaa nìn páb́-ni, ni-pɔbiliŋ nìn sɔ̀m̀, kun puee ni nyí yii ni cáá tigaajamɔntiil tin làá nīn bí jaanjaanee an dɔ̄ yilpu.

Hébreux 11:26

U nìn ká yii, ú jī falaa kii Meesiya nín làá dāá jī uŋyee ŋān̄ ki jítiǹ Eejipiti gaajawanti kɔkɔ, kun puee u nìn wāĺ tipaal tin bí nyɔkɔpuee ní.

Hébreux 11:33

Bi fookiiu un bi nìn cáá Unimbɔti puee di yì-tì ní bi nìn jáà ki pɔ́ɔkiǹ bibɔtiibi bin kíǹee nì bi-timmu. Biba mun fookiiu pu ní bi nìn yāntì binib ŋáań tin bí deedeeyee, ní biba mun fookiiu pu ní bi nìn fōō tin Unimbɔti pōoǹ-bee. Bi nìn cúú biba ki tɔ́ laakin bi kpàá gbikintibee ní baa nìn ŋúń ki tábitì bi-nyɔmmu ní kaa nín ŋúń ki ŋá-bi tiba bi-fookiiu pu.

Hébreux 11:6

Unil yaa kaa fōō Unimbɔti ki kííyee, udaan kpá kí fáatí-u. Di sá yii un là kí sútiń kí pìl̄ Unimbɔtee máaǹ kí nīn nyí yii Unimbɔti bí, ki tìì bin nyàab̀-u nì dipɔbil dibee tipaal.

Jacques 1:2

M-nabiyaamu, dinimbinaamandi nín bí puee nì di-nyɔkɔm yaa bāań ni-puee, ní yàntī án nīn mɔ̄ǹ-ni tikpil.

Jacques 5:10

Nnabiyaamu, téetímaan Unimbɔti bɔnaatiliibi bin nìn sòon̄ u-puee falaabi nì bi-mɔtiiki pu, kí nīn bímaan míǹ.

1 Pierre 4:13

An yaa sá yii ní jī falaa un Kriisitoo jíńee, ní nīn fàal̀maan, án nín làá ŋá pu daliŋkin u làá dāá dàkà u-nyootee, ní dāá ká dipɔɔpiŋkpaandi yaadalee.

Ruth 2:12

Ti-Dindaan di làá pà-si tiŋan tin a ŋée paati! Ti-Dindaan Isirayeel Nimbɔtiu un a sáǹní ki dɔ́miń ki kɔ́ nee ń téeǹ-si tiŋan tin kɔkɔ a ŋá ki tīī a-beelee!»