Matthieu 5:11 - UNIMBƆTI NYƆƆBUNDI GBƆŊKU

¹¹ «Binib yaa bí ki sìí-ni ki sàantí-ni ki mɔ́ntí inyimɔn ki tūntí ni-pu ki sòoǹ tibɔkpitil kamaa ni-pu ni nín sá man yabee puee, ni bí mmɔnni.

Matthieu 5:11 Iomraidhean Croise

Psaumes 35:11

Nnyimɔn seeradambi yíkìi kāl̀ m-pu ki bàlifī-mi tibɔti tin pu maa kpáàa nyée.

Psaumes 44:22

sii Unimbɔti kaa bàà béetí-tàaa, sii un di nyí ti-pɔbiliŋ bɔɔŋŋee?

Esaïe 25:8

U làá kúntí ŋkúm kí nīn cáa cá jaanjaan. Ti-Dindaan Unimbɔti làá pítí báà ŋma nyinnyim kí nyāntí u-nibul icoo in cúú-bi kitiŋ nee poonee. Úǹ ti-Dindaan di lī míǹ.

Esaïe 51:7

«Pīlifìmaan-mi, nimbi bin nyí tin bí deedeeyee, nimbi dinibul din ŋúb́ m-marau di-pɔbilinee. Ní taa fàŋkìmaan nisaaleen siibiliŋ, kí taa yàntī binib beelii ń yɔ̀tī ni-wunti.

Esaïe 66:5

Pīlifìmaan ti-Dindaan nyɔɔbundi, nimbi bin fòol̄ u-nyɔɔbundi nì kufaaŋŋuee: Ni-nabiyaamu biba ná-ni, ní ki jìn̄-ni man pu. Bi sòoǹ ki bèel̄-ni yii: «Ti-Dindaan ń dàkà u-nyooti ní tí ká ni nín làá nīn fàal̄ puee!» Ama bíǹ ní icoo làá cúú gbòooo.

Jérémie 37:14

Ní Yeereemii kíí-u yii: «Aayee, maa cáǹ m-ba kí tīī Babiloon yab.» Ama Yiiriya kaa nìn pīlifiǹ-u. U nìn cúú-u ki cáa cūnnì u-kpilib cee.

Matthieu 10:18

Bi làá nīn cáǹ-ni biyidambi nì bibɔtiibi cee man pu, án nín làá ŋá pu ní sòoǹ tin ni nyí man puee Juuda yab nì bin kaa sá Juuda yabee nimbiinee.

Matthieu 10:22

Báà ŋma làá nīn ná-ni kun puee ni fōō-mi ki kíí. Ama un yaa pɔ́ɔǹ ki tin kátì-kuee dāa kāntí difiil.

Matthieu 10:25

An ŋmāntì utumbifil ń nīn kíǹ ki bí kii un dàkà-uee, ní utɔntɔnli mun ń nīn kíǹ ki bí kii u-kpiliuee. Bi yaa yíiń kudiidaan yii Beelseebuul, arasiniibi bɔtiuee, mana ní baa dāa ŋūǹ kí yíiń u-dicaŋku yab bíǹ míǹ?»

Matthieu 10:39

Un di nyàab̀ kí fīī u-maŋfalee làá fá-dì. Un di yaa dū u-maŋfal ki fá man puee di dāa kāntí u-maŋfal.»

Matthieu 19:29

Ní un kamaa yaa yíkì ki fá u-diiŋŋi nì u-nabiyaamu, nì u-niisalib, nì u-baa, nì u-na, nì u-biyaamu, nì u-kpaatanti man puee, Unimbɔti làá tin pà udaan míǹ dilaataal pu, ní ú gíti fōō dimaŋfal din kaa cáá dikúntilee.

Matthieu 24:9

«Binib làá dāá cúú-ni kí tīī bí sàaǹ-ni ní kí kpɔ̀-ni. Atimbun kɔkɔ nib làá dāá nīn ná-ni ni nín fōō man ki kííyee pu.

Matthieu 27:39

Bisanjitiliibi nìn bèel̄-u, ki gàatī bi-yiliŋ,

Marc 13:13

Báà ŋma dāa ná-ni kun puee ni nóó-mi. Ama un yaa pɔ́ɔǹ u-ba ki tin kátì-kuee di làá dāá ŋmátí.»

Marc 13:9

«Ní nīn nyíǹ ni-ba! Man puee bi làá dāá cùnnì-ni ibɔsoon, kí gbá-ni anaalab akpafidiinni, kí cáá-ni gɔminab nì bibɔtiibi nimbiin, mimmee ni làá ká mpaan kí sòoǹ nì bi man pu.

Marc 4:17

Nì min kɔkɔ bi fòol̄ mimmee, baa cáá inyaan kí sīĺ kí báań. Bi nín fōō dinyɔɔbundee puee, an yaa sá digìńdi kii disàandi di yaa jéetì bi-puee ní bí dū dimákal din bi cáá Unimbɔti puee kí fá malaa.

Marc 8:35

Kun puee un di yaa là kí fīī u-maŋfalee làá fá-dì, ama un di yaa dū u-maŋfal ki fá kí nóó-mi kí sòoǹ m-bɔmɔntiiti kí tīī binibee, udaan di làá fīī u-maŋfal.

Luuki 21:12

«Kí wàatī tíǹ kɔkɔ ń bàńee, bi làá cūtì-ni kí sàaǹ-ni, kí cáá-ni ibɔsoon akpafidiinni, kí pìin̄-ni sarka. Bi làá cáá-ni bibɔtikpaambi nì biyidambi nimbiin man pu.

Luuki 21:17

Báà ŋma làá dāá nīn ná-ni ni nín fōō man ki kííyee pu.

Luuki 6:22

«Nimbi bin bi ná, ki jì, ki sìí, ki bíiĺ ni-yiŋŋi man Kinibiki puee bí mmɔnneeee!

Luuki 9:24

Un di yaa là kí fīī u-maŋfalee làá dāá fá-dì, ama un di yaa dū u-maŋfal ki fá man puee làá dāá fīī-dì.

Jean 15:21

Man pu ní bi làá ŋá-ni tin bí nee kɔkɔ, kun puee baa nyí un túnní-mee.

Jean 9:28

Niinee ní bi bíi sìí-u yii: «Sii di sá kijapaai gbanti boonnooliu, ama timbi sá Mooyiisi boonnooliibi ní.

Actes 9:16

Ní man m-ba ń dāá dàkà-u falaa un u làá jī m-yindi puee.»

Romains 8:36

Kii Unimbɔti gbɔŋku poon nín lī puee yii: «Sii ti-Dindaan pu ní, kí yòon̄ kutaafaau kí dāá mɔ́-kuee, ti tūŋkí ŋkúm, ní bi ŋáań-ti kii ipii in bi cáǹ kí kpɔ̀ee.»

1 Corinthiens 4:10

Kriisitoo puee, timbi kpántì biwaatiibi ní, ní nimbi nín fōō-u ki kíí puee, ni kpántì biciŋfitiibi. Míǹ ní timbi sá ŋwɔsɔfimu ní nimbi sá bipɔɔbi. Binib kpèé timbi fám ní ki tìì nimbi jilma.

2 Corinthiens 4:11

Yeesu puee, ŋyunti kamaayee ŋkúm pée kpàkaǹ-ti ní. Báà ti yaa jíń falaa ní ki dāa kpíì, binib làá béé yii Yeesu bí ti-ni.

Philippiens 1:29

Di sá yii u pú-ni diyimɔɔl ní nīn nóó Kriisitoo kí taa fōō-u kí kíí ŋmaniŋma, ama ní jī falaa mun u-pu.

1 Pierre 2:23

Bi nín bí ki sìí-uee, waa sīī ubɔ ki téeǹ. Bi nín sāaǹ-uee waa tɔ́-bi mbusu, ama u dū ki ŋá Unimbɔti un sòoǹ tibɔti nì deedeeyee ŋaan ní.

1 Pierre 4:14

Ni nín nóó Kriisitooyee pu ní bi yaa sìí-nee, án nīn mɔ̄ǹ-ni, kun puee Unimbɔti Fam min cáá tinyoolee bí ni-pu.

Apocalypse 2:3

A cáá dipɔ́ɔǹdi, ki jíń falaa m-pu kaa yɔ̄tì a-wunti.