Matthieu 5:10 - UNIMBƆTI NYƆƆBUNDI GBƆŊKU

¹⁰ Bin ní bi sàantí bi-deedeeu puee bí mmɔnneeee, kun puee bi sá Unimbɔti Beelin yab!

Matthieu 5:10 Iomraidhean Croise

Psaumes 37:12

Unikpiti dàkafī deedeedaan pu tibɔkpitil ní ki gbìitī u-pu anyin.

Esaïe 66:5

Pīlifìmaan ti-Dindaan nyɔɔbundi, nimbi bin fòol̄ u-nyɔɔbundi nì kufaaŋŋuee: Ni-nabiyaamu biba ná-ni, ní ki jìn̄-ni man pu. Bi sòoǹ ki bèel̄-ni yii: «Ti-Dindaan ń dàkà u-nyooti ní tí ká ni nín làá nīn fàal̄ puee!» Ama bíǹ ní icoo làá cúú gbòooo.

Matthieu 10:23

Bi yaa láa bíi páb̀-ni kitiŋ kibanee, ní sāǹ kí póotí kiban. Ibaamɔn ní m tùkù-ni, naa làá yìiǹ kí dóó Isirayeel timmu kɔkɔ ní man Kinibiki ń bàń.

Matthieu 19:14

Ní Yeesu bí-bi yii: «Càntīmaan mbiyaamu nee! Yàntīmaan mú dāan̄ m-cee kí taa pìin̄-mu nsan, kun puee Unimbɔti Beel sá ki tīī bin náań nì muee ní.»

Matthieu 25:34

Niinee ní man ubɔti ń bí bin bí m-ŋaŋgiil púee, yii: <Dāam̄maan, nimbi bin pu m-Baa bīiǹee, kí fōōmaan Dibeel din u bɔ́ntì ki yóoǹ-ni doooo duulinya kíltamee.

Matthieu 5:3

«Bin sīntiǹ bi-ba ki tīī Unimbɔtee bí mmɔnneeee, kun puee bi sá Unimbɔti Beelin yab!

Marc 10:14

Yeesu ká mimmee, ní an kaa mɔ́ɔkiǹ-u, ní u bí-bi yii: «Yàntīmaan mbiyaamu ń dāan̄ m-cee kí taa pìim̄maan-mu nsan, kun puee Unimbɔti Beel sá ki tīī bin náań nì muee ní.

Marc 10:30

udaan làá fōō tipaal ŋyunti ŋun ti bí nee míǹ dilaataal pu. U làá fōō adiin nì nnabiyaamu nì nab, nì mbiyaamu nì tikpaatan, ní kí jī falaa mun. Ama ŋyunti ŋun bí ki dòońee poonee, udaan dāa fòol̄ dimaŋfal din kaa cáá dikúntilee.

Luuki 21:12

«Kí wàatī tíǹ kɔkɔ ń bàńee, bi làá cūtì-ni kí sàaǹ-ni, kí cáá-ni ibɔsoon akpafidiinni, kí pìin̄-ni sarka. Bi làá cáá-ni bibɔtikpaambi nì biyidambi nimbiin man pu.

Luuki 22:29

Míǹ puee m-Baa bɔ́ntì dibeel kí tīī-mi. Míǹ mbaantiim ní ma mun bɔ́ntì Dibeel kí tīī-ni.

Luuki 6:20

Ní Yeesu kpēē u-boonnooliibi ní ki bí yii: «Nimbi binandambi bí mmɔnneeee, kun puee ni sá Unimbɔti Beelin yab.

Luuki 6:22

«Nimbi bin bi ná, ki jì, ki sìí, ki bíiĺ ni-yiŋŋi man Kinibiki puee bí mmɔnneeee!

Jean 15:20

Ní téetímaan tin tin m nìn tùkū-nee, yii: <Utɔntɔnli kaa jítiǹ u-kpiliu.> Bi yaa páb́ man, bi làá dāá páb́ ni mun, bi yaa bàà pílifì man bɔti, bi bàà dāa pílifí ni mun yati.

Actes 5:40

Niinee, bi-kɔkɔ kpáfì ki gbìlīǹ-u ní ki yíiń Yeesu kpambaliŋ, ní ki gbáń-bi anaalab, ní ki bí-bi yii bí taa ti sòoǹ Yeesu yindi pu, ní ki gíiǹ-bi ki líì.

Actes 8:1

Sɔɔl úǹ nìn ká yii Eetiyeen lafun máaǹ ŋkúm gbanti. Ŋwiin gbantee, dinimbinaamaŋkpaandi nìn jéetì Kriisitoo nikitil din bí Jeerusaleemee pu. Bi-kɔkɔ yàl̄ ki búntì Juudee nì Samaarii tiŋgbammun, see Yeesu kpambaliŋ baba di nìn kíǹ.

2 Corinthiens 4:17

Kɔŋkɔnnee ti nín bíi jīǹ falaa un fiii nee di bíi bɔ́ntí tinyookpaandi tin kaa cáá dikúntil taa ŋūǹ kí dūú ŋmàntīǹ tibee ki yōontí-ti.

Philippiens 1:28

Ní taa yàntī ni-nannanliibi ń fàaǹ-ni tiba poon. Ni nín bí miŋyee di làá dàkà bíǹ yii bi wáŋkì, ní kí dàkà nimbi yii ni yú difiil saŋŋu pu. Unimbɔti di làá yàntī bí béé míǹ.

2 Timothée 2:12

Ti yaa pɔ́ɔǹ ki tin kátì-kuee, ti nì u di dāa tí jīǹ dibeel. Ti yaa néè yii taa nyí-u, u mun làá dāá néé yii waa nyí-ti.

2 Timothée 3:11

nì bi nín páb́-mi puee, nì m-falaau. A nyí tin nìn jítì m-pu Antiyɔɔsi nì Ikooniyum nì Liistiree. Falaa ulɔu ní maa jíń niin? Ama ti-Dindaan nyántì-mi tikɔkɔ poon.

Jacques 1:12

Án nīn mɔ̄ǹ sii un di yaa bí dinimbinaamandin ní ki pɔ̄ɔntí ki ŋmèéyee. Di sá yii a yaa ŋmēē míǹ ki tin kátì-kuee, Unimbɔti làá pà-si tipaal tin sá dimaŋfal din kaa kúntí u pōoǹ ki yóoǹ bin néeń-uee.

Jacques 5:11

Ti pàkà-bi kun puee bi yúl̀ deedee. Ni gbìl̄ bi sòon̄ Yoob mɔtiiki pu, ki nyí u nín jíń kimɔtii ki kátì, ti-Dindaan ŋá-u miŋyee, kun puee ti-Dindaan sá usaasɔl ní ki ŋān̄.

1 Jean 3:12

Tí taa nín̄ bí kii Kayeen nín nìn bí puee. Úǹ nìn sá Sitaan niliu ní, ní ki kūū u-naal. Ba pu ní u nìn kūū u-naal míǹ? Kun pu u nìn kūū-uee di sá Kayeen tuuŋŋi sá akpiti, ní u-naal tuuŋŋi sá deedee yaŋ.

Apocalypse 2:10

Á taa fàŋkì falaa un dɔ̄ ki cí-si a làá jēe pu. Di sá yii Sitaan làá cɔ̄ŋkì-ni kí yàntī bí cūtì ni-kansikin biba kí tɔ̄ sarka, ní ní dāá jī falaa iwiin saalaa. Nín̄ yú deedee áli a-kúm dal, ní ḿ dāá tīī-si dijajil beefuuliiki, an dàkà yii dimaŋfal din kaa kúntée.