Matthieu 4:7 - UNIMBƆTI NYƆƆBUNDI GBƆŊKU

⁷ Ní Yeesu kíí-u yii: «An lī Unimbɔti gbɔŋku poon yii: <Á taa cɔ̄ŋkì ti-Dindaan a-Nimbɔtiu.>»

Matthieu 4:7 Iomraidhean Croise

Psaumes 106:14

Bi nìn ŋá nnimbitaataam kuteeun. Laakin ubɔ kaa nìn bée, bi nìn cɔ́ŋkì Unimbɔti.

Psaumes 78:18

Bi nìn lēē bi-pɔbilin kí cɔ̄ŋkì Unimbɔti kí kpèè ní ki bālifì-u ú tīī-bi tijin tin fáatiǹ-bee.

Psaumes 78:41

Bi nìn pée cɔ́ŋkí Unimbɔti ní, ki nìn kɔ̄ntí Isirayeel Nimbɔtiu Circirdaan kunimbaau.

Psaumes 78:56

Ama bi nìn cɔ́ŋkì Yilpu Fɔ́ŋŋŋ Nimbɔtiu, ki nìn jáń nì u, ní kaa tɔ́ u-bɔkpaaŋi.

Psaumes 95:9

Ni-naanjab nìn kpákáǹ-mi ki nìn cɔ́ŋkì-mi niin, min kamaa bin nìn ká tin m ŋée.

Exode 17:2

Niinee ní bi bíi nyàab̀ Mooyiisi kujaau ki lì-u yii: «Tīī-ti nnyim tí nyɔ̀!» Ní Mooyiisi bí-bi yii: «Ba pu ní ni nyàab̀-mi kujaau? Ba pu ní ni cɔ́ŋkí ti-Dindaan?»

Exode 17:7

Ní bi pú niin diyindi yii Maasa nì Meeriiba, an taapu di sá <Icɔŋki> nì <Kujaau>. Di sá yii Isirayeel yab nìn nyàab̄ Mooyiisi kujaau ní ki cɔ́ŋkì ti-Dindaan mun ki lī yii: <Ti-Dindaan kalin bí ti-kansikinaaa, waa bí ní?>

Esaïe 8:20

ní kíí-bi yii: «Ti-Dindaan dàkal nì u-bɔti ní ni máaǹ kí pīlifì.» Un kamaa yaa kaa sòon̄ mimmee kaa làá ká ntaafaawalifi.

Malachie 3:15

Kɔŋkɔnnee, ti ká yii bin yòontí bi-ba yilpuee di bí mmɔnni, ní an bútí bin ŋáań ikpitee. Báà gba bi yaa gbítì Unimbɔti ŋuul, tiba kaa ŋáań-bi.»

Nombres 14:22

bin kɔkɔ ká m-nyooti nì tidaandi tin m ŋá Eejipiti tiŋkin nì kuteeun, ama ní ki cɔ́ŋkì-mi ŋfunyɔm saalaa pu kaa pílifì m-nyɔkɔee,

Matthieu 21:16

ní ki bí-u yii: «A gbìl̀ bi nín tátí ki lì pueeyaaa, saa gbìl̀ ní?» Ní u kíí-bi yii: «M gbìl̀! Naa láá pée kàan̄ Unimbɔti gbɔŋkun laakin an ŋmàn̄ yii: <A yāntì mbiyaamu ki kpáaǹ mun dáá bíi ŋáaḿee nyɔ́ŋkí-si>?»

Matthieu 21:42

Ní Yeesu bí-bi yii: «Naa láa pée kàan̄ Unimbɔti gbɔŋkun laakin lī yii: <Ditaŋkpal din bidimaliibi nìn dūu fée, díǹ di dāa kpántì ditaŋkpal din ŋúb́ kudii pɔŋŋuee. Ti-Dindaan nín ŋá tiŋyee kaa sá maamaaci ki tīī-taaa?>

Matthieu 4:10

Niinee Yeesu bí-u yii: «Sitaan, sútí niin kí wàatī-mi! Kun puee an ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní an sá á jāam̀, kí nīn bí úǹ baba tundin.>»

Matthieu 4:4

Ní Yeesu fātìi kíí-u yii: «Unimbɔti gbɔŋku lī yii: <An kaa sá tijin dijil ŋmaniŋma di yì unil maŋfal, ama, unil ń nīn tɔ́ Unimbɔti bɔtee di yì u-maŋfal.>»

Luuki 4:12

Ní Yeesu yíì ní ki bí-u yii: «Unimbɔti gbɔŋku lī yii: <Á taa cɔ̄ŋkì ti-Dindaan a-Nimbɔtiu.>»

Actes 15:10

Ba pu ní ni cɔ́ŋkí Unimbɔti ki cáá diwaŋgul din ti-naanjab nì timbi ti-ba kaa ŋúń ki túǹee, ki cáa tūntí Kriisitoo yab?

Actes 5:9

Niinee Peetroo bí-u yii: «Ba ŋá ní sii nì a-cal kpáfì ki cɔ́ŋkì ti-Dindaan Fam míǹ? Kpèè, bin síb́ a-calee di dòoń kupunyɔkɔpuee! Bi làá dāá yòon̄ si mun.»

1 Corinthiens 10:9

Tí taa ti cɔ̄ŋkìmaan ti-Dindaan kii bi-kansikin biba nín nìn cɔ́ŋkì-u pu kin ikoobu dāa júntì ki kūū-bee.

Deutéronome 6:16

Ní taa cɔ̄ŋkì ti-Dindaan ni-Nimbɔtiu kii ni nín nìn cɔ́ŋkì-u Maasa puee.

Hébreux 3:9

Kuteeun niin ní ni-naanjab nìn cɔ́ŋkì-mi kí kpèè m nín sá uŋyee, ní m dàkā-bi m nín sá uŋyee, áli abin imuŋku ili.