Matthieu 4:4 - UNIMBƆTI NYƆƆBUNDI GBƆŊKU

⁴ Ní Yeesu fātìi kíí-u yii: «Unimbɔti gbɔŋku lī yii: <An kaa sá tijin dijil ŋmaniŋma di yì unil maŋfal, ama, unil ń nīn tɔ́ Unimbɔti bɔtee di yì u-maŋfal.>»

Matthieu 4:4 Iomraidhean Croise

Exode 16:15

Isirayeel yab kée kaa nyí kun an sée, ní ki bàlifī tɔb yii: «Ba wanti dee ní?» Ní Mooyiisi kíí-bi yii: «Tijin tin ti-Dindaan tīī-ni ní jēe dee.

Exode 16:35

Isirayeel yab nìn jíń tijin gbanti míǹ ní abin imuŋku ili, áli ki tin kɔ́ kitiŋ kin binib kóòyee. An dàkà yii bi pée jíń tijin gbanti míǹ ní ki tin bàn̄ Kanaan tiŋki kpaanyɔkɔ.

Exode 16:8

Mooyiisi gíti bí-bi yii: «Ti-Dindaan làá tīī-ni kujoou nee tinan ní ŋmɔ́, ní kutaafaauee ú fu tīī-ni tijin ní jī kí díkí, kun puee u gbìl̄ ni-gbukumii pu. Ní taa dàkafì yii timbi pu ní ni gbùkum̄. Timbi kaa pée sá tiba, an sá ti-Dindaan pu ní ni bíi gbùkum̄.»

Exode 23:15

Ní dāá jī jiŋaal un bi ŋmóò kpɔnɔb bin poon baa ŋá ŋkpɔnɔnyɔkɔee. Iwiin in m yóoǹ-ni Abiibi ŋmaliu poonee, ní dāá dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee, kii m nín tīī-ni mara puee. Di sá yii uŋmal gbanti poon ní ni nyáń Eejipiti tiŋkin. Ní taa dāan̄ m-nimbiin iŋaŋkulim.

Matthieu 15:11

An kaa sá tin di kóò unil nyɔkɔnee di kɔ̄ntí-u tijɔkɔndi Unimbɔti nimbiin, ama an sá tin nyēē unil nyɔkɔnee di kɔ̄ntí-u tijɔkɔndi.»

Matthieu 4:10

Niinee Yeesu bí-u yii: «Sitaan, sútí niin kí wàatī-mi! Kun puee an ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní an sá á jāam̀, kí nīn bí úǹ baba tundin.>»

Matthieu 4:7

Ní Yeesu kíí-u yii: «An lī Unimbɔti gbɔŋku poon yii: <Á taa cɔ̄ŋkì ti-Dindaan a-Nimbɔtiu.>»

Marc 7:20

U gíti lī yii: «Tin nyēeń unilinee di sá tin kɔ̄ntí-u tijɔkɔndi Unimbɔti nimbiinee.

Luuki 4:12

Ní Yeesu yíì ní ki bí-u yii: «Unimbɔti gbɔŋku lī yii: <Á taa cɔ̄ŋkì ti-Dindaan a-Nimbɔtiu.>»

Luuki 4:4

Ní Yeesu yíì ní ki kíí-u yii: «Unimbɔti gbɔŋku poon lī yii: <An kaa sá tijin dijil ŋmaniŋma di yì unil maŋfal.>»

Luuki 4:8

Ní Yeesu kíí-u yii: «An ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní án sá á jāam̀, ní kí nīn bí úǹ baba tundin.>»

Jean 15:26

«M yaa bàn̄ m-Baa ceeyee, m làá tɔ̄ń-ni Ututunli, úǹ di sá Unimbɔti Fam ibaamɔndaan un nyánní m-Baa ceeyee. U yaa láa bāańee, u làá sòoǹ m-pu,

Jean 6:63

Unil nì u-pɔ́ɔǹtam kɔkɔ sá fám ní, see Ŋfam di tìì dimaŋfal din kaa cáá dikúntilee. Míǹ ní m-bɔti tin m sòon̄ nì nee sá Unimbɔti Fam ní ki sá dimaŋfal.

Romains 15:4

Di sá yii tin kɔkɔ bi nìn ŋmàn̄ Unimbɔti gbɔŋku poon dooooyee sá kí dàkà-ti tí nīn cáá kimɔtii nì kunyannyaau, kí nīn máká Unimbɔti pu.

Ephésiens 6:17

Ní fōō difiil dí nīn sá-ni kijanjafuulii ní cíkiń, kí yòom̄maan kitàataajiki kin Unimbɔti Fam tììyee mun, an dàkà yii Unimbɔti nyɔɔbundi.

Deutéronome 8:3

Agìń gbanti boonee, u yāntì ŋkùm cúú-ni, ní ki dū maana un nimbi nì ni-naanjab kaa nìn nyée ki kpíiǹ-ni. U nìn ŋá míǹ kí dàkà-ni yii an kaa sá tijin dijil ŋmaniŋma di yì unil maŋfal, ama anyɔɔbun ŋin kɔkɔ nyēeń ti-Dindaan nyɔkɔnee di yì unil maŋfal.