Matthieu 4:3 - UNIMBƆTI NYƆƆBUNDI GBƆŊKU

³ Ní Sitaan sútì ki pìl̄-u, ní ki bí-u yii: «A yaa lafun sá Unimbɔti Jipɔɔn, tīī ditaŋkpal nee mara dí kpántí kpɔnɔ.»

Matthieu 4:3 Iomraidhean Croise

Exode 16:3

Bi nìn bí-bi yii: «Ba pu ní ti-Dindaan kaa yāntì ti kpíì ŋyunti ŋun ti nìn bí Eejipiti ki kā ki kɔ́ĺ anaŋkumboon ki jīǹ tijin ki díkèe. Ama ní ni yōoǹní samaa nee kɔkɔ ki cáań kuteeun ŋkùm ń kpɔ̀-bi!»

Matthieu 14:33

Bin nìn kā buŋalimbunee gbāaǹ Yeesu nimbiin ki bí-u yii: «Ibaamɔn, a lafun sá Unimbɔti Jipɔɔn.»

Matthieu 16:16

Ní Siimɔn Peetroo kíí-u yii: «Sii di sá Meesiya, ki sá Unimbɔti un bí dimaŋfalinee Jipɔɔn.»

Matthieu 26:63

Ama ní Yeesu ŋmí-bi fɔ́ŋfɔŋ. Ní usaraaŋakpil gíti bí-u yii: «Nì Unimbɔti un bí dimaŋfalinee ní m pūtì ki tīī-si, á tùkù-ti a yaa sá Meesiya, ki sá Unimbɔti Jipɔɔn!»

Matthieu 3:17

Niinee ní Unimbɔti sòon̄ní kutaa pu yii: «Un bí nee di sá man Jipɔɔn un m néeń tikpilee, úǹ ní m-pɔbil fáatì.»

Marc 1:1

Tibɔmɔntiil tin sòoǹ Yeesu Kriisitoo Unimbɔti Jipɔɔn puee kílilaŋki sèé.

Marc 3:11

Arasiniibi bin kā biwaatiibi puee yaa nìn ká-uee, bi nìn gbàantí u-nimbiin, ní bi kūuntí ki lì yii: «Sii di sá Unimbɔti Jipɔɔn!»

Marc 5:7

ní ki fáá mbiil mpɔn yii: «Yeesu Unimbɔti un bí yilpuee Jipɔɔn, man nì si yii ba ní? M dū Unimbɔti ki gbāam̀-si, taa sàaǹ-mi!»

Luuki 1:35

Ní ntuunee kíí-u yii: «Unimbɔti Fam di làá kpákatiń a-pu, ní Yilpu Fɔ́ŋŋŋ Nimbɔtiu pɔŋŋu ń bìin̄ a-pu kii mboonee. An pu ní circir biki kin a làá màal̀ee, bi dāa yíì-kì Unimbɔti Jipɔɔn.

Luuki 22:70

Ní bi-kɔkɔ bí yii: «Mimmee a sá Unimbɔti Jipɔɔn deeyaa!» Ní u kíí-bi yii: «Kii nimbi ni-ba nín lī puee.»

Luuki 4:3

Ní Sitaan bí-u yii: «A yaa lafun sá Unimbɔti Jipɔɔn, tīī ditaŋkpal nee mara dí kpántí kpɔnɔ.»

Luuki 4:41

Arasiniibi nìn nyēē binib tikpil pu ní ki gbáà ibiil yii: «A sá Unimbɔti Jipɔɔn ní!» Ama ní Yeesu kpàtī bi-pu, kaa pūǹ-bi kinyɔkɔ bí sòoǹ, kun puee bíǹ nìn nyí u nín sá Meesiyayee.

Luuki 4:9

Míǹ boonee ní Sitaan yōoǹ-u ki cáa cūnnì Jeerusaleem, ní ki cáá-u ki tɔ́kɔ́ǹ kunimbɔtidii yilpu kúnti kunti, ní ki bí-u yii: «A yaa sá Unimbɔti Jipɔɔn, á yùkū kí tìin̄ní tiba kaa làá ŋá-si,

Jean 1:34

M ká mimmee, ní ki sòoǹ ki tùkù-ni yii úǹ di sá Unimbɔti Jipɔɔn.»

Jean 1:49

Niinee ní Natanayeel bí-u yii: «Ukpil, a sá Unimbɔti Jipɔɔn ki sá Isirayeel yab mun bɔtiu!»

Jean 20:31

Bi yaa ŋmàn̄ tin bí neeyee, an sá ní fōō kí kíí yii Yeesu sá Unimbɔti Jipɔɔn ki sá Meesiya. Ni yaa fōō-u ki kíí mimmee, ní ká dimaŋfal u-yindi pu.

Jean 9:35

Yeesu gbìl̄ yii bi jìn̄ un nìn sá ujɔfuee. U dāa ká-uee ní ki bí-u yii: «A fōō Kinibiki ki kííii?»

Actes 9:20

ní ki kpáàa kíĺ ki sòoǹ Yeesu pu akpafidiinni, yii u sá Unimbɔti Jipɔɔn.

2 Corinthiens 1:19

Di sá yii Unimbɔti Jipɔɔn Yeesu Kriisitoo un bɔti man nì Siilasi nì Tiimootee sòon̄ ni-cee niinee kaa sá «Iiin» nì «Aayee» bɔti. Ama, u-nee, an pée sá «Iiin» ŋmaniŋma ní.

Galates 2:20

M nín bí nee, kaa ti sá man di bí, Kriisitoo di bí m-ni. M nín bí dimaŋfalinee, Unimbɔti Jipɔɔn ní m fōō ki kíí, úǹ di néeń-mi ki dū u-ba ki tīī man pu.

1 Thessaloniciens 3:5

M nín kaa ti ŋūǹ kí nīn gbíntìi kā ki cée puee ní m túnní Tiimootee ú dāá kpèè ni-fookiiu nín bí puee, kun puee m fàŋkí yii Sitaan ń taa láa cɔ̄ŋkì kí líí-ni ti-tundi din ti túńee ń ŋá fám.

Hébreux 12:16

Ní nīn nyíǹ ni-ba ubɔ ń taa ŋá tilaakpaal, kí taa kpèè Unimbɔti fám, kii Eesayuu nín nìn ŋá pu, tijin puee u dū u-kpiti ki nyáfèe.

Hébreux 4:14

Yeesu, Unimbɔti Jipɔɔn di sá usaraaŋakpil un sá ukpaan ki jɔ́m̀ doooo yilpu fɔ́ŋŋŋ kí nīn tútúǹ-tee. An puee tí mɔ̀tīí nīn ŋúb́ fookii un ti cáá u-puee gbīŋgbim.

Hébreux 7:3

Meelkiiseedeeki gbantee kaa cáá baa, kaa cáá na, kaa cáá nnyeen. An kaa cáá yii bi màl̄-u, kaa cáá yii u kúù. U bí kii Unimbɔti Jipɔɔnee ní, u làá nīn pée sá usaraaŋal ní kí nīn cá jaanjaan.

1 Jean 3:8

Ama un yaa ŋáań ikpitee sá Sitaan yɔu, kun puee Sitaan pée sá ikpitidaan ní doooo ŋkilkaamin. An pu ní Unimbɔti Jipɔɔn dɔ́miń ki kpītì Sitaan tuuŋŋi.

Apocalypse 2:10

Á taa fàŋkì falaa un dɔ̄ ki cí-si a làá jēe pu. Di sá yii Sitaan làá cɔ̄ŋkì-ni kí yàntī bí cūtì ni-kansikin biba kí tɔ̄ sarka, ní ní dāá jī falaa iwiin saalaa. Nín̄ yú deedee áli a-kúm dal, ní ḿ dāá tīī-si dijajil beefuuliiki, an dàkà yii dimaŋfal din kaa kúntée.