Matthieu 4:18 - UNIMBƆTI NYƆƆBUNDI GBƆŊKU

¹⁸ Yeesu nín bíi kpàkaǹ Galiilee mɔɔlee, ní u ká nnabiyaamu muli: an nìn sá Siimɔn un bi yíì Peetrooyee nì u-naal Andree. Bi nìn sá bijɔncuuliibi ní ki bíi tòó kulaaŋŋu.

Matthieu 4:18 Iomraidhean Croise

Exode 3:1

Mooyiisi nìn bí ki kpàá u-coo Jeetroo, Madiyan tiŋki tandaaŋwu piii nì u-ŋoobui. Dalbee u yōoǹ tiwaŋkuti ki jítì kuteeu pu ki tin bàn̄ Ooreeb, Unimbɔti jool pu.

Exode 3:10

Kɔŋkɔnnee m làá tɔ̄-si Faaroo cee á cù Eejipiti kí nyāntí man nibul Isirayeel yab.»

Ezéchiel 47:10

Ŋyunti gbantee, kí yòon̄ Eeni-Geedii bùmbiki kí cáá sāā Eeni-Eegilaayiim bùmbikee, bijɔncuuliibi làá nīn kíǹ ki bí ní. Bi làá nīn díntí bi-laanti dimɔɔgbandi ní. Bi làá ká niin ijɔm kɔkɔ nì i-bulifi kii Meediiteeranee tiŋkuu poonee ní.

Nombres 34:11

ní kí yòon̄ Seefam tiŋki kí nīn sìntī Riibila watil, Aayin tiŋki ŋwìiń nyalaŋki pú, ní kí yòon̄ niin kí nīn sìntī kí tin cáá sāā Geeneesareeti mɔɔgbandi ŋwìiń nyalaŋki pú,

Matthieu 10:2

Yeesu kpambaliŋ saalaa nì alee yiŋŋi sɔ̀. Mbaayee, Siimɔn un bi gíti yíì Peetroo (an taapu sá yii: Ditaŋkpal), nì u-naal Andree, nì Seebeedee jipɔmbi Yakubu nì u-naal Yoowaneesi,

Matthieu 15:29

Yeesu yíkì niinee ní ki búntì Galiilee mɔɔgbandi, ní ki cūtìi jɔ́m̀ dijool diba pu ki kāl̀.

Matthieu 16:18

Man tùkù-si yii: sii di sá Peetroo, ditaŋkpakpaandi nee pu ní m làá mā m-nikitil kí tɔ́kɔń, ní ŋkúm nì mi-pɔŋŋu làá nyàfiǹ kí gúĺ, kaa làá ŋmā kí ŋá-dì tiba.

Matthieu 4:19

Ní Yeesu bí yii: «Dāan̄ kí nīn nóómaan-mi, ḿ dū-ni kí kpántí bin cāabìń binib m-ceeyee.»

Marc 7:31

Yeesu yíkì Tiir tiŋkin ki fātìi dīń Siidɔn, ki jítìń ntimu saalaa pu ki nín dòoń Galiilee mɔɔl watil pú.

Luuki 6:14

Akpambalee yiŋŋi sèé: Siimɔn un u nìn páaǹ diyindi yii Peetrooyee (an taapu di sá yii Ditaŋkpal), nì Siimɔn naal Andree, nì Yakubu nì Yoowaneesi nì Fiiliipi nì Bateeleemii

Jean 21:1

Boonee ní Yeesu fātìi tí nyántì u-ba u-boonnooliibi ká-u Tiibeeriyaadi mɔɔgbandi. Bi nín ká-u, tin jítèe sèé.

Jean 6:1

Míǹ boonee ní Yeesu dūtì Galiilee mɔɔgbandi lapu pu - bi gíti yíì dimɔɔlee yii Tiibeeriyaadi mɔɔl. -

Jean 6:8

Ní u-boonnooliibi kansikin ubɔ, Siimɔn Peetroo naal un bi yíì Andreeyee, bí-u yii:

Deutéronome 3:17

Kikpaanyɔkɔ kin bí ŋwìiń jeetilaŋki watil pú ki dī Jɔɔdan tantakal din bí Kiineereeti mɔɔl nì Ŋyaam mɔɔl kansikinee, ní ki nìkī ki tin sāā Piisga jool din bí ŋwìiń nyalaŋki púee taapu.