Matthieu 4:13 - UNIMBƆTI NYƆƆBUNDI GBƆŊKU

¹³ U bàn̄ee kaa kóò Naasaareeti ní ki tin kóòń Kapeernayum Galiilee mɔɔl caŋin, laakin sá Sabulɔn nì Neefitalii tiŋkinee.

Matthieu 4:13 Iomraidhean Croise

Matthieu 11:23

Kin, nimbi Kapeernayum tiŋki nib, ni nyí yii ni làá yīkì yilpu kí tin tūū kutagbɔŋu níii? Ni làá sìntī kí bà taapu taŋkpiibi ní, kun puee maamaacib bin m ŋá ni-cee nee di yaa bàà nìn ŋámaan Soodoom tiŋkinee, bíǹ bàà nìn kpántìmaan bi-bimbim ki bàà dáá gbíntìi bí díǹ.

Matthieu 17:24

Yeesu nì u-boonnooliibi nín bàn̄ Kapeernayumee, bin nìn fòol̄ kunimbɔtidii lampoouee dɔ́miń Peetroo cee ní ki bālifì-u yii: «Ni-kpiliu kaa pà kunimbɔtidii lampoou níii?»

Matthieu 4:14

An ŋá kii Unimbɔti bɔnaatiliu Yeesaya nín nìn sòon̄ ki síiǹ puee dee, yii:

Matthieu 4:15

«Sabulɔn nì Neefitalii timmu yab, tiŋku watil pú, Jɔɔdan buŋgbandi lapu, Galiilee tiŋki, laakin bin kaa sá Juuda yabee kóòyee!

Matthieu 9:1

Niinee ní Yeesu kɔ́ buŋalimbun ki fātìi dūtì dimɔɔl ki nín gítiń u-tiŋkin.

Marc 1:21

Yeesu nì u-boonnooliibi cūtì Kapeernayum tiŋkin. Ŋwiŋŋuŋfikaa bāańee, ní Yeesu kɔ́ kukpafidiin ki kíĺ ki bíi dàkà binib Unimbɔti bɔti.

Marc 2:1

Iwiin iba boonee, Yeesu nìn gítì Kapeernayum, ní binib gbìl̄ yii u bí mmɔŋki.

Luuki 10:15

Nimbi Kapeernayum tiŋki yab, ni nyí yii ni làá yīkì kí tin sāā kutagbɔŋu níii? Ni làá sìntī kí bà taapu taŋkpiibi ní.»

Luuki 4:23

Ní u bí-bi yii: «M nyí yii ni làá gāā-mi dilaŋkpandi nee yii: <Unyɔɔdaan, cáaǹ a-ba> ní ki làá gíti lì-mi yii: <Ti gbìl̄ a nín ŋá min Kapeernayumee, ŋá a-tuuŋŋi gbanti abaanti a-tiŋki poon doo.>»

Jean 2:12

Boonee ní u nì u-na nì u-naalib nì u-boonnooliibi nín sìntī Kapeernayum, ki kāl̀ niin iwiŋkaaŋkaa iba.

Jean 4:46

Ní u fātìi gítì Kana, Galiilee timbiliiki, laakin u nìn dū nnyim ki kpántì ndaamee. Gɔmina kàlinjakpaaŋwu ubɔ nìn bí Kapeernayum u-jipɔɔn būǹ.

Jean 6:17

ki kɔ́ buŋalimbu ki fātìi nín cá Kapeernayum watil. Kunyeeu mun nìn mɔ́ Yeesu kaa láá bāań bi-cee.

Jean 6:24

Kunipaauee nín kaa ká Yeesu kaa ká u-boonnooliibi muee ní bi kɔ́ iŋaliŋfee ki búntì Kapeernayum kí nyàab̀ Yeesu.

Jean 6:59

Tin tin Yeesu nìn sòon̄ Kapeernayum kpafidiikun ki dàkā binibee dee.