Matthieu 4:11 - UNIMBƆTI NYƆƆBUNDI GBƆŊKU

¹¹ Ní Sitaan cāntì-u ní Unimbɔti tuuŋyi dɔ́miń u-cee ki bíi kèetī-u.

Matthieu 4:11 Iomraidhean Croise

1 Rois 19:6

U kpēē u-yil púee, kantaalku nì dinyimbool di sée. U jíń ki nyùn̄ ki dóòyee ní ki fātìi dōoǹ.

Matthieu 26:53

A nyí yii maan ŋūǹ kí yíiń m-Baa ń jòoń-mi, ní ú tīiń-mi niin niin ituun kutukub kutukubaaa?

Matthieu 4:6

ní ki bí-u yii: «A yaa sá Unimbɔti Jipɔɔn, yùkū kí tìin̄ taapu tiba kaa làá ŋá-si, kun puee an ŋmàn̄ Unimbɔti gbɔŋkun yii: <Unimbɔti làá yàntī u-tuuŋyi ń nīn tíkí-si i-ŋaaŋyin a-taal ń taa gbéetí ditaŋkpal.>»

Marc 1:13

U nìn ŋá kuteeun iwiin imuŋku ili ní Sitaan cɔ́ŋkì-u. U nì ipeel di nìn kíǹ ki bí, ní Unimbɔti tuuŋyi bí u-cee ki kèetī-u.

Luuki 22:43

Niinee ní Unimbɔti tuuŋŋu ŋubɔ nyánní yilpu ki dɔ́miń ki tīī-u kunyannyaau.

Luuki 22:53

Man nì ni di pée bí kunimbɔtidiin baabadal, ba pu ní naa cúú-mi niin? Ama ŋyunti bāań ni nì dibɔmbɔndi bɔtiu ń tɔ̄ ni-tundi.»

Luuki 4:13

Sitaan cɔ́ŋkì Yeesu isan kɔkɔ pu ki dóòyee, ní ki búntì kí nīn tí cí ŋyunti ŋubɔ.

Jean 14:30

Maa làá ti sòoǹ nì ni tikpil, kun puee duulinya bɔtiu Sitaan dòoń. Waa nín ŋūǹ kí ŋá-mi tiba.

1 Timothée 3:16

Tiŋman, dinimbɔtinool bɔti tin nìn bí dibalin Unimbɔti nyántì ki dàkā-tee sá tiwaŋkpaandi ní! Yeesu kpántì unil ní ki dɔ́miń ti-cee, Circir Fam dàkā yii u sá deedeedaan, Unimbɔti tuuŋyi ká-u. Bi sòon̄ u-pu atimbun kɔkɔn, kitiŋ pu nib fōō-u ki kíí ní Unimbɔti yōoǹ-u ki jɔ́m̀ yilpu tinyool laŋki.

Hébreux 1:14

Unimbɔti tuuŋyi di kaa sá bin kɔkɔ sá ŋfam ki bí ki tūǹ Unimbɔti tundeeee? U tūnní-bi ní bi dòoń ki tútúǹ bin làá ká difiilee.

Hébreux 1:6

Ŋyunti ŋun u dū u-Jipɔŋkpiliu gbanti ki túnní duulinya poonee, ní u bí yii: «Unimbɔti tuuŋyi kɔkɔ ń gbàan̄ kí nyɔ̄ŋkì-u.»