Matthieu 4:10 - UNIMBƆTI NYƆƆBUNDI GBƆŊKU

¹⁰ Niinee Yeesu bí-u yii: «Sitaan, sútí niin kí wàatī-mi! Kun puee an ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní an sá á jāam̀, kí nīn bí úǹ baba tundin.>»

Matthieu 4:10 Iomraidhean Croise

1 Chroniques 21:1

Ŋwiin ŋubɔee, Sitaan yíkì kí já nì Isirayeel yab ní ki lūkutì Daafiidi ú kàaǹ Isirayeel yab kɔkɔ.

Yoob 1:12

Niinee ní ti-Dindaan bí ukuŋfil yii: «Too, tin kɔkɔ u cááyee bí a-ŋaan. Ama á nīn nyíǹ a-ba kí taa gbēē úǹ u-ba.» Niinee ní ukuŋfil nyáń ti-Dindaan nimbiin ki nín cá.

Yoob 1:6

Dalba, Unimbɔti tuuŋyi dɔ́miń ti-Dindaan kpafil. Sitaan, ukuŋfil mun nìn bí bi-kansikin.

Yoob 2:1

Dalba muee, Unimbɔti tuuŋyi tí dɔ́miń ti-Dindaan kpafil. Sitaan, ukuŋfil mun nìn tí bí bi-kansikin kí dū u-ba kí dàkà.

Psaumes 109:6

Bi sòoǹ m-pu yii: «Tí lēē unil ubɔ ú jáǹ-u, ukɔkɔli ubɔ ń yūĺ u-ŋaŋgiil pú.

Exode 23:25

Man ni-Dindaan ni-Nimbɔtiu baba ní ní dāá nīn jáaḿ. Niinee ní ḿ dāá bìin̄ ni-boon kí tīī-ni tijin nì tinyɔkaal, ní kí wúń ni-pu iween ń taa cúú-ni.

Esaïe 30:22

Awaa ŋin a kpítì ki dū animbil kúti ki nyūntèe, nì ŋin a mɔ́ɔ́ ki dū sindaariya ki nyūntèe làá dāá kpántí ni-cee tijɔkɔŋwan. A làá dāá dū-ŋi kí fá kii titampummoolee ní kí lì-ŋi yii: «Nyāmaan doo!»

Matthieu 16:23

Ní Yeesu fātìń Peetroo pu ní ki bí-u yii: «Sii un cáá Sitaan landɔkɔŋuee, sútí niin kí wàatī-mi. A sá-mi kisugiŋ ní nsan pu. Saa dàkafī Unimbɔti yam, a dàkafī nniyaamin ní.»

Marc 1:13

U nìn ŋá kuteeun iwiin imuŋku ili ní Sitaan cɔ́ŋkì-u. U nì ipeel di nìn kíǹ ki bí, ní Unimbɔti tuuŋyi bí u-cee ki kèetī-u.

Luuki 10:18

Ní Yeesu bí yii: «M ká Sitaan nín nyánní kutagbɔŋu ki bí kii ntaaŋmɔŋmɔee ki lítì.

Luuki 11:18

Ní ni bí yii Beelseebuul di tīī-mi mpɔn ní m jì arasiniibaaa? Mimmee, Sitaan yaa fātìi bíi jáà nì úǹ u-bee, mana ní u-beel ŋūǹ kí nīn bí ki cá!

Luuki 13:16

Kin unimpu nee mun sá Abraam naantiiu ubɔ ní Sitaan bóob́-u doooo abin ali kpá mmuŋku. Úǹ di kaa nín máaǹ ḿ báatí-u dikpambaal ŋwiŋŋuŋfikaa dalaaa?»

Luuki 22:3

Niinee ní Sitaan kɔ́ Juudasi un bi yíì Isikaariyɔtee ni. U nìn sá Yeesu kpambaliŋ saalaa nì alee kansikin diba ní.

Luuki 22:31

Ní ti-Dindaan lī yii: «Siimɔn, Siimɔn, á pīlifì, Sitaan bālifì kí bàkal̀-si kii bi nín bàkal̄ idi puee.

Luuki 4:8

Ní Yeesu kíí-u yii: «An ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní án sá á jāam̀, ní kí nīn bí úǹ baba tundin.>»

Jean 13:27

Juudasi fōō kpɔnɔee, ní Sitaan kɔ́ u-ni. Ní Yeesu bí-u yii: «Tin a cáá ki làá ŋée, á ŋá-tì malaa!»

Actes 26:18

A làá cù kí ŋúbití bi-nimbiliŋ, kí nyāntiń-bi dibɔmbɔndin kí cáań-bi ŋwalifin, kí fōō-bi Sitaan pɔŋŋun kí cáań Unimbɔti cee. Bi yaa fōō-mi ki kííyee ní bí ká bi-kpitii pɔ̄tam nì tipaal tin Unimbɔti làá dāá tīī bin u gāntì bi sá u-yabee.>»

Actes 5:3

Ní Peetroo bí yii: «Ananiyasi, ba ŋá ní a yāntì Sitaan jíń a-pɔbil poon mpaan míǹ? A mɔ́ntì Unimbɔti Fam ki bātì tikpaatan nimbiliŋ pu.

1 Corinthiens 5:5

ní dāá dū an niliuee kí tīī Sitaan. U làá sàaǹ u-wunti ní u-naŋki ń dāá ŋmátí ti-Dindaan gítintam.

1 Corinthiens 7:5

An puee, ubɔ ń taa ŋmìntī u-juti báà tiba, asee ni yaa sòon̄ ki gbìlīǹ tɔb kí dū ŋyunti ŋubɔ kí taa gbēē tɔb kí ŋmā kí mèè. Ni nín mēē míǹ ki dóòyee, ní ní fàtīí kpāfì. An yaa kaa sá míǹ, ni nín kaa ŋūǹ kí nīn gbíntì ki ŋúb́ ni-ba ki ŋmèéyee puee, Sitaan ŋūǹ kí dī míǹ pu kí cɔ̄ŋkì-ni.

2 Corinthiens 11:14

Tinee kaa sá maamaaci bɔti, kun puee Sitaan u-ba ŋūǹ kí kpántí ŋwalifi tuuŋŋu.

2 Corinthiens 12:7

Kí wàatī ḿ taa dū tin Unimbɔti yāntì m béè an kaa bí dimaafilee kí ŋá dilambilee, ní u dū iween iba ní ki ŋá m-wunti pu. Iweenee sá kii Sitaan tuuŋŋuee ní ki gbáà-mi, án nín làá ŋá pu ḿ taa nín̄ cáá dilambilee.

2 Corinthiens 2:11

án nín làá ŋá pu tí taa yàntī Sitaan ń jī ti-pu dinyandee, kun puee ti nyí u-landɔkɔŋu.

Deutéronome 10:20

Fàŋkìmaan ti-Dindaan ni-Nimbɔtiu kí nīn jáaḿ-u. Dūmaan ni-ba kɔkɔ kí tīī-u. Úǹ baba yindi pu ní ni máaǹ kí nīn pùtī.

Jacques 4:7

Míǹ puee, sìntīmaan ni-ba taapu kí tīī Unimbɔti, kí já nì Sitaan, see ú sāǹ kí wàatī-ni.

Josué 24:14

Ní Joosuwa kútì yii: «An puee, kɔŋkɔnnee ní fàŋkìmaan ti-Dindaan, kí nīn jáaḿ-u nì ni-pɔbil kɔkɔ nì ibaamɔn poon. Ní dū awaa ŋin ni-naanjab nìn tòotī Eefiraati mɔɔgbandi lapu jaaŋŋu pú nì Eejipiti tiŋkinee kí fá, kí nīn kíǹ ki jáaḿ ti-Dindaan baba.

1 Pierre 5:9

Míǹ puee, ní ŋúb́ ni-ba ni-fookiiu poon, kí yíí Sitaan. Kun puee ni nyí yii ni-nabiyaamu mun yàl̄ duulinya jaŋŋi kɔkɔnee bí ki jīǹ falaa gbanti ubaanti míǹ ní.

1 Samuel 7:3

Niinee ní Samiyeel bí Isirayeel yab kɔkɔ yii: «An yaa lafun sá nì ni-pɔbil kɔkɔ ní ni là kí gítiń ti-Dindaan ceeyee, ní nyāntí awaa Asitaartee nì awaa ŋin pée kíǹee kɔkɔ ni-cee. Ní dū ni-ba kí nákáǹ ti-Dindaan nì ni-pɔbiliŋ kɔkɔ kí nīn jáaḿ úǹ baba. Ni yaa ŋá mimmee, u làá nyāntí-ni Fiiliistii yab ŋaan.»