Matthieu 3:7 - UNIMBƆTI NYƆƆBUNDI GBƆŊKU

⁷ Yoowaneesi nín ká yii Fariisab nì Sadusab dòoń ú fàl̀-bi Unimbɔti nyimee, ní u bí-bi yii: «Nimbi bin tū kii ikoowaatee! Ŋma tùkū-ni yii ní sāǹ kí nyā Unimbɔti ŋuul din dòońee ni?

Matthieu 3:7 Iomraidhean Croise

Genèse 3:15

M làá náań kudɔ̀ŋu kí bíĺ sii nì unimpu kansikin, kí bíĺ a-maaliŋu nì u-maaliŋu kansikin. U-maaliŋu làá dāá tāā kí mátí a-yil, ní sii ń dāá jú úǹ tagbíndi.»

Proverbes 28:4

Binib bin féeń Unimbɔti marauee pàkà binikpitib ní, ama ní binib bin ŋúb́ Unimbɔti marauee jáà nì bi.

Esaïe 59:5

Bi náká ukoowaati jiŋŋi pu, ki lù tinaŋgbantalindi. Un di yaa ŋmɔ́ an jiŋŋee kúù ní. Dijindi din kamaa pu ní bi yaa nákáǹee kákatí ukoobu ní.

Jérémie 51:6

Sāǹ kí nyāmaan Babiloon tiŋkin, báà ŋma ń sāǹ kí fīī u-ba! Niinee naa làá kpú ki-kpitii pu. Di sá yii ŋyunti bāań ti-Dindaan ń tɔ̀ ipɔntoon, u làá pà bi-paati nín máaǹ puee.

Jérémie 6:10

Tibɔti nee, ŋma cee ní m làá sòoǹ-tì? Ŋma ní m làá kpāafì ní ú gbìl̄ ní? Bi-tafaliŋ kpáá baa ŋūǹ kí gbìl̄. Ti-Dindaan bɔti kpántì bi-cee ibeel ní, baa pée là kí gbìl̄-tì.

Matthieu 12:24

Ama Fariisab nín gbìl̄ bi lī mimmee, ní bíǹ bí yii: «An sá arasiniibi bɔtiu Beelseebuul di tīī uninja nee mpɔn ní u cáa jì arasiniibi.»

Matthieu 12:34

Nimbi bin tū kii ikoowaatee! Nimbi bin sá binikpitibee! Mana ní ni ŋūǹ kí sòoǹ tibɔmɔntiil? Tin gbí dipɔbilinee, tíǹ ní kinyɔkɔ sòoǹ. Unimɔnti lèekī tin ŋān̄ee u-bɔnyaanti tin sá u-gaajatee poon ní,

Matthieu 15:12

Niinee, u-boonnooliibi sútìń ki bí-u yii: «Aa nyí yii tibɔti tin a bàà sòon̄ee wùn̄ Fariisabaaa?»

Matthieu 16:1

Fariisab nì Sadusab dɔ́miń Yeesu cee kí píĺ-u tibɔti ní ki bí-u yii ú ŋá maamaaci ubɔ kí dàkà-bi yii Unimbɔti bí u-cee.

Matthieu 16:6

Ní Yeesu bí-bi yii: «Ní nīn nyí nì ni-ba nì Fariisab nì Sadusab kpɔnɔnyɔkɔŋu pu.»

Matthieu 22:15

Niinee Fariisab cūtì ki sòon̄ ki bɔ́ntì bi nín làá dī min kí dū tibɔti kí píĺ Yeesu ú sòoǹ bí ŋmā kí cúú-uee.

Matthieu 22:23

Ŋwimbaanti gbantee, Sadusab biba mun dɔ́miń Yeesu cee. Bíǹ di sá dinikitil din lì yii difìkitil kaa bée. Bi bālifì Yeesu yii:

Matthieu 22:34

Fariisab nín gbìl̄ yii Yeesu sòon̄ ki líì Sadusabee ní bíǹ kpáfì,

Matthieu 23:33

Nimbi bin tū kii ikoowaatee! Mana ní ni dàkafī yii ni ŋūǹ kí ŋmátí kí taa kɔ́ ditafadaaldi laŋki?

Matthieu 5:20

Ibaamɔn ní m sòoǹ nì ni, ni yaa kaa bí deedee ki jítiǹ bimaradakaliibi nì Fariisab, naa ŋūǹ kí kɔ́ Unimbɔti Beelin.»

Marc 12:13

Bi túnní Yeesu cee Fariisab nì Eeroodi naacimbi kansikin biba bí dāan̄ kí píĺ-u tibɔti.

Marc 12:18

Ŋyuntee ní Sadusab dɔ́miń Yeesu cee. - Bíǹ di sá dikitil din lì yii difìkitil kpée. - Ní bi bí Yeesu yii:

Marc 8:15

Ní Yeesu kpáafì-bi ki bí-bi yii: «Nín̄ nyím̀maan ni-ba nì Fariisab nì Eeroodi kpɔnɔnyɔkɔŋu!»

Luuki 16:14

Fariisab nín gbìl̄ an bɔtee ní bi bíi bèel̄ Yeesu, kun puee bíǹ néeń animbil.

Luuki 18:11

Fariisee nìn yú ki mèé u-ban, yii: <Óo Unimbɔti, m jáaḿ-si man nín kaa bí kii bin kíǹee nín bí pu ki sá binaayub, binikpitib, bilaakpaadambee, m jáaḿ-si man nín kaa bí kii ufɔtil un bí neeyee.

Luuki 7:30

Ama ní Fariisab nì bimaradakaliibi yíì min Unimbɔti bàà là bí ŋée, kaa cāntì Yoowaneesi fùl̄-bi Unimbɔti nyim.

Jean 1:24

Fariisab biba nìn bí bin bi nìn túnní Yoowaneesi ceeyee kansikin,

Jean 8:44

Nimbi baa di sá Sitaan, min min ni-baayee lèe, an ní ni là ki ŋáań. U pée sá unikpɔl doooo ŋkilkaamin ní. Waa sí ibaamɔnni kun puee waa cáá ibaamɔn u-ni. U yaa bíi mɔ́ntée, míǹ di sá u-bimbim, kun puee u sá unyimɔndaan ní, úǹ di sá inyimɔn na nì i-baa.

Jean 9:40

Fariisab biba nìn bí niin. Bi gbìl̄ an nyɔɔbuŋŋee, ní ki bālifì-u yii: «Mimmee, ti mun sá bijɔfub deeyaaa?»

Actes 15:5

Niinee ní Fariisab jandi din nìn fōō ki kííyee yíkì, kaa kíí, yii, bi máaǹ kí gīfì dikpancandi bin kaa sá Juuda yabee kí yàntī bí nīn ŋúb́ Mooyiisi marab kí wàatī ní bí nīn nín sá Kriisitoo yab.

Actes 20:31

Míǹ puee, ní nīn nyímaan nì ni-ba kí nīn téetí m nín nìn sáŋkí-ni pu nì nnyinnyim ŋwiimpu nì kunyeeu áli abin atee.

Actes 26:5

Bíǹ bi-ba nyí-mi dooooyee. Bi yaa là gba, bi ŋūǹ kí lì yii m nìn sá Fariisa yab bin ŋúb́ marab tiŋanee kansikin ubɔ.

Actes 5:17

Niinee usaraaŋakpil nì u-yab kɔkɔ, an dàkà yii Sadusab jandi, kíǹ ki ná Yeesu kpambaliŋ.

Romains 1:18

Di sá yii doooo yilpu ní Unimbɔti dàkà u-ŋuul nnibiyaamu bimbikpitim pu. Baa tɔ́ úǹ Unimbɔti ní ki ŋáań ikpiti. Bi-tuŋkpitiŋ kaa yàntī ibaamɔn ń tɔ̄ i-tundi bi-ni.

Romains 5:9

U nín kpíìyee, ní u-fatikuu yāntì ti kpántì deedeedambi Unimbɔti nimbiin. Kin, an làá ŋá mana ní kɔŋkɔnnee waa làá ŋmā kí fīī-ti tí taa kɔ́ Unimbɔti ŋuulin?

1 Thessaloniciens 1:10

Ni kā ki cí yii u-Jipɔɔn Yeesu ń nyānní yilpu kí dāan̄. Úǹ ní Unimbɔti fīkitì ditaŋkpiilin. Úǹ di fīī-ti ki nyántì Unimbɔti ŋuul din bí ki dòońee poon.

Hébreux 11:7

Fookii un Noowa nìn cáá Unimbɔti puee di yì-tì ní Unimbɔti nín nìn kpáafì-u yii nnyiŋgbeen dòońee, u nìn fōō ki kíí kaa láá ká-mì, ní ki nìn kíĺ ki bíi kpáà meela un poon u nì u-dicaŋku làá kɔ́ kí ŋmátée. U-fookiiu un u nìn cáá Unimbɔti puee di dàkā duulinya yab bɔkpil ní úǹ kpántì deedeedaan Unimbɔti nimbiin.

Hébreux 6:18

U tīī-ti tiwan tili tí ŋmā kí nīn máká ti-pu, dipoondi nì dipùtil. Tiwan tili gbanti puee, Unimbɔti kpá kí kpántí u-nyɔkɔ. U kpá kí mɔ̄ntì-ti, an puee timbi bin sáǹ ki dɔ́miń ki kɔ́-uee, tí kámaan kunyannyaau kí mɔ̀tīí dū ti-mákal kí báań tin u pōoǹ-tee pu tiŋan.

1 Jean 3:10

Kun gàntī Unimbɔti biyaamu nì Sitaan yɔmuee di sá, sii un yaa kaa ŋáań tin bí deedeeyee nì sii un yaa kaa néeń a-nabikee kaa sá Unimbɔti yɔu.